டிவிஎஸ் மோட்டார் இந்தியா நிறுவனம் பிஎஸ்-6 தரத்திற்கு மேம்படுத்தப்பட்டுள்ள புதிய என்டார்க் ஸ்கூட்டர்!!

0
59

டிவிஎஸ் மோட்டார் இந்தியா நிறுவனம் பிஎஸ்-6 தரத்திற்கு மேம்படுத்தப்பட்டுள்ள புதிய என்டார்க் ஸ்கூட்டரை விற்பனைக்கு அறிமுகம் செய்துள்ளது. இதுதொடர்பான விவரங்களை பார்க்கலாம்.

நாடு முழுவதும் ஏப்ரல் 1 முதல் பிஎஸ்-6 மாசு உமிழ்வு விதிகள் நடைமுறைக்கு வரவுள்ள நிலையில், புதிய விதிகளுக்கு ஏற்ப தயாரிக்கப்பட்டுள்ள டிவிஎஸ் என்டார்க் ஸ்கூட்டர் ரூ. 65,975 (எக்ஸ்-ஷோரூம்) விலையில் விற்பனைக்கு கொண்டுவரப்பட்டுள்ளது.

தற்போது சந்தையில் விற்பனைச் செய்யப்பட்டு வரும் டிவிஎஸ் என்டார்க் ஸ்கூட்டரின் பிஎஸ்-4 வெர்ஷன் ரூ. 59,462 விலை பெறுகிறது. இதிலிருந்து ரூ. 6,513 விலை அதிகரிக்கப்பட்டு பிஎஸ்-6 வெர்ஷன் என்டார்க் மாடலுக்கு ரூ. ரூ. 65,975 விலை நிர்ணயம் செய்யப்பட்டுள்ளது.

இதனுடைய உயர் ரக ரேஸ் எடிசன் பிஎஸ்-6 மாடலுக்கு ரூ. ரூ.72,455 வரையில் விலை நிர்ணயிக்கப்பட்டுள்ளது. இங்கு குறிப்பிடப்பட்டுள்ள விலை அனைத்தும் எக்ஸ்-ஷோரூம் மதிப்பில் வழங்கப்பட்டுள்ளது குறிப்பிடத்தக்கது.

விலை அறிவிப்பை தவிர, புதிய மாடலில் இடம்பெற்றுள்ள சிறப்பம்சங்கள் குறித்து டிவிஎஸ் நிறுவனம் எவ்வித தகவலையும் வெளியிடவில்லை. அதேபோல புதிய எஞ்சின் வெளிப்படுத்தும் ஆற்றல் தொடர்பான தகவல்களும் வெளியாகவில்லை.

எனினும், முந்தைய பிஎஸ்-4 வெர்ஷனை விட பிஎஸ்-6 டிவிஎஸ் என்டார்க் ஸ்கூட்டர் குறைவான ஆற்றலை வழங்கலாம் என சொல்லப்படுகிறது. மேலும், பிஎஸ்4 மாடலை விட இந்த புதிய ஸ்கூட்டரில் எரிபொருள் சிக்கனம் அதிகமாக இருக்கும் என்று எதிர்பார்க்கப்படுகிறது.

தற்போது விற்பனைச் செய்யப்படும் பிஎஸ் 4 டிவிஎஸ் என்டார்க் ஸ்கூட்டரில் 124.79 சிசி சிங்கிள் சிலிண்டர் எஞ்சின் உள்ளது. இது 9.4 பிஎச்பி பவர் மற்றும் 10.5 என்.எம் டார்க் திறனை அதிகப்பட்சமாக வழங்கி வருகிறது.

பிஎஸ்-4 வெர்ஷனில் இருந்து வந்த கார்புரேட்டட் சிஸ்டம் மாற்றப்பட்டு, புதிய பிஎஸ்-6 மாடலில் ஃப்யூவெல் இஞ்ஜெக்‌ஷன் சிஸ்டம் பொருத்தப்பட்டுள்ளது. இந்த ஸ்கூட்டரின் புகைப்போக்கி குழாயும் புதிய மாசு விதிகளுக்கு ஏற்ப மாற்றப்பட்டுள்ளது.

புதிய பிஎஸ்-6 டிவிஎஸ் என்டார்க் ஸ்கூட்டரில் ப்ளூடூத் சிஸ்டம், அதன்மூலம் செயல்படக்கூடிய இன்ஸ்ட்ரூமென்ட் கன்சோல் உள்ளது. இதன்மூலம் செல்லும் இடம் குறித்த தகவலை தரும் நேவிகேஷன் வசதி, கடைசியாக பார்க்கிங் செய்யப்பட்ட இடம், கைப்பேசி அழைப்புகள், குறுந்தகவல் பரிமாற்றம், கைப்பேசி பேட்டரியின் திறன் உள்ளிட்ட விபரங்களை தெரிந்து கொள்ளலாம்.

பிஎஸ் 6 டிவிஎஸ் என்டார்க் ஸ்கூட்டரில் இன்ஸ்ட்ரூமென்ட் கிளஸ்ட்டரில் இவற்றுடன் ஸ்கூட்டர் செல்லும் வேகத்தை காட்டும் திரை, நேரத்தை காட்டும் திரை, பவர்/ஈக்கோ மோட்களை சுட்டி காட்டும் சிஸ்டம் போன்ற அம்சங்கள் இதில் உள்ளது.

இந்தியாவின் ஸ்கூட்டர் விற்பனை பிரிவில் டிவிஎஸ் என்டார்க் மாடலுக்கு மிகப்பெரிய வரவேற்பு இருந்து வருகிறது. அதை தொடர்ந்து தக்கவைத்து கொள்ளும் நோக்கில், பிஎஸ்-6 வெர்ஷனிலும் என்டார்க் மாடல் விற்பனைக்கு கொண்டுவரப்பட்டுள்ளது. இதுவும் முந்தைய வெர்ஷனைப் போல, விற்பனையில் சாதனை படைக்கும் என எதிர்பார்க்கலாம்.

LEAVE A REPLY

Please enter your comment!
Please enter your name here