விஜய் படத்தில் விஜய் சேதுபதிக்கு இத்தனை கோடி சம்பளமா?

0
13

தெறி, மெர்சல் ஆகிய படங்களின் வெற்றியைத் தொடர்ந்து அட்லி – விஜய் கூட்டணியில் உருவாகியுள்ள படம் பிகில். இப்படமும் ஹிட் கொடுக்க காத்துக்கொண்டிருக்கிறது. வரும் தீபாவளி பண்டிகைக்கு கெத்தா திரைக்கு வருகிறது. இப்படத்தைத் தொடர்ந்து இயக்குநர் லோகேஷ் கனகராஜ் இயக்கத்தில் விஜய் தனது 64ஆவது படத்தில் நடிக்கிறார். இது குறித்து அறிவிப்பு அண்மையில், வெளியானது.

இப்படத்திற்கு இளம் இசையமைப்பாளர் அனிருத் இசையமைக்கிறார். எக்ஸ்பி கிரியேட்டர்ஸ் நிறுவனம் இப்படத்தை தயாரிக்கிறது. வரும் அக்டோபர் 3 ஆம் தேதி இப்படத்தின் படப்பிடிப்பு சென்னையில் நடக்க இருக்கிறது என்று தகவல் வெளியாகியுள்ளது. இதற்கிடையில், இப்படத்தில் நடிக்கும் மற்ற நடிகர், நடிகைகள், தொழில்நுட்ப கலைஞர்கள் குறித்த அறிவிப்பு விரைவில் வரும் என்று எதிர்பார்க்கப்படுகிறது.

இந்த நிலையில், தளபதி 64 படத்தில், விஜய்க்கு வில்லனாக விஜய் சேதுபதி நடிக்க இருப்பதாக தகவல் வெளியானது. விஜய் படத்தில் நடிப்பதற்காக, தனது துக்ளக் தர்பார் படத்தின் படப்பிடிப்பு தேதியை விஜய் சேதுபதி தள்ளி வைத்துள்ளாராம். இதன் மூலம் விஜய் படத்தில் விஜய் சேதுபதி நடிப்பது உண்மையாகியுள்ளது. எனினும், அதிகாரப்பூர்வ அறிவிப்புதான் வெயிட்டிங்.

இப்படத்தில் நடிப்பதற்காக, விஜய் சேதுபதிக்கு ரூ.10 கோடி வரையில் சம்பளம் பேசப்பட்டுள்ளதாக சமூக வலைதளங்களில் தகவல் வெளியாகியுள்ளது. இது விஜய் சேதுபதியின் ஹீரோ ரோலுக்கு இணையான சம்பளம் என்று கூறப்படுகிறது.

இதற்கு முன்னதாக, ரஜினிகாந்த நடிப்பில் வந்த பேட்ட படத்தில், விஜய் சேதுபதி வில்லன் கதாபாத்திரத்தில் நடித்திருந்தார். இப்படம் வசூல் ரீதியாகவும், விமர்சன ரீதியாகவும் நல்ல வரவேற்பு பெற்றது என்பது குறிப்பிடத்தக்கது.

LEAVE A REPLY

Please enter your comment!
Please enter your name here