ஹோண்டா ஆக்டிவா 6ஜி ஸ்கூட்டர் அறிமுகம்..!

0
137

பிஎஸ்-6 எஞ்சின்

இந்தியாவின் ஸ்கூட்டர் செக்மென்டில் செழிப்பான விற்பனைத் திறனை பெற்றுள்ள ஆக்டிவா ஸ்கூட்டர் பிஎஸ்-6 மாசு உமிழ்வு விதிகளுக்கு மேம்படுத்தப்பட்டு 6வது தலைமுறை மாடலாக விற்பனைக்கு களமிறக்கப்பட்டுள்ளது.புதிய தலைமுறை மாடலில் ஸ்டான்டர்டு மற்றும் டீலக்ஸ் என்கிற இரண்டு வேரியன்டுகள் வழங்கப்பட்டுள்ளன.

புதிய தொழில்நுட்ப கட்டமைப்பு

மேலும் எல்.இ.டி திறனில் ஒளிரும் முகப்பு விளக்குகள், பின்பக்க விளக்குகள், பல்வேறு செயல்பாடுகளை ஒருங்கிணைத்து இயக்க உதவும் மல்டி ஃபங்க்‌ஷன் கீ சிஸ்டம், வாகனத்தின் செயல்பாடுகளை கவனிக்க உதவும் செமி டிஜிட்டல் இன்ஸ்ட்ரூமென்ட் கிளஸ்ட்டர் உள்ளிட்ட தொழில்நுட்ப அம்சங்கள் ஆக்டிவா 6ஜி ஸ்கூட்டரில் உள்ளன.

அதிகரிப்பட்டுள்ள வீல்பேஸ்

முந்தைய மாடலை விட, இந்த புதிய ஸ்கூட்டருக்கான வீல்பேஸ் அதிகரிக்கப்பட்டுள்ளது. மேலும், ஸ்கூட்டரில் கால்களை வைக்க உதவு ஃபுட்போர்டு பகுதிக்கு நல்ல இடவசதி வழங்கப்பட்டுள்ளது. இதனால் கால்களை வைப்பதோடு, பொருட்களையும் தாராளமாக வைக்கலாம். புதிய தலைமுறை ஆக்டிவா 6ஜி ஸ்கூட்டரில் பெரிய இருக்கை வழங்கப்பட்டிருப்பது வாடிக்கையாளர்களை பெரிதும் கவரும் என எதிர்பார்க்கப்படுகிறது.

ஃப்யூவெல் இஞ்ஜெக்‌ஷன் எஞ்சின்

தற்போதைய மாடலில் இடம்பெற்றுள்ள கார்ப்புரேட்ட எஞ்சின் மாற்றப்பட்டு, அதற்கு பதிலாக ஃப்யூவெல் இஞ்ஜெக்‌ஷன் சிஸ்டம் கொண்ட பிஎஸ்-6 எஞ்சின் பொருத்தப்பட்டுள்ளது. 109.2 சிசி சிங்கிள் சிலிண்டர் கொண்ட இந்த எஞ்சின் 7.6 பிஎச்பி பவர் மற்றும் 8.7 என்.எம் டார்க் திறனை அதிகப்பட்சமாக வழங்கும். இந்த ஸ்கூட்டரின் எஞ்சின் சிவிடி கியர்பாக்ஸுடன் இணைக்கப்பட்டுள்ளது.

சப்தமில்லாமல் ஸ்டார்டாகும் வசதி

மேலும், இந்த ஸ்கூட்டரின் புதிய ஸ்டார்ட்டர் ஜெனரேட்டர் என்கிற அம்சம் வழங்கப்பட்டுள்ளது. இதன்மூலம் ஸ்கூட்டரை சப்தம் இல்லாமல் இயக்க முடியும். இந்த சிறப்பம்சம் வாடிக்கையாளர்கள் மத்தியில் பெரிய கவனத்தை ஈர்த்துள்ளது. 12 அங்குல அலாய் சக்கரங்கள், முன்சக்கரத்தில் டிஸ்க் பிரேக், ஸ்கூட்டரின் வெளியில் பெட்ரோல் டேங்கை அடைக்கும் மூடி உள்ளிட்டவை இந்த ஸ்கூட்டரில் உள்ளன.

சஸ்பென்ஷன் வசதிகள்

புதிய ஆக்டிவா 6ஜி ஸ்கூட்டரின் முன்சக்கரத்தில் டெலஸ்கோப்பிக் சஸ்பென்ஷன் மற்றும் பின்சக்கரத்தில் ஹைட்ராலிக் சஸ்பென்ஷன் ஆகியவை சஸ்பென்ஷன் தேவைகளை பூர்த்தி செய்கின்றன. கருப்பு, வெள்ளை, சாம்பல், சிவப்பு, நீலம் மற்றும் மஞ்சள் ஆகிய 6 வண்ணங்களில் கிடைக்கும் இந்த ஸ்கூட்டரில் இரண்டு வேரியண்டுகள் உள்ளன.

புதிய ஆக்டிவா 6ஜி ஸ்கூட்டரின் விலை

அதன்படி, புதிய ஹோண்டா ஆக்டிவா 6ஜி ஸ்கூட்டரின் ஸ்டான்டர்டு வேரியன்டுக்கு ரூ. 63,912 (எக்ஸ்-ஷோரூம், இந்தியா) விலை நிர்ணயம் செய்யப்பட்டுள்ளது. அதேபோல, இதனுடைய டீலக்ஸ் வேரியன்டுக்கு ரூ. 65,412 (எக்ஸ்-ஷோரூம், இந்தியா) விலை நிர்ணயம் செய்யப்பட்டுள்ளது.

ஹோண்டாவின் 3வது பிஎஸ்-6 வாகனம்

ஹோண்டா மோட்டார்சைக்கிள்ஸ் நிறுவனம் முன்னதாக, பிஎஸ்-6 எஞ்சின் திறனில் உருவாக்கப்பட்ட ஆக்டிவா 125 ஸ்கூட்டர் மற்றும் எஸ்.பி.125 பைக் மாடல்களை விற்பனைக்கு கொண்டு வந்தது. அதனை தொடர்ந்து பிஎஸ்-6 எஞ்சின் கொண்ட ஆக்டிவா 6ஜி 110 ஸ்கூட்டர் விற்பனைக்கு கொண்டுவரப்பட்டுள்ளது.

LEAVE A REPLY

Please enter your comment!
Please enter your name here