புதிய Audi Q8 SUV கார் விற்பனைக்கு அறிமுகம்!!

0
81

டெல்லியில் நடைபெற்ற கண்கவர் நிகழ்ச்சியில் ஆடி நிறுவனம் புதிய கியூ 8 எஸ்யூவி காரை விற்பனைக்கு அறிமுகம் செய்தது. இந்த புதிய வாகனத்தின் செயல்திறன், வடிவமைப்பு, கட்டமைப்பு உள்ளிட்ட விவரங்களை பார்க்கலாம்.

நாட்டில் ஆடம்பர கார்களை விற்பனை செய்வதில் முன்னணியில் இருந்து வரும் ஆடி கார் நிறுவனம், தனது கியூ சிரீஸில் புதிய ரக கியூ-8 சொகுசு காரை விற்பனைக்கு அறிமுகம் செய்துள்ளது.

ஆடி நிறுவனத்தின் மிகவும் விலை உயர்ந்த கார்கள் கியூ என்கிற பிராண்டின் கீழ் தயாரிக்கப்பட்டு, உற்பத்தி செய்து வருகின்றன. அந்த வரிசையில் மிகவும் விலை உயர்ந்த மாடலான கியூ-8 காரை விற்பனைக்கு கொண்டு வந்துள்ளது ஆடி நிறுவனம்.

நாட்டிலுள்ள திரை நட்சத்திரங்கள், தொழில் பிரமுகர்கள், அரசியல் தலைவர்கள், விளையாட்டு வீரர்கள் உள்ளிட்ட பிரபலங்கள் பலர் அடி கியூ-7 சொகுசு காரை பயன்படுத்தி வருகின்றனர். குறிப்பாக பாலிவுட் நடிகர்கள் பலரிடமும் இந்த கார் உள்ளது.

இதனுடைய மேம்படுத்தப்பட்ட காராக வந்துள்ளது. கியூ-8. இது 5 சீட்டர் மாடலாகும். எனினும், இதை முழுமையான எஸ்யூவி என்று சொல்லிட முடியாது. ரேஞ்ச்ரோவர், போர்ஷே கேயென் மாடல்களை போன்று கூபே ஸ்டைலுக்கு நிகரான கிரோஸோவர் வடிவமைப்பை இந்த கார் பெற்றுள்ளது.

காரின் முன்பக்கத்தில் இருக்கும் பெரியளவிலான கிரில், பிரமாண்டமாக காட்சியளிக்கிறது. மேட்ரிக் எல்.இ.டி திறனில் ஒளிரும் முகப்பு விளக்குகள், கூபே ஸ்டைலுக்கு இணையான தாழ்வாக இருக்கும் கூரை வடிவமைப்பு, 21 இஞ்ச் இரட்டை வண்ணத்தில் அலாய் சக்கரங்கள், ஸ்பிளிட்டர் , இரண்டு சைலென்சர்கள், இரண்டு பின்பக்க விளக்குகள் ஆகியவற்றுடன் கெத்தாக உள்ளது ஆடி கியூ 8 எஸ்யூவி கார்.

இதனுடைய உள்கட்டமைப்பில் ஆண்ட்ராய்டு ஆட்டோ மற்றும் ஆப்பிள் கார்பிளேவுக்கு ஆதரவளிக்கும் இரண்டு தொடுதிரை இன்ஃபொடெயின்மென்ட் சிஸ்டம், வயர்லெஸ் சார்ஜர், சூழலுக்கு ஏற்ப ஒளிரும் விளக்குகள்,டிஜிட்டல் இன்ஸ்ட்ரூமென்ட் கிளஸ்ட்டர், 4 நிலையிலான தட்பவெட்பத்தை வழங்கும் கிளைமேட் கண்ட்ரோலுடன் கூடிய ஏசி அமைப்பு, பனோரமிக் சன்ரூஃப் ஆகியவை முக்கிய அம்சங்களாக இடம்பெற்றுள்ளன.

மேலும் 8 ஏர்பேகுகள், ஓட்டுநருக்கு உதவும் தொழில்நுட்ப வசதி, லேன் சேஞ்ச் வார்னிங் அமைப்பு, 360 டிகிரியில் சுழலும் கேமரா, அடாப்டிவ் க்ரூஸ் கன்ட்ரோல் அமைப்பு உள்ளிட்ட பாதுகாப்பு அம்சங்கள் ஆடி கியூ- 8 காருக்கு வழங்கப்பட்டுள்ளன. யூரோ என்சிஏபி அமைப்பு நடத்திய கிராஷ் டெஸ்ட்டில் இந்த கார் 5 ஸ்டார் ரேடிங்கை பெற்றுள்ளது.

புத்தம் புதிய ஆடி கியூ 8 காரில் 3.0 லிட்டர் வி6 பெட்ரோல் எஞ்சின் உள்ளது. இது 340 பிஎச்பி பவர் மற்றும் 500 என்.எம் டார்க் திறனை அதிகப்பட்சமாக வழங்கும். மேலும், இந்த காரில் 48v மைல்டு ஹைப்ரிட் சிஸ்டமும் வழங்கப்பட்டு உள்ளது இந்த காரில் 8 ஸ்பீடு ஆட்டோமேட்டிக் கியர்பாக்ஸ் வழங்கப்பட்டுள்ளது.

இந்த கார் மொத்தமாக 58 வண்ணங்களில் விற்பனைக்கு கிடைக்கும். மேலும், இந்த காரினுடைய உட்கட்டமைப்பு 11 விதமான இண்டீரியர் தீமகள் கொண்டு வடிவமைக்கப்படுகிறது. மேலும், இதற்காக 9 விதமான மர வேலைபாடுகள் செய்யப்படுகின்றன. கியூ- 8 மாடலை வாங்க விரும்பும் வாடிக்கையாளர்கள், தங்களுக்கு ஏற்ற இண்டீரியர் தீம்களை தேர்வு செய்து கொள்ளலாம்.

புதிய ஆடி கியூ-8 காருக்கு ரூ. 1.33 கோடி (எக்ஸ்-ஷோரூம், டெல்லி) விலை நிர்ணயம் செய்யப்பட்டுள்ளது. இந்தியாவில் இந்த கார் ரேஞ்ச்ரோவர் ஸ்போர்ட், போர்ஷே கேயென் கூபே, பிஎம்டபுள்யூ எக்ஸ்-6, மெர்சிடிஸ் ஜி.எல்.இ கூபே ஆகிய கார்களுக்கு சரிநிகர் போட்டியை ஏற்படுத்தும்.

LEAVE A REPLY

Please enter your comment!
Please enter your name here