கொரோனா தடுப்பூசி போட இங்கிலாந்து செல்ல தயாராகும் இந்தியர்கள்!!

0
16
கொரோனா வைரஸ் தொற்றுக்கு தடுப்பு மருந்து மட்டுமே தீர்வு என்ற நிலையில், உலக நிறுவனங்கள் போட்டி போட்டுக் கொண்டு கொரோனா தடுப்பு மருந்து தயாரிப்பில் ஈடுபட்டுள்ளன. கொரோனாவை தடுக்க உலகம் முழுக்க சுமார் 150 தடுப்பூசிகள் உருவாக்கப்பட்டுள்ளன. அதில் சில தடுப்பூசிகள் இறுதிகட்ட சோதனையிலும் வெற்றிபெற்றுள்ளன. முக்கியமாக, அமெரிக்காவை சேர்ந்தஃபிப்சர், மாடர்னா ஆகிய இரு நிறுவனங்களும் உருவாக்கிய தடுப்பூசிகள் இறுதிகட்ட சோதனைகளிலும் வெற்றிபெற்றுள்ளன.
கொரோனா தடுப்பூசி தொடர்பாக அமெரிக்காவும், ஐரோப்பிய ஒன்றியமும் இன்னும் முடிவெடுக்காத சூழலில், இங்கிலாந்து முதல்முறையாக கொரோனா தடுப்பூசிக்கு ஒப்புதல் அளித்துள்ளது. அதன்படி, ஃபிப்சர் தடுப்பூசியை எமர்ஜென்சி தேவைகளுக்கு பயன்படுத்த இங்கிலாந்து அரசு ஒப்புதல் அளித்துள்ளது. இங்கிலாந்தில் கொரோனாவால் பலியானவர்களின் எண்ணிக்கை 60 ஆயிரத்தை நெருங்கி வரும் நிலையில், அவசர அவசரமாக தடுப்பூசிக்கு ஒப்புதல் அளிக்கப்பட்டுள்ளதாக தெரிகிறது.

ஃபிப்சர் தடுப்பூசியின் 4 கோடி டோஸ்களுக்கு இங்கிலாந்து அரசு ஆர்டர் கொடுத்துள்ளது. இதைப் பயன்படுத்தி அந்நாட்டின் மக்கள் தொகையில் மூன்றில் ஒரு பங்கினருக்கு தடுப்பூசி போட முடியும். தடுப்பூசிக்கு ஒப்புதல் அளிக்கப்பட்டுள்ள நிலையில், அடுத்த வாரம் முதல் தடுப்பூசி போடும் பணிகள் தொடங்கவுள்ளதாக சுகாதார செயலாளர் மேட் ஹேன்காக் தெரிவித்துள்ளார். கொரோனா தடுப்பூசிக்கு அங்கீகாரம் அளித்த முதல் நாடு என்பதால் மக்களிடையே மிகுந்த எதிர்பார்ப்பை இந்த அறிவிப்பு ஏற்படுத்தி உள்ளது.

இந்த நிலையில், கொரோனா தடுப்பூசி போட

பிரிட்டன் செல்ல இந்தியர்கள் ஆர்வம் காட்டி வருவதாக தெரிய வந்துள்ளது. இந்த தடுப்பூசியைப் பெறுவதற்காக விமானத்தில் பிரிட்டன் செல்ல விரும்பும் இந்தியர்கள் பலர் பயண ஏற்பாட்டாளர்களை விசாரிக்க தொடங்கியுள்ளனர். இதையடுத்து, தடுப்பூசியை போட பிரிட்டன் செல்ல விரும்பும் இந்திய பயணிகளுக்காக 3 இரவுகள் கொண்ட ஒரு டிராவல் பேக்கேஜை அறிமுகம் செய்யவுள்ளதாக ஈசிமைடிரிப் எனும் பயண ஏற்பாட்டு நிறுவனம் தெரிவித்துள்ளது.

அதேசமயம், பிரிட்டனில் இந்தியர்கள் தடுப்பூசியை பெற முடியுமா, இந்திய பாஸ்போர்ட் வைத்திருப்பவர்கள் அங்கு தடுப்பூசி போட தகுதியுள்ளவர்களா என்பது பற்றி விசாரித்து வருவதாக தெரிவிக்கும் பயண ஏற்பாட்டாளர்கள், இதற்காக விமான நிறுவனம், இங்கிலாந்தில் உள்ள ஹோட்டல்கள், மருத்துவமனை உள்ளிட்டவற்றுடனும் ஒப்பந்தம் மேற்கொள்ள திட்டமிட்டுள்ளனர்.

LEAVE A REPLY

Please enter your comment!
Please enter your name here