ரூ. 8.30 லட்சம் ஆரம்ப விலையில் Mahindra BS6 XUV300 கார் அறிமுகம்..!

0
102

மஹிந்திரா பிஎஸ்-6 எக்ஸ்.யூ.வி 300 பெட்ரோல் மாடல் விற்பனைக்கு அறிமுகம் செய்யப்பட்டுள்ள நிலையில், இந்த வாரத்திலேயே காருக்கான டெலிவிரி தொடங்கும் என எதிர்பார்க்கப்படுகிறது.

பிஎஸ்- 6 மாசு உமிழ்வு விதிகளுக்கு கீழ் தயாராகியுள்ள மஹிந்திரா எக்ஸ்.யூ.வி300 பெட்ரோல் மாடல் கார் விற்பனைக்கு வந்துள்ளது. எனினும், இதில் டீசல் எஞ்சின் தேர்வு இடம்பெறவில்லை

மஹிந்திரா நிறுவனத்தின் முதல் பிஎஸ்-6 கார் என்ற அடையாளத்துடன் விற்பனைக்கு வந்துள்ள இந்த கார், 2 பெட்ரோல் எஞ்சின் வேரியன்டுகளில் விற்பனைக்கு கிடைக்கும்.

இதனுடைய அடிப்படை பெட்ரோல் வேரியன்டுக்கு ரூ. 8.30 லட்சம் விலை நிர்ணயம் செய்யப்பட்டுள்ளது. இதனுடைய உயர் ரக டபுள்யூ-8 பெட்ரோல் வேரியன்டுக்கு ரூ. 11.84 லட்சம் விலை நிர்ணயம் செய்யப்பட்டுள்ளது. இந்த விலை அனைத்தும் எக்ஸ்-ஷோரூம் மதிப்பிலேயே வழங்கப்பட்டுள்ளது.

இந்த காருக்கான டெலிவிரியை ஒரு சில நாட்களில் தொடங்க மஹிந்திரா முடிவு செய்துள்ளது. பிஎஸ்-6 எக்ஸ்.யூ.வி300 1.2 லிட்டர் டர்போசார்ஜிடு பெட்ரோல் எஞ்சின் 110 பிஎச்பி பவர் மற்றும் 220 என்.எம் டார்க் திறனை அதிகப்பட்சமாக வெளிப்படுத்தும். இந்த காரின் எஞ்சின் 6 ஸ்பீடு கியர்பாக்ஸுடன் கூட்டணி அமைத்துள்ளது.

எனினும், இந்த கார் தொடர்ந்து பிஎஸ்-4 எஞ்சின் தேர்விலேயே விற்பனைக்கு கிடைக்கும் என மஹிந்திரா தெரிவித்துள்ளது. அதன்படி, 1.5 லிட்டர் டீசல் எஞ்சின் எக்ஸ்யூவி300 கார் 115 பிஎச்பி பவர் மற்றும் 300 என்.எம் டார்க் திறனை வெளிப்படுத்தும். இந்த காரினுடைய எஞ்சின் 6 ஸ்பீடு மேனுவல் மற்றும் ஆட்டோமேட்டிக் கியர்பாக்ஸ் தேர்வுகளில் விற்பனை செய்யப்படுகிறது.

புதிய பிஎஸ்-6 எக்ஸ்யூவி300 கார் விற்பனைக்கு வந்துள்ளது குறித்து பேசிய மஹிந்திரா நிறுவனத்தின் தலைவர்களில் ஒருவரான ராஜன் வதேரா, இந்தியாவில் விரைவில் புதிய மாசு உமிழ்வு விதிகள் அமலுக்கு வரவுள்ளன. குறுகிய காலத்தில் நிறைய சவால்களை சந்தித்து பிஎஸ்6 எஞ்சினில் எக்ஸ்யூவி300 காரை மஹிந்திரா அறிமுகம் செய்துள்ளது என்று தெரிவித்தார்.

மேலும் பேசிய, நாட்டிலுள்ள அனைத்து டீலர்ஷிப்புகளுக்கும் விரைவிலேயே புதிய பிஎஸ்-6 எக்ஸ்யூவி300 கார் அனுப்பி வைக்கப்படும். மஹிந்திராவின் மற்ற மாடல் கார்களும் பிஎஸ்-6 மாசு உமிழ்வு தரத்திற்கு இணையாக மேம்படுத்தப்பட்டு விற்பனைக்கு கொண்டுவரப்படும் என்று அவர் கூறினார்.

இந்தியாவில் விற்பனையாகும் ப்ரீமியம் ரக கார்களில் எக்ஸ்.யூ.வி 300 மாடலுக்கு தனி இடம் உள்ளது. சாங்யாங் டிவோலி அடிப்படையில் ரீபேட்ஜ் செய்யப்பட்டு விற்பனைக்கு கொண்டுவரப்பட்டுள்ள இந்த காருக்கு வாடிக்கையாளர்களிடம் வரவேற்பு குவிந்து வருகிறது. சர்வீஸ் பயன்பாட்டுகளிலும் இதற்கு நன்மதிப்பு இருந்து வருகிறது.

அண்மையில் சென்னையில் செய்தியாளர்களைச் சந்தித்த மத்திய அமைச்சர் நிர்மலா சீதாராமன், நாட்டிலுள்ள வாடிக்கையாளர்கள் பலரும்
பிஎஸ்-6 வாகனங்களை வாங்குவதற்காக ஆவலுடன் காத்திருப்பதாக கூறியிருந்தார். அதை மெய்ப்பிக்கும் விதமாக நாட்டின் பல்வேறு இடங்களிலும் பிஎஸ்-6 வாகனங்களுக்கு வாடிக்கையாளர்கள் மிகுந்த வரவேற்பை அளித்து வருகின்றனர்.

அதேபோல மஹிந்திராவின் பிஎஸ்-6 எக்ஸ்யூவி 300 காருக்கும் வாடிக்கையாளர்களிடம் ஆதரவு பெருகும் என எதிர்பார்க்கலாம். பலரும் வாங்கும் விதமாக, தற்போது விற்பனையாகும் விலையில் இருந்து இந்த புதிய காருக்கு ரூ. 20 ஆயிரம் வரை விலை அதிகரிக்கப்பட்டுள்ளது. இதனால் பிஎஸ்-6 மாடல் விற்பனையில் எக்ஸ்யூவி 600 மாடலும் புதிய விற்பனை திறனை பதிவு செய்யும் என நம்பலாம்.

LEAVE A REPLY

Please enter your comment!
Please enter your name here