ஆதார் எண்ணை பான் கார்டுடன் இணைக்க அளிக்கப்பட்ட காலக்கெடு முடியப்போகிறது.

0
41

பான் – ஆதார் இணைப்பின்போது இரண்டிலும் உள்ள பெயர், பிறந்த தேதி, பாலினம் போன்ற விவரங்கள் ஒன்றுக்கொன்று முரண்படாமல் ஒரே போல இருப்பதை உறுதிசெய்ய வேண்டும்.

ஹைலைட்ஸ்

  • செப்டம்பர் 30க்குள் பான் – ஆதார் இணைப்பை முடிக்க வேண்டும்.
  • வருமான வரித்துறை இணையதளத்திலோ எஸ்எம்எஸ் மூலமோ செய்யலாம்.ஆதார் எண்ணை பான் கார்டுடன் இணைக்க அளிக்கப்பட்ட காலக்கெடு விரைவில் முடியப்போகிறது. செப்டம்பர் 30ஆம் தேதிக்குப் பின் ஆதார் இணைக்கப்படாத பான் கார்டு பயனற்றதாகிவிடும்.

பான் (PAN) என்பது எண்களும் எழுத்துக்களும் கலந்த 10 இலக்க அடையாள எண். இதை வருமான வரித்துறை அளிக்கும். ஆதார் என்பது 12 இலக்கங்கள் கொண்ட அடையாள எண். இதனை ஆதார் இணையம் தருகிறது.

பான் எண்ணைம் ஆதார் எண்ணையும் இணைக்காதவர்கள் கண்டிப்பாக அவற்றை இணைக்க வேண்டும். இதனை எளிதாக வருமான வரித்துறை இணையதளத்திலோ எஸ்எம்எஸ் மூலமோ செய்யலாம்.

பான் – ஆதார் இணைப்பின்போது இரண்டிலும் உள்ள பெயர், பிறந்த தேதி, பாலினம் போன்ற விவரங்கள் ஒன்றுக்கொன்று முரண்படாமல் ஒரே போல இருப்பதை உறுதிசெய்ய வேண்டும்.

ஏதேனும் முரண்பாடுகள் இருந்தால், ஆதார் ஆணையம் மூலமோ வருமான வரித்துறை அளிக்கும் வசதியின் மூலமோ சரிசெய்துகொள்ள வேண்டும்.

பான் கார்டுடன் ஆதார் இணைக்கப்படவில்லை என்றால், அதனை இணைக்கும் வரை பணப் பரிவர்த்தனைகளுக்கு பான் கார்டை பயன்படுத்த முடியாது.

வருமான வரித்துறையின் இணையதளத்தின் தகவல்படி, பதிவு செய்த 8.47 பேரில் 6.77 பேர் ஆதாரை பான் கார்டுடன் இணைத்துள்ளனர்.

மத்திய நேரடி வரிகள் வாரியம் முதலில் 2018ஆம் ஆண்டு ஜூலை மாதம் வரை அவகாசம் அளித்தது. பின் மார்ச் 31, 2019 வரை நீட்டித்தது. மீண்டும் செப்டம்பர் 30 வரை அதிகப்படுத்தியது.

வருமான வரி தாக்கல் செய்யும்போது, பான் எண்ணுடன் ஆதார் எண் இணைக்கப்பட்டிருக்க வேண்டும் என்பது கட்டாயம் எனவும் இது ஏப்ரல் 1, 2019 முதல் நடைமுறைக்கு வரும் என்றும் அறிவித்தது வருமான வரித்துறை. ஆனால், விலக்கு அளிக்கப்பட்டவர்களுக்கு இது பொருந்தது எனவும் கூறியது.

காலக்கெடு முடிந்த பின் பான் – ஆதார் இணைக்காவிட்டால், அந்த பான் கார்டு மதிப்பிழந்துவிடும் என்று முதலில் கூறப்பட்டது. ஆனால், பின்னர், ஆதார் இணைக்காத பான் கார்டு இந்த மாதத்துக்குப் பின் ‘செயலிழந்துவிடும்’ என்று கூறியிருக்கிறது. ஆனால், செயலிழப்பது என்றால் என்ன எனக் விளக்கவில்லை.

LEAVE A REPLY

Please enter your comment!
Please enter your name here