அமெரிக்காவிலும் கோடி கோடியாக முதலீடு அள்ளிய முதல்வர்!!

0
10

தமிழக முதல்வர் பிரிட்டனில் தனது பயணத்தை முடித்துக் கொண்டு அமெரிக்கா சென்றுள்ளார். அங்கு ரூ. 2,780 கோடி மதிப்பிலான திட்டங்களுக்கு புரிந்துணர்வு ஒப்பந்தங்கள் மேற்கொண்டுள்ளார்.

தமிழக முதல்வர் எடப்பாடி பழனிசாமி பிரிட்டன், அமெரிக்கா, துபாய் ஆகிய நாடுகளுக்கு பயணம் மேற்கொண்டுள்ளார். பிரிட்டனில் மூன்று சுகாதார திட்டங்களில் புரிந்துணர்வு ஒப்பந்தம் மேற்கொண்டார்.

இதையடுத்து முதல்வர் பழனிசாமி அமெரிக்கா பயணம் மேற்கொண்டுள்ளார். நியூயார்க்கில் முதல்வர் பழனிசாமி தலைமையில் முதலீட்டாளர்கள் மாநாடு நடந்தது. இதில் கேட்டர்பில்லர், போர்டு நிறுவனங்களின் பிரதிநிதிகளும் கலந்து கொண்டனர்.

சுமார் 200க்கும் மேற்பட்ட முதலீட்டாளர்கள் கலந்து கொண்ட இந்த மாநாட்டில் தமிழகத்தில் தொழில் துவங்குவதற்கான ஏற்ற சூழல் இருப்பதை விளக்கும் குறும்படம் போட்டுக் காட்டப்பட்டது. தடையில்லா மின்சாரம், திறமையான மனித வளம் இருக்கிறது என்று அந்த குறும்படம் மூலம் விளக்கப்பட்டது.

பின்னர் இந்த மாநாட்டில், எமர்சன், ஏஸ்பியர், ஜீன் மார்டின் ஆகிய நிறுவனங்களுடன் இணைந்து ரூ. 2,780 கோடி மதிப்பீட்டில் தமிழகத்தில் தொழில் துவங்குவது குறித்த புரிந்துணர்வு ஒப்பந்தம் கையெழுத்தானது.

இதைத் தொடர்ந்து மார்க் ஜான்சன், மணீஷ் பண்டாரி உள்பட பல நிறுவனங்களின் பிரதிநிதிகளுடன் முதல்வர் பழனிசாமி பேச்சுவார்த்தை நடத்தினார். தமிழகத்தில் தொழில் துவங்க அனைத்து ஏற்பாடுகளும் செய்து தரப்படும் என்று உறுதியளித்தார். இதன் மூலம் தமிழக இளைஞர்களுக்கு வேலைவாய்ப்பை உருவாக்கலாம் என்று முதல்வர் நம்பிக்கை தெரிவித்துள்ளார்.

LEAVE A REPLY

Please enter your comment!
Please enter your name here