iPhone 11: ஒருவழியாக 2019 ஆம் ஆண்டின் 3 புதிய ஐபோன்களின் பெயர்கள் வெளியானது!?

0
35

இன்னும் கொஞ்சம் விட்டிருந்தால் ஆப்பிள் நிறுவனமே குழம்பி போகும் அளவிற்கு பெயர்கள் வெளியாகி இருக்கும்.

ஆப்பிள் நிறுவனத்தின் 2019 ஆம் ஆண்டிற்கான ஐபோன்களின் வெளியீட்டு நிகழ்விற்கு இன்னும் சில நாட்களிலேயே உள்ளது. ஆப்பிள் அதன் புதிய ஐபோன்கள் அல்லது ஐபோன் 2019 மாடல்களை வருகிற செப்டம்பர் 10 ஆம் தேதி அன்று அறிமுகப்படுத்தும் என்று அறிவித்துள்ளது.

வெளியாகும் மூன்று ஐபோன்களில் ஒன்று ஐபோன் XS-ன் மேம்பட்ட பதிப்பாக இருக்கும் என்றும், இரண்டாவது ஐபோன் ஆனது XS Max-ஐ பின்தொடரும் என்றும், மூன்றாவது ஐபோன் ஆனது ஒரு “மலிவு விலையிலான” ஐபோன் XR-ன் அடுத்த பதிப்பாக இருக்கும் என்றும் எதிர்பார்க்கப்படுகிறது.

வழக்கம் போல குழப்பம்!

அறிமுகத்திற்கு முன்னதாகவே இந்த மூன்று ஐபோன்களின் அனைத்து முக்கிய அம்சங்கள் மற்றும் தொடக்க விலை நிர்ணயங்கள் போன்ற தகவல்களானது வதந்திகள் மற்றும் கசிவுகளால் வெளிப்படுத்தப்பட்டுள்ளன. கிட்டதட்ட இந்த புதிய ஐபோன்களின் அதிகாரப்பூர்வ பெயர்கள் நமக்கு கிடைத்து விட்டாலும் கூட, ஒவ்வொரு ஆண்டையும் போல ஐபோன் 2019-ன் பெயர்களைச் சுற்றி நிறைய குழப்பங்கள் உள்ளன.

ஆளுக்கு ஒரு பெயரை பரிந்துரைத்தனர்!

முன்னதாக வெளியான வதந்திகள் மற்றும் கசிவுகள், வரவிருக்கும் ஐபோன்கள் ஆனது ஐபோன் XI, ஐபோன் XR2 மற்றும் ஐபோன் XI மேக்ஸ் என அழைக்கப்படும் என்று பரிந்துரைத்தன. அதன் பின்னர் வெளியான தகவல்கள், வரவிருக்கும் ஐபோன் 2019 தொடரில் “ஐபோன் 11” என்கிற பெயரிடும் பாணியை ஆப்பிள் கையாளும் என்று கூறின.

னால் தற்போது வெளியாகியுள்ள ஒரு புதிய லீக்ஸின் படி, வரவிருக்கும் ஐபோன் 2019 தொடர் ஆனது ஐபோன் 11, ஐபோன் 11R மற்றும் ஐபோன் 11 Pro என்று அழைக்கப்படும். ஐபோன் 11 தொடரின் அறிமுக நாளானது மிகவும் நெருக்கமாக இருக்கும் தருணத்தில் வெளியாகியுள்ளதால், இந்த லீக்ஸ் தகவலை நாம் கருத்தில் கொள்ள வேண்டியது அவசியமாகிறது.

ஐபோன் 11 (பெயரில் உறுதித்தன்மை இல்லை): விலை மற்றும் அம்சங்கள்!

முன்னதாக சீன வலைத்தளம் ஒன்றின் வழியாக ஐபோன் 11 தொடரின் கீழ் வெளியாகும் 3 ஐபோன்களின் அம்சங்கள் மற்றும் விலை நிர்ணயம் வெளியாகி இருந்தது. அதன்படி ஐபோன் 11 ஆனது ஆனது 3டி டச் ஆதரவு இல்லாத 6.1 இன்ச் எல்சிடி டிஸ்ப்ளே, ஏ13 சிப், 12 மெகாபிக்சல் அளவிலான செல்பீ கேமரா, பின்புறத்தில் இரட்டை 12 மெகாபிக்சல் கேமராக்ள், 512 ஜிபி வரை சேமிப்பு, 3110 எம்ஏஎச் பேட்டரி, ரிவர்ஸ் வயர்லெஸ் சார்ஜிங் ஆதரவு போன்ற பிரதான அம்சங்களை கொண்டிருக்கும். இது 749 அமெரிக்க டாலர்களுக்கு அதாவது தோராயமாக ரூ.57,700-க்கு அறிமுகம் ஆகும்.

ஐபோன் 11 ப்ரோ (பெயரில் உறுதித்தன்மை இல்லை): விலை மற்றும் அம்சங்கள்!

இது ஏ13 சிப், 5.8 இன்ச் அளவிலான ஓஎல்இடி டிஸ்பிளே, 12 மெகாபிக்சல் அளவிலான செல்பீ கேமரா, பின்புறத்தில் மூன்று 12 மெகாபிக்சல் அளவிலான சென்சார்கள், 512 ஜிபி வரையிலான உள்ளடக்க சேமிப்பகம், 3190 எம்ஏஎச் பேட்டரி போன்ற பிரதான அம்சங்களை கொண்டிருக்கும். விலை நிர்ணயத்தை பொறுத்தவரை இது 999 அமெரிக்க டாலர்களுக்கு, அதாவது தோராயமாக ரூ.71,000-க்கு விற்கப்படும்.

ஐபோன் 11 ப்ரோ மேக்ஸ் (பெயரில் உறுதித்தன்மை இல்லை): விலை மற்றும் அம்சங்கள்!

ஐபோன் 11 ப்ரோ மேக்ஸ் ஆனது ஒரு பெரிய 6.5 இன்ச் அளவிலான OLED டிஸ்பிளே, ப்ரோ மாடலில் இருக்கும் அதே செயலி, சேமிப்பு மற்றும் கேமரா அமைப்புகளை கொண்டிருக்கும். ஆனால் இது 3500 எம்ஏஎச் என்கிற கூடுதல் பேட்டரித்திறனை கொண்டிருக்கும். விலையை பொறுத்தவரை, இது 1099 அமெரிக்க டாலர்களுக்கு அதாவது தோராயமாக ரூ.78,800 என்கிற விலைக்கு அறிமுகமாகும்.

இது அனைத்துமே லீக்ஸ் தகவல்கள் என்பதை மீண்டும் நினைவூட்ட விரும்புகிறோம். இதில் எதெல்லாம் சாத்தியமாகும், பொய்யாகும் என்பதை செப்டம்பர் 10 ஆம் தேதியன்று நாம் அறிந்துகொள்வோம்.

LEAVE A REPLY

Please enter your comment!
Please enter your name here