NRI தமிழர்களுக்கு ஹேப்பி நியூஸ்!

0
17

வெளிநாடுகளில் வசிக்கும் இந்தியர்கள் தங்கள் பாஸ்போர்ட்டில், வெளிநாட்டில் வசிக்கும் லோக்கல் முகவரியை சேர்த்துக்கொள்ள இந்திய அரசு அனுமதியளித்துள்ளது

முக்கியமாக, இந்தியாவில் சரியான முகவரி இல்லாதவர்களும், நிரந்தர முகவரி இல்லாதவர்களும் வெளிநாட்டு லோக்கல் முகவரியை பாஸ்போர்ட்டில் சேர்க்கலாம் என்று இந்திய அரசு தெரிவித்துள்ளது.

இதுகுறித்து துபாயில் இருக்கும் இந்திய தூதரகத்தை சேர்ந்த அதிகாரி சித்தார்த்தா குமார் பரெய்லி, “ஐக்கிய அரபு அமிரேட்ஸில் மிக நீண்டகாலமாக வாழும் இந்தியர்களில் பலருக்கு இந்தியாவில் நிரந்தர முகவரி இல்லை என்பது எங்களுக்கு தெரியும்.

இத்தகையவர்கள் தங்கள் பாஸ்போர்ட்டில் ஐக்கிய அரபு அமிரேட்ஸில் வசிக்கும் லோக்கல் முகவரியை சேர்த்துக்கொள்ளலாம். ஏற்கெனவே இருக்கும் பாஸ்போர்ட்டில் லோக்கல் முகவரியை சேர்க்க முடியாது. லோக்கல் முகவரியை சேர்க்க விரும்புவோர் புது பாஸ்போர்ட்டுக்கு விண்ணப்பிக்க வேண்டும்” என்று தெரிவித்துள்ளார்.

ஐக்கிய அரபு எமிரேட்ஸ் உள்பட வெளிநாடுகளில் வாழும் எல்லா இந்தியர்களுக்கும் இந்த திட்டம் பொருந்தும். வாடகை வீடு, சொந்த வீடு இரண்டுக்குமே இத்திட்டம் பொருந்தும். லோக்கல் முகவரியை சேர்க்க விரும்புவோர் அதற்குரிய ஆவணங்களை சமர்ப்பிக்க வேண்டும்.

மின் கட்டண ரசீது, குடிநீர் ரசீது, வாடகை ஒப்பந்தம் உள்ளிட்ட ஆவணங்கள் ஏற்றுக்கொள்ளப்படும் என்று சித்தார்த்தா குமார் தெரிவித்துள்ளார்.

LEAVE A REPLY

Please enter your comment!
Please enter your name here