‘கிங்’ கோலியின் ‘நம்பர்-1’ இடத்தை தட்டித்தூக்கிய ஸ்டீவ் ஸ்மித்..

0
12

துபாய்: சிறந்த டெஸ்ட் பேட்ஸ்மேன்களுக்கான தரவரிசைப்பட்டியலில் இந்திய கேப்டன் விராட் கோலியை ‘நம்பர்-1’ இடத்தில் இருந்து ஆஸ்திரேலியாவின் ஸ்டீவ் ஸ்மித் பின்னுக்கு தள்ளினார்.

ஹைலைட்ஸ்

  • அணிகளுக்கான தரவரிசைப்பட்டியலில் இந்திய அணி தொடர்ந்து ‘நம்பர்-1’ இடத்தில் உள்ளது.
  • நியூசிலாந்து, தென் ஆப்ரிக்கா அணிகள் அடுத்த இரண்டு இடங்களில் உள்ளன.

சர்வதேச டெஸ்ட் அரங்கில் சிறந்து விளங்கும் பேட்ஸ்மேன்களுக்கான தரவரிசைப்பட்டியலை, சர்வதேச கிரிக்கெட் கவுண்சில் (ஐ.சி.சி,,) இன்று வெளியிட்டது. அதில் இந்திய கேப்டன் விராட் கோலி (903 புள்ளிகள்), இரண்டாவது இடத்துக்கு தள்ளப்பட்டார்.

ஸ்மித் ‘டாப்’….
ஆஸ்திரேலியாவின் ஸ்டீவ் ஸ்மித் (904 புள்ளிகள்) ‘நம்பர்-1’ இடத்திற்கு முன்னேறினார். மூன்றாவது இடத்தில் நியூசிலாந்து கேப்டன் கேன் வில்லியம்சன் (878) உள்ளனர். இந்திய வீரர் புஜாரா (825) நான்காவது இடத்தில் நீடிக்கிறார்.

ரஹானே முன்னேற்றம்
மற்றொரு இந்திய வீரரான ரஹானே (725) 7வது இடத்துக்கு முன்னேறினார். மற்ற இந்திய வீரர்கள் யாரும் ‘டாப்-10’ல் இடம் பெறவில்லை.

பும்ரா ராக்கெட் வேகம்….
சிறந்த பவுலர்களுக்கான தரவரிசைப்பட்டியலில் இந்திய வேகப்பந்து வீச்சாளர் பும்ரா (835) 3வது இடத்துக்கு முன்னேறினார். மற்றொரு இந்திய பவுலர் ரவிந்திர ஜடேஜா (764) 11வது இடத்துக்கு சறுக்கினார்.

ஆஸ்திரேலியாவின் பாட் கம்மின்ஸ் (908), தென் ஆப்ரிக்காவின் காகிசோ ரபாடா (851), ஆகியோர் முதல் இரண்டு இடத்தில் உள்ளனர்.

ஹோல்டர் மிரட்டல்:
ஆல் ரவுண்டர்களுக்கான பட்டியலில் இங்கிலாந்தின் பென் ஸ்டோக்ஸ் (411) தனது இரண்டாவது இடத்தை தக்கவைத்துக்கொண்டார். இந்திய வீரர் ரவிந்திர ஜடேஜா (389) நான்காவது இடத்தில் உள்ளார்.
வெஸ்ட் இண்டீஸ் அணியின் ஜேசன் ஹோல்டர் (472) நம்பர்-1 இடத்தில் நீடிக்கிறார். வங்கதேச வீரர் ஷாகிப் அல் ஹாசன் (399) மூன்றாவது இடத்தில் உள்ளார்.

LEAVE A REPLY

Please enter your comment!
Please enter your name here