True Caller-இல் அறிமுகமான தரமான அம்சம்!!

0
39

நாட்டில் கோவிட் -19 கேஸ்கள் மிகவும் தீவிரமாக அதிகரித்து வரும் நிலையில், ட்ரூகாலர் நிறுவனம் அதன் இந்திய பயனர்களுக்காக கோவிட் ஹாஸ்பிட்டல் டைரக்டரி (Covid Hospital Directory) என்கிற புதிய அம்சத்தை அறிமுகம் செய்துள்ளது.

இந்த டைரக்டரி இந்தியா முழுவதும் உள்ள கோவிட்-19 தொற்றுநோய்காக நியமிக்கப்பட்ட அரசு மருத்துவமனைகளின் “ஆதரவு” தொலைபேசி எண்கள் மற்றும் முகவரிகளை வழங்குவதை நோக்கமாகக் கொண்டுள்ளது.

ட்ரூ காலர் ஆப்பில் அறிமுகமாகியுள்ள இந்த புதிய அம்சத்திற்கான தகவல்கள் ஆனது, உத்தியோகபூர்வ அரசாங்க தரவுத்தளங்களிலிருந்து பெற்றுள்ளதாக ட்ரூகாலர் நிறுவனம் கூறியுள்ளது.

இந்த டைரக்டரி ஆப்பிற்குள்ளேயே கட்டமைக்கப்பட்டுள்ளது மற்றும் பயனர்கள் மெனு அல்லது டயலரிலிருந்து இதை எளிதாக அணுகலாம்.

“கோவிட்-19 தொடர்பான சேவைகளுக்கான முக்கியமான எண்களின் எளிய டைரக்டரியை விரைவாக அறிமுகப்படுத்த விரும்பினோம். இதை மருத்துவமனை பட்டியலுடன் நாங்கள் தொடங்கியுள்ளோம். இன்னும் பிற சரிபார்க்கப்பட்ட ஆதாரங்களை விரைவில் சேர்க்க பணியாற்றி வருகிறோம்” என்று ட்ரூகாலர் நிறுவனத்தின் இந்திய எம்.டி ஆன ரிஷித் ஜுன்ஜுன்வாலா கூறி உள்ளார்.

நிறுவனத்தின் கூற்றுப்படி, அனைத்து ட்ரூகாலர் பயனர்களும் கோவிட் -19 தொடர்பான மருத்துவமனை தகவல்களை விரைவாகத் தேட தேஆப்பில் உள்ள Search பட்டன் உதவும். இருப்பினும், குறிப்பிட்ட அம்சமானது மருத்துவமனைகளில் படுக்கைகளின் இருப்பை உறுதிப்படுத்தாது.

இந்தியா முழுவதும் உள்ள பல மருத்துவமனைகளின் தொலைபேசி எண்கள் ட்ரூகாலர் ஆப் வழியாக கிடைப்பதை உறுதிசெய்ய ஒவ்வொரு நாளும் தரவுத்தளத்தை அப்டேட் செய்வோம் என்றும் ட்ரூகாலர் நிறுவனம் உறுதியளித்துள்ளது.

இந்த அம்சத்தை பெற விரும்பும் பயனர்கள் Android ஸ்மார்ட்போன்களில் Google Play Store-இலிருந்து ட்ரூகாலரின் லேட்டஸ்ட் அப்பேட்டை பெற வேண்டும். இந்த அம்சம் இப்போது ஆண்ட்ராய்டு ஸ்மார்ட்போன்களுக்கு மட்டுமே அணுக கிடைக்கிறது என்பதும் குறிப்பிடத்தக்கது.

கோவிட் -19 மீண்டும் “காட்டுத்தீயாக” பரவுவதையடுத்து இந்தியாவுக்கு உதவும் முதல் தொழில்நுட்ப நிறுவனம் ட்ரூகாலர் அல்ல என்பதும் இங்கே குறிப்பிடத்தக்கது.

ஆப்பிள், கூகுள் மற்றும் மைக்ரோசாப்ட் உள்ளிட்ட பல தொழில்நுட்ப நிறுவனங்கள் இந்தியாவுக்கு நிதியுதவி மற்றும் கோவிட் -19 தொடர்பான பொருட்களை உறுதியளித்துள்ளன. மற்ற சில நிறுவனங்கள் மருந்துகள், ஆக்ஸிஜன், மருத்துவமனை படுக்கைகள் மற்றும் பிளாஸ்மா உள்ளிட்ட முக்கியமான பொருட்களைத் தேட உதவும் புதிய அம்சங்களுக்காக தங்கள் தளங்களை புதுப்பித்துள்ளனர்.

உதாரணமாக, ட்விட்டர் அதன் அட்வான்ஸ்டு சர்ச் அம்சத்தை உருவாக்கி வருகிறது, இது பயனர்கள் குறிப்பிட்ட தேவைகளைப் பார்க்க உதவும். இந்த அட்வான்ஸ்டு சர்ச் வழியாக பயனர்கள் இடம், ஹேஷ்டேக்குகள் மற்றும் எவ்வளவு சமீபத்தில் ட்வீட் வெளியிடப்பட்டது போன்ற விவரங்களை முன்னெப்போதை விடவும் விரைவாக அறிய முடியும்.

LEAVE A REPLY

Please enter your comment!
Please enter your name here