OnePlus Nord N10, Nord N100 : அக்.26-இல் அறிமுகம்?

0
17

ஒன்பிளஸ் இந்த ஆண்டு இறுதிக்குள் மேலும் இரண்டு நோர்ட் மாடல்களை அறிமுகம் செய்வதால் எந்த ஆச்சரியமும் இல்லை. ஏனெனில் ஒன்பிளஸ் நிறுவனத்தின் அடுத்த பட்ஜெட் மாடல்களாக ஒன்பிளஸ் நோர்ட் என் 10 மற்றும் நோர்ட் என் 100 ஆகியவைகள் அறிமுகமாகும் என்று நீண்ட காலமாக லீக்ஸ் தகவல்கள் வெளியான வண்ணம் உள்ளது.

இந்த வெளியீடு வருகிற நவம்பர் மாதத்தின் நடுப்பகுதியில் நடக்கும் என்று எதிர்பார்க்கப்பட்டாலும், நன்கு அறியப்பட்ட லீக்ஸ்டர் ஆன ஒன்லீக்ஸ் வழியிலான ஸ்டீவ் ஹெம்மர்ஸ்டோஃப்பர் ட்விட்டரில் வெளியிட்டுள்ள தகவலின்படி, மேற்குறிப்பிட்ட இரண்டு ஸ்மார்ட்போன்களும் எதிர்பார்ப்பதை விட முன்னரே அறிமுகமாகும் என்கிற தகவலை வெளிப்படுத்தி உள்ளார், உடன் ஒன்பிளஸ் Nord N10 மற்றும் Nord N100 ஸ்மார்ட்போன்களின் அனைத்து அம்சங்கள் மற்றும் விவரக்குறிப்புகளையும் வெளியிட்டுள்ளார்.

அவர் வெளியிட்டுள்ள தகவலின்படி, ஒன்பிளஸ் Nord N10 மற்றும் Nord N100 ஸ்மார்ட்போன்கள் ஆனது அக். 23 ஆம் தேதி அறிமுகம் செய்யப்படும். அம்சங்களை பொறுத்தவரை, Nord N10 மாடலை விட Nord N100 மாடல் தான் மிகவும் மலிவான ஸ்மார்ட்போனாக இருக்கும் என்று தெரிகிறது. முன்னதாக நாங்கள் என்10 மாடல் தான் மலிவானதாக இருக்கும் என்று எதிர்மாறாக கருதினோம்.

இந்த இரண்டு ஸ்மார்ட்போன்களுமே ஒன்பிளஸ் நோர்ட் அம்சங்களில் கொஞ்சம் மட்டுமே கடன் வாங்குகின்றன. இருப்பினும் இரண்டுமே “டீசன்ட்” ஆன அம்சங்களை கொண்டுள்ளன. எடுத்துக்காட்டாக ஒன்பிளஸ் நோர்ட் N10 ஸ்மார்ட்போன் ஸ்னாப்டிராகன் 690 ஐப் பயன்படுத்துகிறது, அதே நேரத்தில் N100 ஸ்னாப்டிராகன் 460 சிப்பைப் பயன்படுத்துகிறது.

ஒன்பிளஸ் நோர்ட் என் 10 மாடலில் எதிர்பார்க்கப்படும் அம்சங்கள்:

லீக்ஸ் விவரக்குறிப்புகளின் அடிப்படையில், ஒன்பிளஸ் நோர்ட் என் 10 மிகவும் மலிவான 5 ஜி ஸ்மார்ட்போனாக இருக்க வேண்டும். இந்த ஸ்மார்ட்போன் 5 ஜி-இயக்கப்பட்ட ஸ்னாப்டிராகன் 690 சிப்செட்டைப் பயன்படுத்துகிறது, இது இந்தியாவில் எந்த ஸ்மார்ட்போன் உற்பத்தியாளரும் இதுவரை பயன்படுத்தாத ஒரு சிப்செட் ஆகும்.

