Oppo Reno Ace: வெறும் 30 நிமிடங்களில் 100% சார்ஜ்;

0
60

முன் எப்போதும் இல்லாத அளவிற்கு வேகமான சிபியு & ஜி.பீ.யு; மற்றும் 65W ஃபாஸ்ட் சார்ஜிங் ஆதரவின் கீழ் வெறும் 30 நிமிடங்களில் 100% சார்ஜ் ஆகும் திறன்!

ஒப்போ நிறுவனம் அதன் அடுத்த முதன்மை ஸ்மார்ட்போன் ஆன Oppo Reno Ace-ன் வெளியீட்டு தேதியை அறிவித்துள்ளது. முன்னதாக வெளியான ரெனோ 10 எக்ஸ் ஸூம் ஸ்மார்ட்போனின் வெற்றியை தொடர்ந்து அறிமுகமாகும் இந்த ஒப்போ ரெனோ ஏஸ் ஆனது ஸ்னாப்டிராகன் 855 பிளஸ் SoC மூலம் இயக்கப்படும் என்று எதிர்பார்க்கப்படுகிறது. இது ரெனோ 10 எக்ஸ் ஸூம் ஸ்மார்ட்போனின் நிலையான எஸ்டி 855 உடன் ஒப்பிடும்போது சற்று வேகமான சிபியு மற்றும் ஜி.பீ.யு-வை வழங்குகிறது.
ஒப்போ நிறுவனத்தின் துணைத் தலைவர் ஆன பிரையன் ஷென், சமீப நாட்களாக இந்த புதிய ரெனோ ஏஸ் பற்றிய சில முக்கிய விவரங்களை வெளியிட்டு வருகிறார்.

அக்டோபர் 10 அன்று அறிமுகம்!

அதனொரு பகுதியாக இப்போது இந்த ஸ்மார்ட்போனின் வெளியீட்டு தேதி ஆனது அக்டோபர் 10 என அறிவித்துள்ளார். அக்டோபர் 10 ஆம் தேதி சீனாவில் ரெனோ ஏஸ் அறிமுகம் செய்யப்படும் என்று அறிவித்ததோடு மட்டுமல்லாமல், ஒப்போவின் துணைத் தலைவர் இந்த சமர்ட்போனில் 65W சூப்பர் VOOC வேகமான சார்ஜிங் ஆதரவும் இருக்கும் என்பதை உறுதிப்படுத்தி உள்ளார்.

வெறும் 30 நிமிடங்களில் 100% சார்ஜ்!

இது ஒப்போ ஆர்17 ப்ரோவில் இருந்த 50W ஃபாஸ்ட் சார்ஜிங் தொழில்நுட்பத்தை விட வேகமாக இருக்கும் என்பதில் எந்த சந்தேகமும் வேண்டாம். வெளியான புதிய டீஸரின் படி, 65W வேகமான சார்ஜிங் தொழில்நுட்பத்தின் வழியாக ரெனோ ஏஸ் ஸ்மார்ட்போன் ஆனது வெறும் 30 நிமிடங்களுக்குள் 1005 சார்ஜை எட்டும் என்று ஒப்போ கூறுகிறது.

மென்மையான அனுபவத்தை உறுதி செய்யும்!

ஒப்போ ரெனோ ஏஸ் ஸ்மார்ட்போன் ஆனது முன்னர் வெளியான ஒன்பிளஸ் 7 ப்ரோவைப் போலவே 90 ஹெர்ட்ஸ் டிஸ்ப்ளேவை கொண்டு வெளியாகும் என்றும் எதிர்பார்க்கப்படுகிறது. இதன் ஹை ரெப்ஃரெஷ் ரேட் ஆனது மென்மையான ப்ரவுஸிங் மற்றும் கேமிங் அனுபவத்தை வழங்கும் என்று நம்பலாம்.

புதிய வாட்டர்ஃபால்ஸ் டிஸ்பிளே!

மேலும் புதிய விவோ நெக்ஸ் 3 ஸ்மார்ட்போனில் காணப்படுவது போல் ரெனோ ஏஸ் ஸ்மார்ட்போனில் மிகவும் வளைந்த விளிம்புகளைக் கொண்ட வாட்டர்ஃபால்ஸ் டிஸ்பிளேவை கொண்டதாக இருக்கும் என்று வதந்திகள் பரவுகின்றன. எல்லாவற்றிக்கும் மேலாக, ஒப்போ ரெனோ ஏஸ் ஆனது ஒரு 4,000 எம்ஏஎச் பேட்டரியுடன் வரும் என்று கூறப்படுகிறது.

இந்தியாவில் அறிமுகம் ஆகுமா?

இந்தியாவில், ஒப்போ ரெனோ ஏஸ் அறிமுகம் செய்யப்படுமா என்பது குறித்து இதுவரையிலாக எந்த வார்த்தையும் இல்லை, ஆனால் அறிமுகம் ஆக வாய்ப்புகள் அதிகமாக உள்ளன. ஏனெனில் ஒப்போ நிறுவனம் இதுவரை தனது அனைத்து ரெனோ ஸ்மார்ட்போன்களை நாட்டில் அறிமுகப்படுத்தியுள்ளது. உண்மையில், ரெனோ 2 தொடர் இந்தியாவில் க்வாட் கேமராக்கள் மற்றும் பிரீமியம் கண்ணாடி வடிவமைப்பை கொண்டு அறிமுகமானது.

மிட் ரேன்ஜ் பிரிவின் கீழ் அறிமுகம் ஆகுமா?

ரெனோ 2, ரெனோ 2 இசட் மற்றும் ரெனோ 2 எஃப் ஆகியவை இடைப்பட்ட ஸ்மார்ட்போன்கள் ஆகும். ஆகையால் ரெனோ ஏஸ் ஆனது நிச்சயமாக ஒரு உயர்நிலை ஃபிளாக்ஷிப்பாக இருக்கும் என்பதில் சந்தேகம் வேண்டாம். துல்லியமான அம்சங்களை பற்றி அறிய வெளியீட்டு தினமான அக்டோபர் 10 ஆம் தேதி வரை நாம் காத்திருக்க வேண்டியது அவசியமாகிறது.

LEAVE A REPLY

Please enter your comment!
Please enter your name here