மேலும் 3 புதிய ஏர்டெல் திட்டங்கள் அறிமுகம்!!

0
23
ஆஃப்-நெட் குரல் அழைப்புகளுக்கான (அதாவது மற்ற நெட்வொர்க் உடனாக அழைப்புகளுக்கான) வரம்பை நீக்கிய பின்னர், பாரதி ஏர்டெல் நிறுவனமானது மூன்று புதிய ப்ரீபெய்ட் திட்டங்களை அறிமுகம் செய்துள்ளது. ஒரு நாளைக்கு 1 ஜிபி மற்றும் 1.5 ஜிபி மற்றும் 2 ஜிபி என்கிற அளவிலான டேட்டாவை வழங்கும் இந்த புதிய மூன்று திட்டங்களின் விலை நிர்ணயங்கள் என்ன? செல்லுபடியாகும் காலம் என்ன? என்பதை அறிய தொடர்ந்து படிக்கவும்.

மூன்று புதிய திட்டங்களின் விலை நிர்ணயங்கள்:

பார்தி ஏர்டெல் அறிமுகம் செய்துள்ள மூன்று புதிய ப்ரீபெய்ட் திட்டங்களின் விலை நிர்ணயம் ரூ.219, ரூ.399 மற்றும் ரூ.449 ஆகும். இந்த மூன்று திட்டங்களும் ஏற்கனவே ரீசார்ஜ் செய்ய கிடைக்கின்றன என்பதும் குறிப்பிடத்தக்கது. ரூ.219 ப்ரீபெய்ட் ரீசார்ஜ் என்பது விலை ஏற்றத்திற்கு முன்னதாக ரீசார்ஜ் செய்ய கிடைத்த அதே ரூ.169 திட்டமாகும். அதாவது பழைய திட்டமானது ரூ.50 என்கிற விலை உயர்வை பெற்றுள்ளது. மறுபுறம் உள்ள ரூ.399 மற்றும் ரூ.449 ஆகிய இரண்டுமே ஏர்டெல் நிறுவனத்தின் ப்ரீபெய்ட் பட்டியலில் சேர்ந்துள்ள புதிய திட்டங்கள் ஆகும். இந்த மூன்று திட்டங்கள் சார்ந்த அறிவிப்பை, பார்தி ஏர்டெல் தனது சமூக ஊடக தளங்களின் வழியாக அதிகாரப்பூர்வமாக அறிவித்துள்ளது. சுவாரசியமான விடயம் என்னவென்றால் இதே திட்டங்களை வோடபோன் ஐடியாவும் அறிமுகப்படுத்தியுள்ளது. முதலில் ஏர்டெல் திட்டங்களை பற்றி காண்போம்.

கடந்த மூன்று ஆண்டுகளில் முதல் முறையாக ஜியோ பின்னடைவு!

பாரதி ஏர்டெல் (மற்றும் வோடபோன் ஐடியா) நிறுவனத்தின் இந்த ஆக்ரோஷமான அணுகுமுறையின் விளைவாக கடந்த மூன்று ஆண்டுகளில் முதல் முறையாக, முகேஷ் அம்பானி தலைமையிலான ரிலையன்ஸ் ஜியோ நிறுவனம் கவலைப்படுவதாக தெரிகிறது. கடந்த வாரம் ஏர்டெல் (மற்றும் வோடாபோன்) அதன் ஆஃப்-நெட் அழைப்பிற்கான FUP வரம்பை நீக்குவதன் மூலம் ஜியோவை கடுமையாக தாக்கியது, தற்போது இரண்டாவது தாக்குதலாக ரூ.219, ரூ.399 மற்றும் ரூ.449 என்கிற மூன்று புதிய ப்ரீபெய்ட் திட்டங்களை அறிமுகப்படுத்தி உள்ளது!

ஏர்டெல் ரூ.219 திட்டத்தின் நன்மகள் & செல்லுபடியாகும் காலம்:

முன்னரே கூறியபடி, ஏர்டெல் நிறுவனத்தின் ரூ.219 ப்ரீபெய்ட் திட்டமானது முன்னர் அணுக கிடைத்த அதே ரூ.169 திட்டமாகும். நன்மைகளைப் பொறுத்தவரை, இது ஒரு நாளைக்கு 1 ஜிபி அளவிலான டேட்டா, ஒரு நாளைக்கு 100 எஸ்எம்எஸ்கள் மற்றும் எந்தவொரு நெட்வொர்க்குக்கும் எந்த விதமான வரம்பும் இல்லாத வரம்பற்ற குரல் அழைப்புகள் போன்றவைகளை வழங்குகிறது. தவிர ஏர்டெல் நிறுவனத்தின் பிற நன்மைகளான இலவச ஹலோ ட்யூன்ஸ், வரம்பற்ற விங்க் ம்யூசிக் அணுகல் மற்றும் இலவச ஏர்டெல் எக்ஸ்ஸ்ட்ரீம் ஆப் சந்தா ஆகியவைவைகளையும் வழங்குகிறது. இதன் செல்லுபடியாகும் காலம் 28 நாட்கள் ஆகும். மறுகையில், வோடபோன் ரூ.219 ஆனது ஏர்டெல் வழங்கும் இதே நன்மைகளையும், உடன் இலவச வோடபோன் ப்ளே உறுப்பினர் அணுகலையும் வழங்குகிறது.

