YouTube-ற்கு வரும் அடுத்த அம்சம்!

0
23

நீங்கள் வீடியோக்களில் பார்க்கும் தயாரிப்புகளை தனது பிளாட்பார்மில் இருந்து நேரடியாக வாங்க அனுமதிக்கும் ஒரு புதிய அம்சத்தை YouTube சோதித்து வருகிறதாம்.

அதாவது தேர்ந்தெடுக்கப்பட்ட YouTube வீடியோக்களில் இடம்பெறும் தயாரிப்புகளை பார்வையாளர்கள் யூட்யூப் “வழியாகவே” ஷாப்பிங் செய்ய முடியும்.

அமெரிக்காவில் குறைந்த எண்ணிக்கையிலான பயனர்களுடன் ஆண்ட்ராய்டு, iOS மற்றும் இணையம் வழியாக இந்த புதிய அம்சம் தற்போது சோதிக்கப்பட்டு வருகிறது.

இந்த சோதனையின் ஒரு பகுதியாக தேர்ந்தெடுக்கப்பட்ட “படைப்பாளிகள்” தங்கள் வீடியோக்களில் சில தயாரிப்புகளைச் சேர்க்கலாம், அவை ஷாப்பிங் பேக் ஐகான் வழியாக வாங்குவதற்கு கிடைக்கும்.

இந்த புதிய அம்சம் சோதிக்கப்படுவது குறித்து, கூகுள் நிறுவனம் அதன் யூட்யூப் ஆதரவு பக்கத்தில் குறிப்பிட்டுள்ளது. இந்த அம்சம் பார்வையாளர்கள் வீடியோக்களில் பார்க்கும் தயாரிப்புகளுக்கான பொருத்தமான தகவல்களையும், அதை வாங்குவதற்கான விருப்பங்களையும் பெற அனுமதிக்கும் என்று யூட்யூப் கூறுகிறது.

இந்த “அம்சத்திற்காக” தேர்ந்தெடுக்கப்பட்ட படைப்பாளர்களுடன் தங்கள் செயல்படுவதாகவும் யூட்யூப் கூறுகிறது.

சில வீடியோவின் கீழ் இடது மூலையில் தோன்றும் ஷாப்பிங் பேக் ஐகானைக் கிளிக் செய்வதன் மூலம் பார்வையாளர்கள் பிரத்யேக தயாரிப்புகளின் பட்டியலைக் காண முடியும்.

அதன் வழியாக பார்வையாளர்கள் ஒவ்வொரு தயாரிப்பின் பக்கத்தையும் ஆராயலாம், அங்கு அவர்கள் கூடுதல் தகவல்கள், தொடர்புடைய வீடியோக்கள் மற்றும் தயாரிப்புபை வாங்குவதற்கான விருப்பங்களையும் காணலாம்.

நினைவூட்டும் வண்ணம், கூகுள் நிறுவனம், யூடியூப் பயனர்களுக்கு ஷாப்பிங் விளம்பரங்களை ஆறு ஆண்டுகளுக்கு முன்பு காட்டத் தொடங்கியது, இது டிஜிட்டல் ஸ்டோர்ஃபிரண்டாக இருக்க முயற்சித்தது. இப்போது யூட்யூப் அடுத்தடுத்த கட்டத்திற்கு செல்ல விரும்புவது போல் தெரிகிறது.

கடந்த அக்டோபர் 2020 இல், வீடியோக்களில் இடம்பெறும் தயாரிப்புகளை குறிக்கவும், கண்காணிக்கவும் யூடியூப் மென்பொருளைப் பயன்படுத்துமாறு யூட்யூப் படைப்பாளர்களைக் கேட்கத் தொடங்கியதாக ப்ளூம்பெர்க் வலைத்தளம் அறிகை வெளியிட்டு இருந்தது.

யூட்யூப்பின் இந்த சமீபத்திய சோதனை ஓட்டம் மேற்கண்ட அதே யோசனையின் விரிவாக்கமாகத் தெரிகிறது. காலப்போக்கில் அதிகமான பயனர்களுக்கு இந்த அம்சத்தை YouTube வெளியிடும் சாத்தியமும் உள்ளது. அதாவது நீங்கள் கூகுள் வழியாக தேடும் எந்தவொரு விடயத்தையும், வாங்கலையோ…வாங்கலையோ என்கிற கூவல்கள் அதிகமாகும்!

LEAVE A REPLY

Please enter your comment!
Please enter your name here