இதனுடன் 6 ஜிபி ரேம் மற்றும் 128 ஜிபி ஸ்டோரேஜ் உள்ளது. இது 6.4 இன்ச் அளவிலான புல் எச்டி + டிஸ்ப்ளேவை 90 ஹெர்ட்ஸ் ரெஃப்ரெஷ் ரேட் வீகிதத்துடன் பயன்படுத்துகிறது. இது 4300 எம்ஏஎச் பேட்டரியைப் பயன்படுத்துகிறது மற்றும் சார்ஜ் செய்ய யூ.எஸ்.பி-சி போர்ட்டைப் பெறுகிறது. மேலும் N10 மாடல் ஒரு 3.5 மிமீ ஹெட்ஜாக்கையும் பெறுகிறது – இது ஒன்பிளஸ் ஸ்மார்ட்போனில் (சமீப காலமாக) அரிதானது.

கேமராவைப் பொறுத்தவரை, நோர்ட் என் 10 மாடலில் 64 மெகாபிக்சல் பிரதான கேமராவுடன் 8 மெகாபிக்சல் அல்ட்ரா-வைட் கேமரா பயன்படுத்தப்படும். உடன் இரண்டு 2 மெகாபிக்சல் கேமராக்களும் இடம்பெறும்.

ஒன்பிளஸ் நோர்ட் என் 100 மாடலில் எதிர்பார்க்கப்படும் அம்சங்கள்:

லீக்ஸ் விவரக்குறிப்புகளிலிருந்து ஒன்பிளஸ் நோர்ட் N100 மாடல் தான் இருப்பதிலேயே மிகவும் மலிவு ஸ்மார்ட்போனாக இருக்கும் என்று தெரிகிறது. ஏனெனில் ஒன்பிளஸ் நோர்ட் N100 ஸ்மார்ட்போன் பலவீனமான ஸ்னாப்டிராகன் 460 சிப்செட்டைப் பெறுகிறது, இது 4 ஜி எல்டிஇ இணைப்பை மட்டுமே ஆதரிக்கிறது. இது 4 ஜிபி ரேம் மற்றும் 64 ஜிபி ஸ்டோரேஜை பரிந்துரைக்கிறது.

டிஸ்பிளேவை பொறுத்தவரை, ஒன்பிளஸ் N100 ஸ்மார்ட்போனில் 6.5 இன்ச் எச்டி + எல்சிடி டிஸ்ப்ளே இடம்பெறும். இருப்பினும் வெளியான லீக்ஸ் தகவல் ரெஃப்ரெஷ் ரேட் குறித்த விவரங்களை குறிப்பிடவில்லை என்பதால், இது ஒரு நிலையான 60 ஹெர்ட்ஸ் பேனலைப் பயன்படுத்தலாம்.

N100 மாடல் 5000mAh பேட்டரியை நம்பியுள்ளது மற்றும் சார்ஜ் செய்ய யூ.எஸ்.பி-சி போர்ட்டை நம்பியிருக்கும். நீங்கள் N100 ஸ்மார்ட்போனில் ஒரு ஹெட்ஜாக்கை காண்பீர்கள். குறைந்த விலை எனக் கூறப்படுவதால், இதில் 13 எம்பி மெயின் கேமரா உடன் 2 மெகாபிக்சல் மேக்ரோ மற்றும் 2 மெகாபிக்சல் டெப்த் இருக்க வேண்டும். முன்பக்கத்தில் ஒரு 8 மெகாபிக்சல் செல்பீ கேமரா சென்சார் பயன்படுத்துகிறது.

இதெல்லாம் ஒருபக்கம் இருக்க, ஒன்பிளஸ் நிறுவனம் இந்த 2 ஸ்மார்ட்போன்களை பற்றி இன்னும் அதிகாரப்பூர்வமாக எதையுமே அறிவிக்கவில்லை. எனவே நாம் எதையுமே கண்மூடித்தனமாக நம்பக்கூடாது. இருப்பினும், பெரும்பாலான ஒன்லீக்ஸ் தகவல்கள் நம்பகமான தட பதிவுகளைக் கொண்டுள்ளதால், ஒன்பிளஸ் நிறுவனம் இதே அம்சங்களுடன் 2 புதிய ஸ்மார்ட்போன்களை அறிமுகம் செய்தாலும் கூட ஆச்சரியப்படுவதற்கில்லை. புதிய நோர்ட் ஸ்மார்ட்போன்களைப் பற்றி நீங்கள் என்ன நினைக்கிறீர்கள்? இதன் அம்சங்கள் மற்றும் விவரக்குறிப்புகளை பார்க்கும் போது உங்களுக்கு ஆர்வம் எழுகிறதா?

LEAVE A REPLY

Please enter your comment!
Please enter your name here