CSK: டிசம்பரில் நடக்கிறதா ஐபிஎல் 2020 மினி ஏலம்?

0
10

மும்பை: வரும் டிசம்பர் மாதம் ஐபிஎல் 2020 ஆண்டுக்கான மினி வீரர்கள் ஏலம் நடக்கும் என தகவல்கள் தெரிவிக்கின்றன.

இந்தியாவில் ஆண்டுதோறும் உள்ளூர் கிரிக்கெட் தொடரான ஐபிஎல் கிரிக்கெட் தொடர் நடக்கிறது. இந்நிலையில் அடுத்த ஆண்டு (2020) இத்தொடர் ஏப்ரல் மாதம் நடக்கவுள்ளது

மினி ஏலம்…
இந்நிலையில் இத்தொடருக்கு முன்பாக மினி ஏலம் வரும் டிசம்பர் மாதம் நடக்கவுள்ளதாக தகவல்கள் தெரிவிக்கின்றன. இந்த மினி ஏலத்தில் ஒவ்வொரு அணிகளும் தலா ரூ. 86 கோடி வரை பயன்படுத்திக்கொள்ள முடியும் என தெரிவிக்கப்பட்டுள்ளது.

புது பயிற்சியாளர்..
இதற்கிடையில் ஐபிஎல் தொடரில் பங்கேற்கும் அணிகளில் கிங்ஸ் லெவன் பஞ்சாப் அணியின் பயிற்சியாளர் பொறுப்புக்கு ஆண்டி பிளவர், டேரன் லீமேன், மைக் ஹசி, ஜார்ஜ் பெய்லி ஆகியோரின் பெயர்கள் பரிந்துரைக்கப்பட்டுள்ளது.

முன்னதாக பயிற்சியாளராக இருந்த மைக் ஹெசனின் இரண்டு ஆண்டு ஒப்பந்த காலம் முடிவுக்கு வந்துள்ளது. இவர் தற்போது ராயல் சாலஞ்சர்ஸ் பெங்களூரு அணியின் இயக்குனராக இணைந்துள்ளார்.

கேடிச் தேர்வு….
ஹெசனை சேர்த்ததுடன் ராயல் சாலஞ்சர்ஸ் பெங்களூரு அணி ஆஸ்திரேலியாவின் சைமன் கேடிச்சை தலைமை பயிற்சியாளராக நியமித்துள்ளது.

ஏன் இந்த முடிவு….
பெங்களூரு அணியில் விராட் கோலி , டிவிலியர்ஸ் போன்ற நட்சத்திர வீரர்கள் அணியில் இருந்த போதும் பெரிய அளவில் ஐபிஎல் தொடரில் இதுவரை சாதிக்க முடியாத காரணத்தால் பெங்களூரு அணி நிர்வாகம் இந்த முடிவை எடுத்துள்ளதாக தெரிகிறது.

சென்னையில் மாற்றமா?
எப்போதும் கிரிக்கெட் ரசிகர்கள் மத்தியில் ஐபிஎல் தொடருக்கு தனிமவுசு உள்ளது. அடுத்த ஆண்டுக்கான தொடருக்கான பரபரப்பு தற்போதே எகிற துவங்கியுள்ளது. இந்த ஏலத்தில் சென்னை சூப்பர் கிங்ஸ் அணி சார்பில் பெரிய அளவில் மாற்றம் எதுவும் இருக்காது என தெரிகிறது.

LEAVE A REPLY

Please enter your comment!
Please enter your name here