TNPL கிரிக்கெட் தொடர் தேதி அறிவிப்பு…

0
18

தமிழகத்தின் புகழ்பெற்ற கிரிக்கெட் தொடரான டிஎல்பிஎல் டி20 தொடர் தொடர்ந்து நான்கு வருடங்களாக நடைபெற்று வந்தது. கடந்த ஆண்டிற்கான போட்டிகள் ஜூன் 10 முதல் ஜூலை 12 வரை நடைபெறும் என அறிவிக்கப்பட்ட நிலையில் கொரோனா ஊரடங்கு காரணமாக ஒத்துவைக்கப்பட்டது.

இந்நிலையில், இத்தொடரை மீண்டும் நடத்தத் தமிழ் நாடு கிரிக்கெட் வாரியம் போதிய முயற்சிகளை மேற்கொண்டு வந்தது. கடந்த சில தினங்களுக்கு முன்பு தொடரை நடத்த அனுமதி கேட்டு பிசிசிஐக்கு கடிதம் எழுதப்பட்டது. அதில், ஜூன் 4 முதல் ஜூலை 4 வரை போட்டிகளை நடத்த அனுமதி என கோரிக்கை முன்வைக்கப்பட்டது. திண்டுக்கல், கோவை, சேலம், திருநெல்வேலி போன்ற ஆகிய இடங்களில் போட்டியை நடத்தப் பரிந்துரை செய்யப்பட்டது.

இந்நிலையில் தற்போது அறிவிப்பு ஒன்றை வெளியிட்டுள்ள தமிழ்நாடு கிரிக்கெட் வாரிய தலைவர் ஆர்.எஸ்.ராமசாமி, டிஎன்பிஎல் தொடர் ஜூன் 4ஆம் தேதி துவங்கும். ஐபிஎல் தொடருக்கு கடைப்பிடிக்கப்பட்ட மருத்துவ பாதுகாப்பு விதிமுறைகள் டிஎன்பிஎல் தொடருக்கும் கடைப்பிடிக்கப்படும் எனத் தெரிவித்துள்ளார்.

டிஎன்பிஎல் தொடர் ஜூன் 4ஆம் தேதி துவங்கவுள்ளதால், மே 30ஆம் தேதியுடன் நிறைவுபெறும் ஐபிஎல் தொடரில் பங்கேற்ற வீரர்கள் டிஎன்பிஎல் தொடரில் பங்கேற்பதில் சிக்கல் எழுந்துள்ளது. இதுகுறித்த விரிவான அறிக்கையைத் தமிழ்நாடு கிரிக்கெட் வாரியம் விரைவில் அறிவிக்கும் என எதிர்பார்க்கப்படுகிறது.

அதிகபட்சமாக சேலம் ஸ்பார்டன்ஸ் அணியில் 5 பேர் கழற்றிவிடப்பட்டுள்ளனர். அடுத்து நெல்லை ராயல் கிங்ஸ் அணியில் மூன்று பேரும், சேப்பாக் சூப்பர் கில்லிஸ் மற்றும் திண்டுக்கல் டிராகன்ஸ் அணியில் தலா இரண்டு பேரும் விடுவிக்கப்பட்டுள்ளனர். ரூபி திருச்சி வாரியர்ஸ், லைகா கோவை கிங்ஸ் அணியிலிருந்து யாரும் வெளியேற்றப்படவில்லை என்பது குறிப்பிடத்தக்கது.

LEAVE A REPLY

Please enter your comment!
Please enter your name here