ஏலே விமர்சனம்

0
62
நடிகர்கள்:

சமுத்திரக்கனி,மணிகண்டன்

இயக்கம்: ஹலிதா ஷமீம்சினிமா வகை:Comedy

தன் தந்தையின் சடலத்தை பார்த்து கூட கண்ணீர் சிந்த முடியாத மகன் தான் பார்த்தி(மணிகண்டன்). தந்தை இறந்த துக்கத்தை விட பசி தான் அவரை ஆட்கொள்கிறது. அதனால் அவர் சந்தோஷமாக பரோட்டா சாப்பிடுவதை பார்க்க முடிகிறது.

ஒரு குடிகார தந்தையால் வளர்க்கப்பட்டு நகரத்தில் வேலை வாங்கிய மகனை எப்படி குறை சொல்ல முடியும். அப்பா முத்துக்குட்டி(சமுத்திரக்கனி) ஐஸ் விற்பனை செய்பவர். வளர்ந்த குழந்தை என்று சொல்லலாம். முத்துக்குட்டியிடம் இருக்கும் நல்ல விஷயங்களை உணர்வாரா பார்த்தி என்பதே கதை.

சில இடங்களில் சுவாரஸ்யத்தை இழந்தாலும் இறுதியில் சிரித்த முகமாக கிளம்பச் செய்யும் படம் தான் ஏலே. முதல் பாதியில் தான் சொல்ல விரும்புவதை அவசரப்படாமல் நிதானமாக சொல்லியிருக்கிறார் இயக்குநர் ஹலிதா ஷமீம். பார்த்தியின் பார்வையில் முத்துக்குட்டியை காட்டியிருக்கிறார். அவர் ஏன் தன் தந்தையை அந்த கண்ணோட்டத்தில் பார்க்கிறார் என்பதை நம்மால் புரிந்து கொள்ள முடிகிறது.

அந்த காட்சிகளை பெரும்பாலும் ரசிக்க முடிந்தாலும் படம் ரொம்ப நீளமாக இருப்பதாக தோன்றச் செய்கிறது. கிளைமாக்ஸ் காட்சியை இழுத்துவிட்டார்கள்.

இரண்டாம் பாதியில் நல்ல டுவிஸ்ட்டுகள் இருக்கிறது. கதை சொன்ன விதம் அழகு. பார்த்திக்கும், கிராமத்து பணக்காரரின் மகளான நாச்சியாவுக்கும்(மதுமதி பத்மநாபன்) இடையேயான காதல் பகுதி ரசிக்கும்படி இருக்கிறது.

LEAVE A REPLY

Please enter your comment!
Please enter your name here