ஐபிஎல் நடக்கலேன்னா இவங்க 3 பேர் நிலைமை!!

0
62

ஆஸ்திரேலியாவில் வரும் அக்டோபர் மாதம் டி-20 உலகக்கோப்பை கிரிக்கெட் தொடர் நடக்க திட்டமிடப்பட்டுள்ளது. ஆனால் அசுர வேகத்தில் உலகம் முழுதும் பரவும் கொரோனா வைரஸ் காரணமாக சர்வதேச அளவிலான போட்டிகள் அனைத்து அடுத்தடுத்து ரத்து செய்யப்பட்டு வருகின்றன.

கேள்விக்குறி
அந்த வரிசையில் இந்தியாவில் ஆண்டுதோறும் ரசிகர்கள் கொண்டாடும் உள்ளூர் டி-20 கிரிக்கெட் தொடரும் தற்போதைக்கு ஒத்திவைக்கப்பட்டுள்ளது. இந்நிலையில் நாளுக்கு நாள் கொரோனாவின் தாக்கம் இந்தியாவிலும் அதிகரித்து வரும் நிலையில் ஐபிஎல் தொடர் ரத்து செய்யப்படும் சூழலும் உள்ளது. இது முன்னாள் கேப்டன் தோனி உள்ளிட்ட எதிர்கால கிரிக்கெட் வாழ்க்கையை கேள்விக்குறியாக மாற்றியுள்ளது. அவர்கள் யார் யார் என பார்க்கலாம்.

தப்புவாரா தல
இங்கிலாந்தில் நடந்த உலகக்கோப்பை கிரிக்கெட் தொடருக்கு (2019) பின் இந்திய அணியில் முன்னாள் கேப்டன் தோனி தொடர்ந்து புறக்கணிக்கப்பட்டு வருகிறார். இதையடுத்து தோனி எப்போது ஓய்வை அறிவிப்பார் என நாளுக்கு நாள் பல்வேறு வதந்திகள் பரவியது. ஆனால் தோனி வழக்கம் போல மௌன சாமியாராகவே இருந்தார்.

ஐபிஎல் நம்பிக்கை
இந்நிலையில் ஆஸ்திரேலியாவில் நடக்கவுள்ள டி-20 உலகக்கோப்பை கிரிக்கெட் தொடரை குறிவைத்த தோனி, ஐபிஎல் தொடரில் சாதிப்பது அதற்கு நல்ல வாய்ப்பாக என எதிர்பார்த்தார். அதற்கு ஏற்ப பயிற்சியாளர் ரவி சாஸ்திரியும் ஐபிஎல் தொடரில் தோனி எப்படி செயல்படுகிறார் என்பதை பொறுத்து தான் டி-20 உலகக்கோப்பை கிரிக்கெட் தொடரில் அவருக்கு இடம் கிடைக்குமா என்பதை தெரிவிக்க முடியும் என்றார்.

கதவு அடைப்பு
ஆனால் தற்போதைய நிலையில் ஐபிஎல் கிரிக்கெட் தொடர் ரத்தாகும் பட்சத்தில் இந்திய உலகக்கோப்பை கிரிக்கெட் அணியில் இடம் பெறும் தோனியின் கனவுக்கு பெரிய பூட்டு போட வேண்டிய நிலையே உள்ளது. அதே நேரம் கே.எல். ராகுலின் பார்மும் முன்னாள் கேப்டன் தோனிக்கு எதிராகவே உள்ளது. இதனால் தோனி விரைவில் எதற்கும் தயாராக இருப்பது நல்லது என்ற கருத்து மீண்டும் தலை தூக்க துவங்கியுள்ளது. இதே போன்ற நிலையில் தான் கிடைத்த வாய்ப்புகளை பயன்படுத்தாமல் கோட்டைவிட்ட சஞ்சு சாம்சன், குர்னால் பாண்டியாவின் நிலையும் உள்ளது.

LEAVE A REPLY

Please enter your comment!
Please enter your name here