Jio-வின் பம்பர் ஆபர்.. 1 ஜிபிக்கு இன்னொரு ஜிபி இலவசம்

0
50

கொரோனா வைரஸ் பரவல் மற்றும் பீதி காரணமாக அறிவிக்கப்பட்டுள்ள லாக்டவுன் நாட்களை கருத்தில் கொண்டு முகேஷ் அம்பானிக்கு சொந்தமான ரிலையன்ஸ் ஜியோ நிறுவனம் இரண்டு அட்டகாசமான சலுகைகளை அறிவித்துள்ளது. அதென்ன சலுகைகள்?அது யாருக்கெல்லாம் அணுக கிடைக்கும்? போன்ற முழு விவரங்கள் இதோ!

ஒரு ஆபர் மற்றும் ஒரு இலவசம்!

ரிலையன்ஸ் ஜியோ நிறுவனம்தனது அனைத்து ஜியோ ஃபைபர் வாடிக்கையாளர்களுக்கும் டபுள் டேட்டா சலுகையை அறிவித்துள்ளது. உடன் இந்தியாவில் சில பிராந்தியங்களுக்கான இலவச அடிப்படை பிராட்பேண்ட் இணைப்பு திட்டத்தையும் அறிவித்துள்ளது. டபுள் டேட்டா சலுகையை பொறுத்தவரை தற்போது ரீசார்ஜ் செய்ய கிடைக்கும் அனைத்து ஜியோ ஃபைபர் திட்டங்களின் மீதும் அணுக கிடைக்கிறது. மறுகையில் உள்ள இலவச பிராட்பேண்ட் இணைப்பு திட்டத்தை பொறுத்தவரை 10 எம்.பி.பி.எஸ் என்கிறாய் இணைய வேகத்தின் கீழ் பேஸிக் பிராட்பேண்ட் கனெக்ஷனை வழங்குகிறது.

ஜியோ ஃபைபர் திட்டங்களின் புதிய நன்மைகள்:

ஜியோ ஃபைபர் திட்டங்களானது ரூ.649 க்கு ரீசார்ஜ் செய்ய கிடைக்கும் பேஸிக் ப்ரான்ஸ் திட்டத்திலிருந்து ரூ.8,499 க்கு ரீசார்ஜ் செய்ய கிடைக்கும் டைட்டானியம் திட்டம் வரை நீள்கின்றது. ஒருவர் இந்த அனைத்து திட்டங்களிலும் டபுள் டேட்டா சலுகையைப் பெறலாம். அதாவது ஒருவர் ப்ரான்ஸ், சில்வர், கோல்ட், டயமண்ட். பிளாட்டினம் மற்றும் டைட்டானியம் ஆகிய 6 ஜியோ ஃபைபர் திட்டங்களின் மீது டபுள் டேட்டா நன்மையை பெறலாம்.

ப்ரான்ஸ் முதல் டயமண்ட் வரை!

இதன் பொருள் என்னவென்றால், Bronze திட்டமானது இப்போது 100 ஜிபிக்கு பதிலாக 200 ஜிபி டேட்டாவை வழங்கும். Silver திட்டம் இப்போது 200 ஜிபிக்கு பதிலாக 400 ஜிபி டேட்டாவை வழங்கும். இதேபோல், Gold திட்டமானது இப்போது 500 ஜிபிக்கு பதிலாக 1000 ஜிபி அளவிலான டேட்டாவை வழங்கும். ஜியோ ஃபைபர் Diamond திட்டமானது இப்போது 1250 ஜிபிக்கு பதிலாக 2500 ஜிபி டேட்டாவை வழங்கும்.

பிளாட்டினம் மற்றும் டைட்டானியம்!

இதேபோல், Platinum திட்டமானது இப்போது 2500 ஜிபிக்கு பதிலாக 5000 ஜிபி அளவிலான டேட்டாவை வழங்கும். மறுகையில் உள்ள ஜியோ ஃபைபர் Titanium திட்டமானது இப்போது 5000 ஜிபிக்கு பதிலாக 10000 ஜிபி அளவிலான டேட்டாவை வழங்கும். இந்த புதிய விலை மற்றும் நன்மைகள் சார்ந்த மாற்றங்கள் தற்போது நிறுவனத்தின் வலைத்தளம் மற்றும் மொபைல் ஆப்பில் பிரதிபலிக்கின்றன என்பதும் குறிப்பிடத்தக்கது.

இலவச அடிப்படை பிராட்பேண்ட் இணைப்பு பற்றி?

10 எம்.பி.பி.எஸ் வேகத்திற்குள் மூடப்பட்டிருக்கும் அடிப்படை பிராட்பேண்ட் இணைப்புத் திட்டம் “புவியியல் ரீதியாக சாத்தியமான இடங்களில், எந்த சேவை கட்டணமும் இல்லாமல்” கிடைக்கும் என்று ஜியோ நிறுவனம் அறிவித்துள்ளது. இந்த புதிய திட்டம் புதிய பயனர்களுக்கு குறைந்தபட்ச “திருப்பிச் செலுத்தக்கூடிய” வைப்புத்தொகையுடன் கிடைக்கும் என்று கூறப்படுகிறது.

இந்தியாவில் அறிவிக்கப்பட்டுள்ள லாக்டவுன் நாட்களின் போது பயனர்கள் வீட்டிலிருந்து வேலை செய்ய ஊக்குவிப்பதற்கும், ஜியோ ஃபைபரைத் தேர்ந்தெடுப்பதற்கும் தான் ஜியோ இந்த மாற்றங்களை அறிவித்துள்ளது. எனவே இந்த புதிய மாற்றங்கள் குறிப்பிட்ட காலத்திற்கு திரும்பி பெற்றுக்கொள்ளப்படலாம் அல்லது மீண்டும் வேறு வடிவில் அறிவிக்கப்படலாம்.

LEAVE A REPLY

Please enter your comment!
Please enter your name here