அபராதத்தை வசூலிக்க இவர்களுக்கு உரிமையில்லை..- தமிழக அரசு அதிரடி.!

0
13

போக்குவரத்து விதிகளை மீறுபவர்களுக்கு அபராதத்தை விதிக்க எஸ்.எஸ்.ஐ அதிகாரிகளுக்கு நிகரான பதவியில் இருப்பவர்களுக்கு மட்டுமே உரிமை உண்டு என தமிழக அரசு அறிவித்துள்ளது.

தமிழகத்தில் திருத்தப்படுத்தப்பட்ட புதிய மோட்டார் வாகனச் சட்டம் செப்டம்பர்- 1 முதல் நடைமுறைக்கு வந்துள்ளது. இந்த சட்ட திருத்தத்தை போக்குவரத்து துறை அமைச்சகத்தின் ஒப்புதலோடு மத்திய அரசு அறிவித்திருந்தது.

இதன்படி சரியான ஆவணம் இன்றி பயணிப்பது, குடி போதையில் வாகனத்தை இயக்குவது, ஓட்டுநர் உரிமம் இன்றி வண்டியை ஓட்டுவது, தலைக்கவசம் அணியாமல் இருப்பது போன்ற குற்ற நடவடிக்கைகளுக்கு அபராதம் பல மடங்கு உயர்த்தப்பட்டு வசூலிக்கப்பட்டு வருகிறது.

இந்நிலையில், இதுகுறித்து தமிழக அரசு அரசாணை வெளியிட்டுள்ளது. அதாவது போக்குவரத்து விதிகளை மீறுபவர்கள் மீது சரியான ஆதாரத்துடன் எஸ்.எஸ்.ஐ மற்றும் அதற்கு நிகரான பதவியில் இருக்கும் அதிகாரிகள் மட்டுமே வசூலிக்க வேண்டும்.

எஸ்.எஸ்.ஐ பதவிக்கு கீழ் உள்ளவர்களுக்கு அபராதத்தை வசூலிக்க கூடாது என உத்தரவிடப்பட்டுள்ளது. பொதுவாக சாலைகளின் சில இடங்களில் கான்ஸ்டேபிள், ஏட்டு பதவியில் இருக்கும் போலீசார் உயர் அதிகாரி இல்லாத நேரங்களில் வசூல் வேட்டையில் இறங்குவது வழக்கம்.

இதற்கு சரியான ஆவணங்களையும் வாகன ஓட்டிகளுக்கு கொடுப்பதில்லை என புகார்கள் எழுந்து வருகிறது. இந்நிலையில் அரசு வெளியிட்டுள்ள இந்த அறிக்கை இது போன்ற நடவடிக்கைகளை தடுக்கும் என எதிர்பார்க்கப்படுகிறது.

 

LEAVE A REPLY

Please enter your comment!
Please enter your name here