AYUSH: தமிழக அரசு சுகாதாரத்துறையில் வேலை!!

0
7

தமிழகத்தில் செயல்பட்டு வரும் தேசிய ஆயுஷ் நல மையங்களில் சித்த, ஆயுர்வேத, யுனானி , ஓமியோபதி மருத்துவ ஆலோசகர் பணிக்கு வேலைவாய்ப்புகள் அறிவிக்கப்பட்டுள்ளது.

தமிழக அரசின் சுகாதாரத்துறையில் சித்தா, ஆயுர்வேதா, யுனானி , ஓமியோபதி ஆகிய பிரிவுகளில் மருத்துவ ஆலோசகர் பணிக்கு விண்ணப்பங்கள் வரவேற்கப்படுகிறது. இதற்கு யாரெல்லாம் விண்ணப்பிக்கலாம், எப்படி விண்ணப்பிக்க வேண்டும் என்பது குறித்த விபரங்களை இங்கு காணலாம்.

இது தொடர்பாக தமிழக சுகாதாரத்துறை வெளியிட்டுள்ள வேலைவாய்ப்பு அறிவிப்பில் கூறியிருப்பதாவது: ‘தேசிய ஆயுஷ் குழுமத்தின் கீழ் தமிழ்நாட்டில் காலியாக உள்ள ஆயுஷ் (AUSH) நல மையங்களில் இந்திய மருத்துவ முறைகள் பிரிவுகளில் பணி சேர்ப்பு நடைபெறுகிறது.

மொத்தம் நான்கு பதவிகள் உள்ளன. சித்த மருத்துவ ஆலோசகர், ஆயுர்வேதா மருத்துவ ஆலோசகர், யுனானி மருத்துவ ஆலோசகர், ஓமியோபதி மருத்துவ ஆலோசகர். இவற்றில் அதிகபட்சமாக சித்த மருத்துவ ஆலோசகர் பதவிக்கு 32 காலியிடங்கள் அறிவிக்கப்பட்டுள்ளது. ஆயுர்வேதா பிரிவுக்கு 3, யுனானி மருத்துவ ஆலோசகருக்கு 1, ஓமியோபதிக்கு 2 காலியிடங்கள் உள்ளது.

இந்த பணியிடங்கள் அனைத்தும் தற்காலிகம் ஆகும். இருப்பினும் ஆயுஷ் திட்டத்தின் காலத்தைப் பொறுத்து பணிகாலத்தை நீட்டிக்கச் செய்யவும் வாய்ப்புகள் உள்ளது. எனவே, தற்காலிகம் என்று கருதி தகுதியுள்ளவர்கள் விண்ணப்பிக்காமல் இருக்க வேண்டாம்.

சம்பளம்:
தேசிய ஆயுஷ் குழு திட்டத்தின் கீழ் சம்பளம் வழங்கப்படும். ஒரு நாளைக்கு 1000 ரூபாய் ஊதியம் வழங்கப்படுகிறது. மொத்தம் வாரத்திற்கு 6 வேலை நாட்கள். எனவே, மாதத்திற்கு கிட்டத்தட்ட 24 ஆயிரம் ரூபாய் சம்பளம் பெற முடியும்.

கல்வித்தகுதி:
விண்ணப்பதாரர்கள் குறைந்தபட்சம் சம்பந்தப்பட்ட துறையில் டிப்ளமோ அல்லது டிகிரி பட்டம் பெற்றிருக்க வேண்டும். மேலும், தமிழ்நாடு மருத்துவ தேர்வு வாரியம், தமிழ்நாடு ஓமியோபதி மெடிக்கல் கவுன்சில் ஆகியவற்றில் பதிவு செய்திருக்க வேண்டும்.

வயது வரம்பு:
1.7.2019 தேதியின்படி, விண்ணப்பதாரர்கள் குறைந்தபட்சம் 18 வயது நிரம்பியவராக இருக்க வேண்டும். அதிகபட்சம் 57 வயதுக்கு உட்பட்டவராக இருக்க வேண்டும்.

தேர்வு முறை:
பள்ளிக்கல்வி, பத்தாம் வகுப்பு, பன்னிரெண்டாம் வகுப்பு, பட்டம், பட்டயம் ஆகிய படிப்புகளில் பெற்ற மதிப்பெண்னை அடிப்படையாகக் கொண்டு விண்ணப்பதாரர்கள் தேர்வு செய்யப்படுவார்கள்.

காலியிடங்களின் எண்ணிக்கை மாறுதலுக்கு உட்பட்டது என்று அறிவிக்கப்பட்டுள்ளது. எனவே, விண்ணப்பதாரர்கள் தேர்வு செய்யப்பட்டப் பிறகும், மேற்கொண்டு வரும் காலியிடங்கள் இந்த பணி சேர்ப்பிலேயே நிரப்பப்படும்.

இந்த பணியில் சேருவதற்கு தகுதியும், திறமையும் உள்ளவர்கள், www.tnhealth.org என்ற சுகாதாரத்துறையின் இணையதளத்தில் விண்ணப்பம் பெற்று, அதனை பூர்த்தி செய்து அக்டோபர் 18ம் தேதிக்குள் விண்ணப்பிக்க வேண்டும். இது பற்றிய முழுமையான விபரங்களுக்கு தமிழக சுகாதாரத்துறையின் அதிகாரப்பூர்வ அறிவிப்பைப் பார்க்கவும்.

LEAVE A REPLY

Please enter your comment!
Please enter your name here