ரூ15 ஆயிரம் மதிப்பிலான வாகனத்தில் சென்றவருக்கு ரூ 23 ஆயிரம் அபராதம்!!

0
10

மோட்டார் வாகன சட்ட திருத்தம் அமலுக்கு வந்த பின்பு குர்கானில் ரூ15 ஆயிரம் மதிப்பிலான வாகனத்தில் சென்றவருக்கு ரூ23 ஆயிரம் போலீசார் அபராதம் விதித்துள்ளனர்.

மோட்டார் வாகன திருத்தப்பட்ட தண்டனை சட்டம் கடந்த செப் 1ம் தேதி முதல் நாடு முழுவதும் அமுலுக்கு வந்தது. அப்பொழுது முதல் அதிக அளவிலான அபராத தொகை வசூலிக்கப்படுகிறது.

இந்நிலையில் டில்லியை அடுத்த குர்கான் பகுதியில் தினேஷ் மதன் என்பவர் தனது ஸ்கூட்டரில் ஹெல்மெட் அணியாமல் வந்துள்ளார். அதைப் பார்த்ததும் அவரை மடக்கிப் பிடித்த போலீசார் அவரிடம் வாகனத்திற்கான ஆவணங்களைக் கேட்டுள்ளனர்.

வாகனம் குறித்த எந்த ஆவணமும் தினேஷ் மதனிடம் இல்லை. இதனால் போலீசார் அவருக்கு அபராதம் விதிக்க முடிவு செய்தனர். அதன் படி அவருக்கு ஓட்டுநர் உரிமம் இல்லாமல் பயணித்தற்காக ரூ 5 ஆயிரம், ஆர்.சி புக் இல்லாமல் சென்றதற்காக ரூ 5 ஆயிரம், வாகன காப்பீடு இல்லாததிற்காக ரூ 2 ஆயிரம், வாகனப் புகையால் சுற்றுச்சூழலை மாசுபடுத்தியதற்காக ரூ 10,000, மற்றும் ஹெல்மெட் அணியாததற்காக ரூ 1000 என மொத்தம் ரூ 23 ஆயிரம் அபராதமாக விதித்தனர்.

இது குறித்து தினேஷ் மதன் கூறும்போது : “நான் வந்த வாகனத்தை விற்றாலே வெறும் ரூ 15 ஆயிரம் தான் தேறும். ஆனால் அந்த வாகனத்திற்கு ரூ23 ஆயிரம் அபராதம் விதித்துள்ளனர். இது பெரும் அநியாயமாக இருக்கிறது. இருந்தாலும் அவர்கள் மேலே சொன்ன ஆவணத்தை எல்லாம் காட்டிவிட்டால் ஹெல்மெட் அபராதத்தைத் தவிர விதிக்கப்பட்ட மற்ற அபராதத்தை எல்லாம் ரத்து செய்து விடுவதாகக் கூறியிருக்கிறார்கள். அதனால் அந்த ஆவணத்தை எடுக்க வீட்டு செல்கிறேன்” எனக் கூறினார்.

வெறும் ரூ15 ஆயிரம் மதிப்பிலான பைக்கில் வந்தவருக்கு ரூ23 ஆயிரம் அபராதம் விதித்த சம்பவம் பெரும் பரபரப்பை ஏற்படுத்தியுள்ளது.

LEAVE A REPLY

Please enter your comment!
Please enter your name here