கேப்டன் கோலியாவே இருந்தாலும் மவுசு குறையும் ஆர்சிபி…

0
11

மும்பை: இந்திய கிரிக்கெட் அணியின் கேப்டன் விராட் கோலி, கேப்டனாக இருந்தாலும் ஐபிஎல் தொடரில் பங்கேற்கும் பெங்களூரு அணியின் மவுசு குறைந்துள்ள விஷயம் தற்போது தெரியவந்துள்ளது.

ஹைலைட்ஸ்

  • தோனி தலைமையிலான சென்னை சூப்பர் கிங்ஸ் அணியின் மதிப்பு அதிகரித்துள்ளது. ஆனால் பெங்களூரு, கொல்கத்தா அணிகளின் ஆண்டு மதிப்பு சரிந்துள்ளது.
இந்தியாவில் ஆண்டுதோறும் ஐபிஎல்., கிரிக்கெட் தொடர் நடக்கிறது. இதில் பங்கேற்கும் அணிகள் தற்போது மதிப்பு குறைந்து வரும் விஷயம் தெரியவந்துள்ளது. குறிப்பாக ராயல் சாலஞ்சர்ஸ் பெங்களூரு, கொல்கத்தா நைட் ரைடர்ஸ் அணிகளின் மவுசு ரசிகர்கள் மத்தியில் படுமோசமாக குறைந்த விஷயம் தெரியவந்துள்ளது.
மொத்தம் 595 கோடி….
சமீபத்தில் எடுக்கப்பட்ட கருத்துக்கணிப்பில், ஐபிஎல் தொடரில் பங்கேற்கும் ராயல் சாலஞ்சர்ஸ் பெங்களூரு அணியின் மொத்த மதிப்பு ரூ. 595 கோடிகளாக உள்ளது. இதே போல ரசிகர்களின் எதிர்பார்ப்பை ஏற்படுத்தி ஏமாற்றிய கொல்கத்தா நைட் ரைடர்ஸ் அணியின் மதிப்பு 8 சதவீதம் குறைந்து ரூ. 630 கோடியாக உள்ளது.

அதிகரித்த ஐபிஎல் மதிப்பு
இதே போல ஐபிஎல் தொடரின் மதிப்பு 7 சதவீதம் வரை அதிகரித்து, 6.3 பில்லியன் டாலர்களில் இருந்து 6.8 பில்லியன் டாலர்களாக அதிகரித்துள்ளது. அதெ போல ஒட்டி மொத்த ஐபிஎல் சூழல் அமைப்பின் மதிப்பு ரூ. 41,800 கோடியில் இருந்து ரூ. 47, 500 கோடிகளாக 13.5 சதவீதம் அதிகரித்துள்ளது.

சென்னை மதிப்பு என்ன?
இதே போல சூதாட்ட சர்ச்சையில் சிக்கி இரண்டு ஆண்டு தடைக்கு பின் மீண்டு வந்த சென்னை சூப்பர் கிங்ஸ் அணியின் மதிப்பு, அதிகளவில் சுமார் 13.1 சதவீதம் வரை எகிறி ரூ. 732 கோடிகளாக உள்ளது.

மும்பை முன்னணி
இதற்கிடையில், ஒட்டு மொத்த அணிகளில் வழக்கம் போல சென்னை சூப்பர் கிங்ஸ் அணியுடன் போட்டி போடும் மும்பை இந்தியன்ஸ் அணியின் மதிப்பு ரூ. 809 கோடியாக உள்ளது. இது மும்பை இந்தியன்ஸ் அணியின் கடந்த ஆண்டு மதிப்பைவிட 8.5 சதவீதம் அதிகரித்துள்ளது.

4வது ஆண்டாக…
இதற்கிடையில் அணிகளின் ஆண்டு மதிப்பு அடிப்படையில் மும்பை இந்தியன்ஸ் அணி தொடர்ச்சியாக நான்காவது ஆண்டாக முதலிடத்தில் உள்ளது. இதே போல சன்ரைசர்ஸ் ஹைதராபாத், டெல்லி கேபிடல்ஸ் அணியின் மதிப்பு மொத்தமாக 9 சதவீதம் அதிகரித்துள்ளதாகவும் கூறப்படுகிறது.

LEAVE A REPLY

Please enter your comment!
Please enter your name here