ரூ. 2.48 கோடி ஆரம்ப விலையில் 2020 Mercedes-AMG GT-R கார் அறிமுகம்..!

0
20

மெர்டிசிஸ் பென்ஸ் நிறுவனம் புதிய 2020 ஏஎம்ஜி ஜி.டி-ஆர் காரை ரூ. 2.48 கோடி (எக்ஸ்-ஷோரூம், இந்தியா) ஆரம்ப விலையில் விற்பனைக்கு அறிமுகம் செய்துள்ளது. முந்தைய மாடலைக் காட்டிலும் இந்த காரில் குறிப்பிடத்தகுந்த அப்டேட்டுகள் செய்யப்பட்டுள்ளன.

முந்தைய வெர்ஷனை பின்பற்றி இந்த காருக்குரிய கட்டமைப்பு பணிகள் நடைபெற்றுள்ளன. அதனால் பெரியளவில் மாற்றங்களை கண்டறிய முடியவில்லை. எனினும், குறிப்பிட்ட சில மாற்றங்கள் செய்யப்பட்டுள்ளது புலப்படுகிறது. அதன்படி அப்டேட் செய்யப்பட்ட முன்பக்க பம்பர், ரிவைஸ்டு எல்.இ.டி முகப்பு விளக்குகள், பான் அமெரிக்கான கிரில் மற்றும் பிரேக் கூலிங் மெஷர்கள் புதியதாக இடம்பெற்றுள்ளன.

மேலும் இந்த காரினுடைய புகைப்போக்கி குழாய் அமைப்பு, அகலமான பம்பர்கள் போன்றவை சிறியளவிலான மாறுதலுக்கு உட்படுத்தப்பட்டுள்ளன. எனினும், காரினுடைய வெளிப்புறத்தில் மட்டுமே மாறுதல்கள் செய்யப்பட்டுள்ளன. முந்தைய மாடலில் காணப்பட்டது போலவே, இந்த காரினுடைய கேபின் அம்சங்கள் காட்சி அளிக்கின்றன.

2020 மெர்சிடிஸ்-ஏஎம்ஜி ஜிடி-ஆர் காரில் 4.0 லிட்டர் பை-டர்போ வி8 எஞ்சின் உள்ளது. பிஎஸ்-6 விதிகளுக்குட்பட்ட இந்த எஞ்சின் 577 பிஎச்பி பவர் மற்றும் 700 என்.எம் டார்க் திறனை அதிகப்பட்சமாக வழங்கும். மேலும் இந்த எஞ்சின் ஏஎம்ஜி ஸ்பீடுஷிஃப்ட்-செவன் ஸ்பீடு ஆட்டோமேட்டிக் டிரான்ஸ்மிஷனுடன் கூட்டணி அமைத்துள்ளது.

துவக்கநிலையில் இருந்து 100 கி.மீ வேகத்தை 3.6 விநாடிகளில் எட்டிப்பிடித்துவிடக்கூடிய இந்த கார், மணிக்கு 318 கி.மீ வேகத்தில் செல்லும். முந்தைய மாடலைக் காட்டிலும், புதிய வெர்ஷன் மாடல் 14 கிலோ எடை குறைந்துள்ளது. இந்த காரினுடைய பின்பக்க சக்கரம், ஸ்டீயரிங் வீல் அம்சங்கள் எளிமையான செயலாக்கத்தை வழங்குகின்றன.

இந்த காரினுடைய அறிமுகம் குறித்து பேசிய மெர்சிடிஸ்-பென்ஸ் இந்தியாவின் நிர்வாக அதிகாரி மார்டின் செஸ்வெங், இந்தியாவில் செயல்திறன் மிக்க கார்கள் தயாரிப்பில் மெர்சிடிஸ்-பென்ஸ் சிறப்பான கட்டமைப்புகளை பெற்றுள்ளது. அதற்கான நிதர்சன உண்மையே இந்த கார். நாட்டிலுள்ள வாடிக்கையாளர்கள் மத்தியில் எழுந்து வந்த கோரிக்கைகளை அடுத்து இந்த நடவடிக்கையை மெர்சிடிஸ் பென்ஸ் நிறுவனம் மேற்கொண்டுள்ளது. அதன்படியே புதிய ஏஎம்ஜி சி 63 கூபே மற்றும் ஏஎம்ஜி ஜிடி-ஆர் கார்கள் விற்பனைக்கு கொண்டுவரப்பட்டுள்ளன என்று அவர் தெரிவித்தார்.

இந்த இரு கார்களை தொடர்ந்து, மேலும் பல்வேறு புதிய தயாரிப்புகளை மெர்சிடிஸ் பென்ஸ் நிறுவனம் வழங்கவுள்ளது. சர்வதேச சந்தைக்கு ஏற்ப இந்தியாவில் பல்வேறு கார்களை மெர்சிடிஸ் பென்ஸ் களமிறக்கவுள்ளது. இந்தியாவை பொறுத்தவரை ஆடம்பர கார்களுக்கு மெர்சிடிஸ் பென்ஸ் தயாரிப்புகளை மக்கள் பெரிதும் நம்புகின்றனர். அதை அந்நிறுவனமும் சரியாக பயன்படுத்திக் கொள்ள முயல்கிறது.

உலகளவில் விற்பனையாகும் கிரான் டூரர் ஸ்போர்ட்ஸ் கார்களில் மெர்சிடிஸ்-ஏஎம்ஜி ஜிடி-ஆர் மாடல் மிகவும் பிரபலமாக உள்ளது. சில ஆண்டுகளுக்கு முன்பு இந்த கார் விற்பனைக்கு அறிமுகம் செய்யப்பட்டது. அன்று தொடர்ந்து தற்போது வரை பல்வேறு அப்டேட்டுகள், மாறுதல்களோடு விற்பனை செய்யப்பட்டு வருகிறது. இந்தியாவில் இந்த காருக்கு ஜாகுவார் எஃப்-டைப் மற்றும் போர்ஷே 911 சிரீஸ் கார்கள் சரிநிகர் போட்டியாக அமையும்.

LEAVE A REPLY

Please enter your comment!
Please enter your name here