ஏர்டெல் ரூ.399 திட்டத்தின் நன்மகள் & செல்லுபடியாகும் காலம்:

முன்பே குறிப்பிட்டபடி, ரூ,399 ஆனது ஏர்டெல் நிறுவனதத்தின் முற்றிலும் புதிய திட்டமாகும். நன்மைகளை பொறுத்தவரை ரூ.399 ஆனது ஒரு நாளைக்கு 1.5 ஜிபி டேட்டா, ஒரு நாளைக்கு 100 எஸ்எம்எஸ்கள் மற்றும் இந்தியாவில் உள்ள எந்த நெட்வொர்க்குக்கும் வரம்பற்ற குரல் அழைப்புகள் ஆகியவற்றை வழங்குகிறது. தவிர ஏர்டெல் நிறுவனத்தின் பிற நன்மைகளான இலவச ஹலோ ட்யூன்ஸ், வரம்பற்ற விங்க் ம்யூசிக் அணுகல் மற்றும் இலவச ஏர்டெல் எக்ஸ்ஸ்ட்ரீம் பிரீமியம் ஆப் சந்தா ஆகியவைவைகளையும் வழங்குகிறது. இதன் செல்லுபடியாகும் காலம் 56 நாட்கள் ஆகும்.

ஏர்டெல் ரூ.449 திட்டத்தின் நன்மகள் & செல்லுபடியாகும் காலம்:

இதுவும் ஏர்டெல் நிறுவனதத்தின் முற்றிலும் புதிய திட்டமாகும். நன்மைகளை பொறுத்தவரை ரூ.449 ஆனது ஒரு நாளைக்கு 2 ஜிபி டேட்டா, (சுவாரசியமாக) ஒரு நாளைக்கு 90 எஸ்எம்எஸ்கள் மற்றும் இந்தியாவில் உள்ள எந்த நெட்வொர்க்குக்கும் வரம்பற்ற குரல் அழைப்புகள் ஆகியவற்றை வழங்குகிறது. தவிர ரூ.399 போலவே இதுவும் இலவச ஹலோ ட்யூன்ஸ், வரம்பற்ற விங்க் ம்யூசிக் அணுகல் மற்றும் இலவச ஏர்டெல் எக்ஸ்ஸ்ட்ரீம் பிரீமியம் ஆப் சந்தா ஆகியவைவைகளையும் வழங்குகிறது. இந்த திட்டத்தின் செல்லுபடியாகும் காலமும் 56 நாட்கள் ஆகும். மறுகையில் உள்ள வோடபோன் ஐடியாவின் ரூ.449 ஆனது ஒரு நாளைக்கு 2 ஜிபி தரவு மற்றும் வரம்பற்ற குரல் அழைப்பு ஆகியவற்றை அனுப்புகிறது, ஆனால் டெக்ஸ்ட் மெசேஜ்களின் நன்மையில் வேறுபடுகிறது. ஏர்டெல் ஒரு நாளைக்கு 90 எஸ்எம்எஸ்களை அனுப்ப வோடபோன் ஐடியாவானது, செல்லுபடியாகும் 56 நாட்களுக்கும் ஒரு நாளைக்கு 100 எஸ்எம்எஸ்கள் என்கிற நன்மையை வழங்குகிறது.

என்ன ஜியோவின் நிலை இப்படி ஆகிவிட்டது!

ஏர்டெல் மற்றும் வோடபோன் ஐடியா நிறுவனங்கள் ஆனது இந்தியாவில் உள்ள எந்தவொரு நெட்வொர்க்குக்கும் வரம்பற்ற குரல் அழைப்புகளை வழங்க ரிலையன்ஸ் ஜியோபானது ஆஃப்-நெட் குரல் அழைப்புகளுக்கு வரம்புகளை கொண்டுள்ளது. எடுத்துக்காட்டிற்கு ஜியோவின் ரூ.399 திட்டமானது வெறும் 2,000 ஜியோ அல்லாத அழைப்பு நிமிடங்களுடன் வருகிறது. இந்த வரம்பு முடிந்த பின்னர் ஏர்டெல், வோடபோன் ஐடியா, பிஎஸ்என்எல் மற்றும் எம்டிஎன்எல் போன்ற பிற நெட்வொர்க்குகளுக்கு நிகழ்த்தப்படும் அழைப்புகளுக்கு நிமிடத்திற்கு ஆறு பைசா என்க்ரியா விகிதத்தின் கீழ் கட்டணமும் வசூலிக்கிறது. ஜியோ ரூ.399 ப்ரீபெய்ட் திட்டத்தைப் போலவே, ஜியோவின் ரூ.444 ப்ரீபெய்ட் திட்டமானதும் 2,000 நிமிடங்கள் என்கிற ஆஃப்-நெட் குரல் அழைப்பு வரம்பினை கொண்டுள்ளது என்பது இங்கே குறிப்பிடத்தக்கது.

LEAVE A REPLY

Please enter your comment!
Please enter your name here