ஐபிஎல் 2020 கிரிக்கெட் போட்டிகள் ரத்து?

0
59

கொரோனா வைரஸ் பாதிப்பு மேலும் தீவிரமடைந்தால் ஐபிஎல் கிரிக்கெட் போட்டிகளை ரத்து செய்வது குறித்து ஒருமனதாக முடிவு செய்யப்பட்டுள்ளதாக தகவல்கள் வெளியாகியுள்ளன

கொரோனா வைரஸ் பாதிப்பு காரணமாக, ஐபிஎல் போட்டிகள் ஒத்திவைக்கப்பட்டுள்ளன. இந்த நிலையில், ஐபிஎல் அணிகளின் உரிமையாளர்கள் ஆலோசனைக் கூட்டத்துக்கு பிசிசிஐ ஏற்பாடு செய்திருந்தது.

இந்தக் கூட்டத்தில், ஐபிஎல் போட்டிகளை நடத்துவதைவிட ரசிகர்களின் பாதுகாப்பு தான் முக்கியம் என முடிவு செய்யப்பட்டதாகவும், கொரோனா பாதிப்பை மத்திய, மாநில அரசுகளுடன் இணைந்து உன்னிப்பாகக் கவனித்து வருவதாகவும் பிசிசிஐ அறிவித்தது.

கூட்டத்திற்கு பின் பேசிய கொல்கத்தா நைட் ரைடர்ஸ் அணி உரிமையாளர் ஷாருக்கான் கூறும்போது, “பார்வையாளர்களின் நலனை உறுதி செய்வது பிசிசிஐ, அணி உரிமையாளர்கள் ஆகியோரின் கடமை. நாட்டில் மீண்டும் ஆரோக்கியமான சூழ்நிலை திரும்ப வேண்டும் என்பதே அனைவரின் விருப்பம்.

ஐபிஎல் 2020க்கும் கொரோனா தொற்று; ரசிகர்களுக்கு ஷாக் கொடுத்த கங்குலி!

ஐபிஎல் போட்டிகளை நடத்துவதற்கு என்னென்ன சாத்தியங்கள் இருக்கிறதோ அவை அனைத்தையும் பற்றி நாங்கள் விவாதித்தோம். நிலைமை சீரடைந்து விரைவில் ஐபிஎல் போட்டிகள் நடக்கும் என்று எதிர்பார்க்கிறோம்” அவர் தெரிவித்தார்.

ஐபிஎல் போட்டிகள் ஏப்ரல் 15 ஆம் தேதி தொடங்கும்பட்சத்தில் அனைத்துப் போட்டிகளையும் (60 போட்டிகள்) நடத்துவதற்கு சாத்தியக்கூறுகள் இருப்பதாக அணி உரிமையாளர்கள் கூறியதாகச் செய்திகள் வெளியாகி உள்ளன.

‘ஐபிஎல் தொடரை முழுமையாக முடிக்க வேண்டுமென்றால் 45 முதல் 50 நாட்கள் தேவைப்படும். போட்டிகள் ஜூன் முதல் வாரம் வரை நீட்டிக்கப்பட வாய்ப்புள்ளது’ என்று செய்தியாளர்களிடம் அணி உரிமையாளர்கள் தெரிவித்துள்ளனர்

2017 ஆம் ஆண்டில் 46 நாட்களில் அனைத்துப் போட்டிகளும் நடத்தி முடிக்கப்பட்டன. 2018 ஆம் ஆண்டில் 47 நாட்களிலும், 2019 ஆம் ஆண்டில் 51 நாட்களிலும் போட்டிகள் நடத்தி முடிக்கப்பட்டன. இந்த ஆண்டு 50 நாட்களில் போட்டிகளை நடத்தி முடிக்கத் திட்டமிடப்பட்டுள்ளது. ஆனால், கொரோனா பரவல் காரணமாக, மார்ச் 29 ஆம் தேதி தொடங்க வேண்டிய போட்டிகள் ஏப்ரல் 15 ஆம் தேதிக்கு ஒத்திவைக்கப்படுவதாக பிசிசிஐ அறிவித்துள்ளது.

LEAVE A REPLY

Please enter your comment!
Please enter your name here