(NOKIA)நோக்கியா பிரியர்களே வந்துவிட்டது அட்டகாசமான NOKIA 1.3..

0
26

நிகழவிருக்கும் MWC 2020 இல் அறிமுகம் ஆகவுள்ள புதிய நோக்கியா ஸ்மார்ட்போன்களில் ஒன்றான Nokia 1.3-யின் அம்சங்கள் மற்றும் லை லீக் ஆகியுள்ளது.

2020 ஆம் ஆண்டின் மிகப்பெரிய நிகழ்வுகளில் ஒன்றான மொபைல் வேர்ல்ட் காங்கிரஸ் (MWC) 2020-இல் நோக்கியா நிறுவனத்தின் நோக்கியா 8.2 5ஜி, நோக்கியா 5.2, நோக்கியா 1.3 மற்றும் நோக்கியா ‘ஒரிஜினல்’ சீரிஸ் என பல புதிய ஸ்மார்ட்போன்களை எச்எம்டி குளோபல் நிறுவனம் அறிமுகப்படுத்த உள்ளது.

அறிமுக நாள் மிகவும் நெருக்கமாக உள்ளதால், நோக்கியா 1.3 ஸ்மார்ட்போனின் பிரதான அம்சங்கள் தற்போது ஆன்லைனில் லீக் ஆகியுள்ளது.

வெளியான நோக்கியா பவர் யூசர் அறிக்கையின்படி, நோக்கியா 1.3 ஸ்மார்ட்போன் ஆனது 6 இன்ச் அளவிலான டிஸ்ப்ளேவை வாட்டர் டிராப் நாட்ச் வடிவமைப்புடன் கொண்டிருக்கும். மேலும் அது ஆண்ட்ராய்டு கோ மென்பொருளின் கீழ் இயங்கும் என்றும் குறிப்பிடப்பட்டுள்ளது.

இந்த புதிய நோக்கியா ஸ்மார்ட்போன் ஆனது மீடியா டெக் ப்ராசஸர் கொண்டு இயங்கும். கேமராவைப் பொறுத்தவரை, நோக்கியா 1.3 ஆனது ஒற்றை 8 மெகாபிக்சல் பின்புற கேமராவையும், செல்பீக்கள் மற்றும் வீடியோ அழைப்புகளுக்கான ஒரு 5 மெகாபிக்சல் அளவிலான கேமராவையும் கொண்டிருக்கும்.

மேலும், புதிய நோக்கியா 1.3 ஆனது 1 ஜிபி ரேம் மற்றும் 16 ஜிபி அளவிலான இன்டர்னல் மெமரியுடன் வரும் என்றும் அந்த அறிக்கை கூறுகிறது. மேலும் இந்த போன் 128 ஜிபி வரை மைக்ரோ எஸ்டி கார்டு ஸ்லாட் வழியாக மெமரி நீட்டிப்பை ஆதரிக்கும்.

இந்த நோக்கியா 1.3 ஆனது ஒரு 4000 எம்ஏஎச் பேட்டரி மூலம் சக்தியூட்டப்படும். இது சார்கோல் (கரி) மற்றும் சியான் வண்ண விருப்பங்களில் வெளியாகலாம்.

நோக்கியா 1.3 ஆனது எச்எம்டி குளோபலின் நுழைவு நிலை ஸ்மார்ட்போனாக இருக்கும் என்பதில் சந்தேகமே வேண்டாம். விலை நிர்ணயத்தை பொறுத்தவரை, இந்த ஸ்மார்ட்போன் (இந்திய மதிப்பின்படி) தோராயமாக ரூ.6,200 என்கிற விலைக் குறியுடன் வரும் என்று கூறப்படுகிறது.

மறுகையில் உள்ள மற்றொரு புதிய ஸ்மார்ட்போன் ஆன நோக்கியா 8.2 5ஜி ஆனது நிறுவனத்தின் முதல் 5 ஜி ஸ்மார்ட்போனாக இருக்கும். இந்த ஸ்மார்ட்போன் POLED அல்லது LCD டிஸ்ப்ளேவுடன் வரும், மேலும் இது க்வால்காம் ஸ்னாப்டிராகன் 765 5ஜி மொபைல் ஓஎஸ் கொண்டு இயக்கப்படும், இது ஒருங்கிணைந்த 5ஜி மோடத்துடன் வருகிறது.

இந்த ஸ்மார்ட்போன் ஒரு 3500 எம்ஏஎச் பேட்டரி மூலம் சக்தியூட்டப்படும் என்று கூறப்படுகிறது. இதன் அடிப்படை மாடல் 6 ஜிபி ரேம் + 128 ஜிபி இன்டர்னல் ஸ்டோரேஜை கொண்டிருக்கும். மேலும் இதன் 8 ஜிபி ரேம் + 128 ஜிபி / 256 ஜிபி வேரியண்ட்டும் அறிமுகம் ஆகும் என்றும் கூறப்படுகிறது.

LEAVE A REPLY

Please enter your comment!
Please enter your name here