எப்படி அனுமதி கொடுத்தீர்கள்??சாய்ராம் கல்லூரிக்கு நோட்டீஸ்:விஜயால் விளைந்த நெருக்கடி..

0
9

எப்படி அனுமதி கொடுத்தீர்கள்??சாய்ராம் கல்லூரிக்கு நோட்டீஸ்… விஜயால் விளைந்த நெருக்கடி……

எதன் அடிப்படையில் பிகில் இசை வெளியீட்டுக்கு அனுமதி அளித்தீர்கள் என்று விளக்கம் தரக்கேட்டு , சாய்ராம் பொறியியல் கல்லூரிக்கு தமிழக உயர்கல்வித்துறை நோட்டீஸ் அனுப்பியுள்ளது.

தமிழகத்தில், சினிமாவிலிருந்து அரசியலுக்கு வருவது காலங்காலமாக பேசப்பட்டும், நிகழ்த்தப்பட்டும் வருகிற நடைமுறை. அந்த பட்டியலில் தற்போது கடைசியில், நிற்கிறார் நடிகர் விஜய்…

ஆண்டுக்கொருமுறை தன் ரசிகர்களிடையே உரை நிகழ்த்தும் நிகழ்ச்சியாக, இசை வெளியீட்டு விழாக்களை பயன்படுத்தி வருகிறார். இந்நிலையில் செப்டம்பர் 20 ம் தேதி , விஜயின் அடுத்த படமான பிகில் திரைப்படத்தின் இசை வெளியீட்டு விழா நடைபெற்றது.

இதில், உரையாற்றிய நடிகர் விஜய் அரசியல் , சமூக நிகழ்வுகளை குறிப்பிட்டு ரசிகர்களிடம் பேசினார்.மேலும் “சமூக பிரச்சினைகளுக்கு குரல் கொடுங்கள்” , “சுபஸ்ரீ மரணத்திற்கு இரங்கல்” “யாரை எங்க உக்கார வைக்கணுமோ, அங்க உக்கார வைக்கணும்” என்றெல்லாம் பேசியிருந்தார்.

இதற்கு அதிமுகவினரின் தரப்பில் எதிர்ப்பும், விமர்சனக்குரலும் எழுந்து வந்த நிலையில், இந்த நிகழ்ச்சிக்கு இட அனுமதி அளித்த சாய்ராம் பொறியியல் கல்லூரிக்கு நெருக்கடி தருகிறது தமிழக அரசின் உயர்கல்வித்துறை.

எதன் அடிப்படையில் இசை வெளியீட்டு விழாவுக்கு அனுமதி அளித்தீர்கள் என்று விளக்கம் தரவேண்டும் என்று கேட்டு, உயர்கல்வித்துறை சாய்ராம் கல்லூரிக்கு நோட்டீஸ் அனுப்பியுள்ளது.

கடந்த 2018 ஆம் ஆண்டு , கல்லூரிகளில் அரசியல் சார்ந்த நிகழ்ச்சிகளுக்கு தடை விதித்து உத்தரவு பிறப்பிக்கப்பட்டது, இங்கு குறிப்பிடத்தக்கது..

LEAVE A REPLY

Please enter your comment!
Please enter your name here