ரீஎன்ட்ரி கொடுத்த நோக்கியா; 2 நாள் பேட்டரி ஆயுள் + டூயல் கேமரா

0
30

கெய்ரோவில் நடைபெற்ற ஒரு நிகழ்வில் நோக்கியா நிறுவனத்தின் பட்ஜெட் ஸ்மார்ட்போன் ஆன நோக்கியா 2.3 அறிமுகப்படுத்தப்பட்டது. நோவழக்கம் போல க்கியா மொபைல் போன்களை தயாரிக்கும்

விலையை மீறிய அம்சங்கள்!

நோக்கியா நிறுவனத்தின் இந்த சமீபத்திய பட்ஜெட் ஸ்மார்ட்போன் ஆனது கேமரா மற்றும் பொழுதுபோக்கை மையமாக கொண்ட பட்ஜெட் ஸ்மார்ட்போனாக தெரிகிறது, மேலும் இது ஆண்ட்ராய்டு 9.0 ஓஎஸ் உடன் அனுப்பப்படுகிறது, கூடிய விரைவில் ஆண்ட்ராய்டு 10 அப்டேட்டை பெறும் என்றும் கூறப்படுகிறது. பிரத்யேக கூகுள் அசிஸ்டென்ட் பொத்தான், இரட்டை பின்புற கேமரா அமைப்பு, ஒரு பெரிய டிஸ்பிளே மற்றும் இரண்டு நாள் நீடிக்கும் பேட்டரி ஆயுள் போன்ற பிரதான அம்சங்களை கொண்டுள்ள நோக்கியா 2.3 ஸ்மார்ட்போனின் விலை நிர்ணயம் என்ன? எப்போது முதல் இந்தியாவில் வாங்க கிடைக்கும்? போன்ற இதன் மற்ற முழுமையான அம்சங்கள் என்னென்ன? போன்ற விவரங்களை அறிய தொடர்ந்து படிக்கவும்.

நோக்கியா 2.3 ஸ்மார்ட்போனின் விலை & விற்பனை:

எச்எம்டி குளோபல் நிறுவனமானது நோக்கியா 2.3 ஸ்மார்ட்போனின் விலையை 109 யூரோ ஆக நிர்ணயித்துள்ளது. அதாவது இந்திய மதிப்பின்படி தோராயமாக ரூ.8,600ஆகும். இதே அளவிலான விலையின் கீழ்தான் இந்திய விற்பனையும் நாடாகும் என்று எதிர்பார்க்கலாம். இந்த புதிய நோக்கியா ஸ்மார்ட்போன் ஆனது இந்த டிசம்பர் மாத நடுப்பகுதியில் இருந்து சந்தைகளுக்கு அனுப்பப்படும் என்று தெரிகிறது, இருப்பினும் இந்தியாவில் எப்போது முதல் வாங்க கிடைக்கும் என்பது பற்றி போதுமான தகவல்கள் இல்லை. இந்த நோக்கியா 2.3 ஸ்மார்ட்போன் ஆனது சார்கோல், சியான் கிரீன் மற்றும் சாண்ட் ஆகிய மூன்று வண்ண விருப்பங்களில் அறிமுகமாகியுள்ளது.

நோக்கியா 2.3 ஸ்மார்ட்போனின் ஓஎஸ், ப்ராசஸர் மற்றும் டிஸ்பிளே:

டூயல் சிம் (நானோ) ஆதரவு கொண்ட நோக்கியா 2.3 ஆனது ஆண்ட்ராய்டு 9.0 பை கொண்டு இயங்குகிறது மற்றும் நம்பினால் நம்புங்கள் இது ஆண்ட்ராய்டு 10 அப்டேட்டிற்கு தயாராக உள்ளது, ஆனால் எப்போது என்கிற விவரங்கள் வெளிப்படுத்தப்படவில்லை. இந்த பட்ஜெட் ஸ்மார்ட்போன் ஆனது விலைக்கு மீறிய அம்சங்களை கொண்டுள்ளது என்பது வெளிப்படை, அதாவது 19: 9 என்கிற அளவிலான திரை விகிதம் கொண்ட 6.2 இன்ச் எச்டி+ (720×1520 பிக்சல்கள்) டிஸ்ப்ளே மற்றும் க்வாட் கோர் மீடியாடெக் ஹீலியோ ஏ 22 எஸ்ஓசி உடனாக 2 ஜிபி ரேம் மூலம் இயக்கப்படுகிறது.

ரியர், செல்பீ கேமரா மற்றும் கேமரா அம்சங்கள்:

கேமரத்துறையை பொறுத்தவரை, நோக்கியா 2.3 ஆனது டூயல் பின்புற கேமரா அமைப்பை கொண்டுள்ளது. அதாவது 13 மெகாபிக்சல் அளவிலான (எஃப் / 2.2) முதன்மை கேமரா + 2 மெகாபிக்சல் அளவிலான டெப்த் சென்சார் ஆகியவைகளை கொண்டுள்ளது. இது போர்ட்ரேட் பயன்முறையையும், பல வகையான பொக்கே விளைவுகளையும் ஆதரிக்கிறது. உடன் ஒரு பிரத்யேக ஷாட் அம்சத்தையும் இது கொண்டுள்ளது, இது இது ஷட்டர் அழுத்தத்திற்கு முன்னும் பின்னும் 15 படங்களை பதிவு செய்து, பின்னர் அதில் சிறந்த புகைப்படத்தை தேர்ந்தெடுக்குமாம். இதன் பின்புற கேமரா அமைப்பிற்கு எல்.ஈ.டி ஃபிளாஷ் ஆதரவும் உள்ளது. முன்பக்கத்தை பொறுத்தவரை, நோக்கியா 2.3 ஆனது ஒரு 5 மெகாபிக்சல் (எஃப் / 2.4) அளவிலான செல்பீ கேமராவை கொண்டுள்ளது.

வடிவமைப்பு, மெமரி, இணைப்பு ஆதரவுகள் மற்றும் பேட்டரி:

மேலும் நோக்கியா 3.2 ஆனது 32 ஜிபி அளவிலான உள்ளடக்க சேமிப்பு, இரட்டை சிம் ஸ்லாட் வழியிலான மைக்ரோ எஸ்டி கார்டு ஆதரவு (400 ஜிபி வரை), 4 ஜி எல்டிஇ, வைஃபை 802.11 பி / ஜி / என், ப்ளூடூத் வி 5.0, ஜிபிஎஸ் / ஏ-ஜிபிஎஸ், மைக்ரோ-யூ.எஸ்.பி (வி 2.0) மற்றும் 3.5 மிமீ ஹெட்ஜாக் போன்ற அம்சங்களை கொண்டுள்ளது. இந்த ஒட்டுமொத்த அமைப்பும் ஒரு 4,000 எம்ஏஎச் பேட்டரி மூலம் சக்தியூட்டப்படுகிறது, இதனுடன் 5W சார்ஜர் ஒன்றும் அனுப்பப்படுகிறது. பிரத்யேக கூகுள் அசிஸ்டென்ட் பொத்தானை தவிர, நோக்கியா 2.3 ஆனது சிறந்த பிடிமாணத்திற்கான 3டி நானோ அமைப்பிளானை நீடித்த பாலிமர் உடலைக் கொண்டுள்ளது.

உரிமம் பெற்றுள்ள எச்எம்டி குளோபல் நிறுவனம் இதை அறிமுகம் செய்தது.

LEAVE A REPLY

Please enter your comment!
Please enter your name here