Realme நிறுவனம் அதன் ரியல்மி 6 தொடரின் கீழ் Realme 6i அறிமுகம்!!

0
51

ஒருவழியாக ரியல்மி 6i ஸ்மார்ட்போன் இன்று மியான்மரில் அறிமுகப்படுத்தப்பட்டது. இந்த ஸ்மார்ட்போன் முன்னதாக வெளியான ரியல்மி 5i போனின் வாரிசு ஆகும் மற்றும் ரியல்மி 6-தொடர் ஸ்மார்ட்போன்களின் வரிசையிலும் இணையும்.

ரியல்மி 6i ஸ்மார்ட்போன் ஆனது ஹெலியோ ஜி 80 கொண்டு இயக்கப்படுகிறது, நிறுவனத்தின் கூற்றுப்படி, இந்த புதிய சிப் கொண்டு இயங்கும் முதல் ஸ்மார்ட்போன் இதுவாகும்.

இதன் பின்புறத்தில் க்வாட் கேமரா அமைப்பு உள்ளது மற்றும் முன்பக்கத்தில் ஒற்றை செல்பீ ஷூட்டர் உள்ளது. இந்த ஸ்மார்ட்போன் இரண்டு ரேம் மற்றும் சேமிப்பக உள்ளமைவுகளில் கிடைக்கிறது மற்றும் ஒயிட் மில்க் மற்றும் க்ரீன் டீ என இரண்டு வண்ண விருப்பங்களில் விற்பனைக்கு வரும்.

ரியல்மி 6i ஸ்மார்ட்போனின் விலை மற்றும் விற்பனை:

ரியல்மி 6i ஸ்மார்ட்போன் இரண்டு ரேம் மற்றும் சேமிப்பு விருப்பங்களில் கிடைக்கிறது – 3 ஜிபி + 64 ஜிபி மற்றும் 4 ஜிபி + 128 ஜிபி அடங்கும். இவைகள் முறையே (இந்திய மதிப்பின்படி) தோராயமாக ரூ.13,000 க்கும் மற்றும் ரூ.15,600 க்கும் அறிமுகம் ஆகியுள்ளன.

ரியல்மி நிறுவனத்தின் மியான்மர் பேஸ்புக் பக்கத்தின்படி, ரியல்மி 6i ஆனது வருகிற மார்ச் 18 முதல் மார்ச் 26 வரை ப்ரீ ஆர்டர்களுக்கு திறந்து விடப்படும். இந்த ஸ்மார்ட்போன் வெளிநாட்டு சந்தைகளில் கிடைப்பது குறித்து இதுவரை எந்த தகவலும் இல்லை.

ரியல்மி 6i ஸ்மார்ட்போனின் அம்சங்கள்:

டூயல் சிம் ஆதரவு கொண்ட (நானோ) ரியல்மி 6i ஆனது ஆண்ட்ராய்டு 10 அடிப்படையிலான ரியல்மி யுஐ கொண்டு இயங்குகிறது. இது 6.5 இன்ச் அளவிலான புல் எச்டி டிஸ்பிளேவை, 720 x 1600 பிக்சல்கள் என்கிற ஸ்க்ரீன் ரெசல்யூஷன் மற்றும் 20: 9 என்கிற திரை விகிதத்துடன் கொண்டுள்ளது.

ரியல்மி 6i ஸ்மார்ட்போன், மீடியாடெக் ஹீலியோ ஜி 80 SoC மூலம் இயக்கப்படுகிறது, இது இரண்டு ரேம் விருப்பங்களில் வருகிறது – 3 ஜிபி மற்றும் 4 ஜிபி.

கேமராக்களை பொறுத்தவரை, ரியல்மி 6i அதன் பின்புறத்தில் க்வாட் கேமரா அமைப்பைக் கொண்டுள்ளது. அதில் 48 மெகாபிக்சல் சென்சார் (எஃப் / 1.8) + 8 மெகாபிக்சல் அல்ட்ரா-வைட் லென்ஸ் + பிளாக் அன்ட் ஒயிட் போர்ட்ரெயிட் லென்ஸ் + மேக்ரோ லென்ஸ் உள்ளது. முன்பக்கத்தில், ஒரு 16 மெகாபிக்சல் (எஃப் / 2.0) செல்பீ கேமரா உள்ளது, இது வாட்டர் டிராப் நாட்ச் வடிவமைப்பிற்குள் வைக்கப்பட்டுள்ளது.

இந்த புதிய ரியல்மி ஸ்மார்ட்போன் இரண்டு சேமிப்பக விருப்பங்களைக் கொண்டுள்ளது, அதாவது 64 ஜிபி மற்றும் 128 ஜிபி, உடன் மைக்ரோ எஸ்டி கார்டு வழியாக 256 ஜிபி வரை மெமரி நீட்டிப்பிற்கான ஆதரவையும் வழங்குகிறது

இணைப்பு விருப்பங்களை பொறுத்தவரை, யூ.எஸ்.பி டைப்-சி போர்ட், வைஃபை, ப்ளூடூத், ஜி.பி.எஸ் / ஏ-ஜி.பி.எஸ் மற்றும் 3.5 மி.மீ ஹெட்ஜாக ஆகியவைகளை கொண்டுள்ளது.

ரியல்மி 6i ஸ்மார்ட்போனின் இந்த மொத்த அமைப்பும் ஒரு பெரிய 5,000 எம்ஏஎச் பேட்டரி மூலம் சக்தியூட்டப்படுகிறது., இது 18W பாஸ்ட் சார்ஜிங்கை ஆதரிக்கிறது. அக்காவீட்டில் இந்த ஸ்மார்ட்போன் 164.40×75.40×9.00 மிமீ மற்றும் 195 கிராம் எடையும் கொண்டுள்ளது.

LEAVE A REPLY

Please enter your comment!
Please enter your name here