வாட்ஸ்ஆப்(whatsapp) மெதுவாக இயங்குகிறதா? அப்படியானால் இந்த Trick-ஐ முயற்சிக்கவும்!

0
25

மணிக்கணக்கில் வாட்ஸ்ஆப் மூழ்கி திளைக்கும் அனைவரும் தெரிந்துகொள்ள வேண்டிய ஒரு தந்திரமாக / விடயமாக இது திகழ்கிறது!

வாட்ஸ்ஆப் என்பது உலகின் மிகவும் பிரபலமான மெசேஜிங் ஆப்ஸ்களில் ஒன்றாகும். ஒவ்வொரு நாளும் மில்லியன் கணக்கான பயனர்கள் வாட்ஸ்ஆப் வழியாக டெக்ஸ்ட், வீடியோக்கள், குரல் பதிவுகள், GIF கள், ஸ்டிக்கர்கள், இருப்பிட பகிர்வு, ஆவணங்கள் என பல வடிவங்களில் செய்திகளை பரிமாறிக்கொள்கின்றனர்.

இந்த இடத்தில் தான் ஒரு மறைமுகசிக்கல் முளைக்கிறது. பேஸ்புக்கிற்குச் சொந்தமான வாட்ஸ்ஆப்பை அடிக்கடி பயன்படுத்தும் பட்சத்தில், குறிப்பாக பல எண்ணிக்கையிலான வாட்ஸ்ஆப் க்ரூப்களில் தீவிரமாக சாட் செய்யும் பட்சத்தில், அது சற்று மெதுவான இயக்கத்தை வெளிப்படுத்தி இருக்கலாம்.

அதற்கு காரணம் – நீங்கள் மாற்றி மாற்றி அனுப்பிக்கொண்ட வாட்ஸ்ஆப் மீடியா கோப்புகளும், டாக்குமெண்ட்ஸ்களும் தான், இவைகள் உங்கள் மொபைல் நினைவகத்தை அதிக அளவில் நிரப்பும். ஒருவேளை நீங்கள் ஏற்கனவே குறைவான மொபைல் நினைவகத்தில் இயங்கினால் இந்த சிக்கல் அதிகரிக்கக்கூடும்.

அதிர்ஷ்டவசமாக, இந்த சிக்கலில் இருந்து தப்பிக்க வாட்ஸ்ஆப் உங்களுக்கு எளிதான நுட்பத்தை வழங்குகிறது. இதன் மூலம் நீங்கள் மீடியா கோப்புகள் மற்றும் மெசேஜ்களை, ஆப்பின் நினைவகத்திலிருந்து மட்டுமல்லாமல் மொபைல் நினைவகத்திலிருந்தும் நீக்க முடியும்.

இது உங்கள் ஸ்மார்ட்போனில் நிறைய ஸ்பேஸை விடுவிக்க உதவும், குறிப்பாக, நீங்கள் குறைவான மொபைல் நினைவகத்துடன் தடுமாறும் போது, இது நிச்சயமாக கை கொடுக்கும்!

ஆனால் இந்த இடத்தில் ஒரு சிறிய “தடை” உள்ளது. இந்த வாட்ஸ்ஆப் தந்திரமானது Android ஸ்மார்ட்போன்களில் மட்டுமே செயல்படும், அதாவது நீங்கள் ஒரு ஐபோனைப் பயன்படுத்தினால் உங்களால் இதை செய்ய முடியாது. ஐபோன் பயனர்களால் ஆப் ஸ்பேஸ் மற்றும் iCloud ஸ்பேஸை காலி செய்ய முடியும் என்றாலும் கூட, ஐபோன் நினைவகத்தை காலி செய்ய விரும்பினால், ஆப்பில் இருந்து வீடியோக்களையும் மெசேஜ்களை கைமுறையாகத்தான் டெலிட் செய்ய வேண்டும்.

ஒருவேளை உங்களிடம் Android மொபைல் இருந்தால், வாட்ஸ்ஆப் மீடியா கேச்களை அழிக்க நீங்கள் பின்பற்ற வேண்டிய வழிமுறைகள் இதோ:

01. வாட்ஸ்ஆப்பை திறந்து, வலது மேல் மூலையில் உள்ள மூன்று புள்ளிகளை கிளிக் செய்யவும்.

02. இப்போது Settings-ஐ கிளிக் செய்யவும்.


03. பின்னர் Data and Storage Usage விருப்பத்தை கிளிக் செய்யவும்.

04. இப்போது உங்கள் ஸ்மார்ட்போனில் அவரவர் உட்கொள்ளும் நினைவக அளவின் அடிப்படையில் உருவான வரிசையின் கீழ் உங்கள் வாட்ஸ்ஆப் காண்டாக்ட்ஸ்கள் அனைத்தையும் காண்பீர்கள்.

05. இப்போது குறிப்பிட்ட contact-ஐ டேப் செய்து Free Up Space விருப்பதை கிளிக் செய்யவும்.

06. இப்போது அந்த குறிப்பிட்ட காண்டாக்ட் உடன் நீங்கள் பகிர்ந்த கோப்புகளின் பட்டியல் உங்களுக்கு அணுக கிடைக்கும்.

07. அதில் Images, videos மற்றும் voice message-கள் என நீங்கள் விரும்பும் எதையும் தேர்வு செய்து டெலிட் செய்யலாம் அல்லது அனைத்தையும் கூட டெலிட் செய்யலாம்.

08. அதை செய்ய Delete Items விருப்பத்தை கிளிக் செய்யவும்.

09. இப்போது அதை உறுதி செய்ய Clear Messages என்பதை கிளிக் செய்யவும். அவ்வளவுதான்!

இதை செய்து முடிக்கவும், வாட்ஸ்ஆப் வீடியோக்கள் மற்றும் மெசேஜ்கள் ஆனது மொபைல் கேலரியில் இருந்து தானாகவே டெலிட் செய்யப்படும்.

LEAVE A REPLY

Please enter your comment!
Please enter your name here