இந்தியாவில் ஹார்லி டேவிட்சனின் முதல் மின்சார பைக் அறிமுகமானது..!

0
16

ஹார்லி டேவிட்சன் நிறுவனம் முதன்முதலாக ’லைவ்வயர்’ என்ற பெயரில் தயாரித்துள்ள மின்சார மோட்டார் சைக்கிளை இந்தியாவில் பொது மக்கள் பார்வைக்காக அறிமுகம் செய்யப்பட்டது.

உலகளவில், க்ரூஸர் பைக் விற்பனையில் பாரம்பரிய நிறுவனமாக திகழ்வது ஹார்லி டேவிட்சன். அமெரிக்காவைச் சேர்ந்த இந்நிறுவனத்தின் தயாரிப்புகளுக்கு உலகளவிலான ரசிகர் வட்டம் உள்ளது.

தற்போது, ஹார்லி டேவிட்சனின் முதல் மின்சார மோட்டார் சைக்கிளான லைவ்வயர், அமெரிக்கா மற்றும் ஐரோப்பிய நாடுகளில் விற்பனைக்கு அறிமுகம் செய்யப்பட்டுள்ளது.

தொடர்ந்து, பல்வேறு நாடுகளிலும் இதனுடைய விற்பனைக்கான அறிமுக நிகழ்வு துரிதமாக நடைபெற்று வருகிறது. தற்போது, இந்தியாவில் ‘லைவ்வயர்’ பைக் பொதுமக்கள் பார்வையாக்காக அறிமுகம் செய்து வைக்கப்பட்டது.

இந்தியாவில் 2020ம் ஆண்டு துவக்கத்தில் விற்பனைக்கு வரும் என்று எதிர்பார்க்கப்படும் இந்த பைக், மின்சார ஆற்றல் பெற்ற மோட்டார் சைக்கிள்களில் மிகவும் சக்திவாய்ந்த மாடலாக அறியப்படுகிறது.

ஸ்போர்ட்ஸ்டார் வகை மாடலாக வடிவமைக்கப்பட்டுள்ள இந்த பைக்கில், பர்மனென்ட் மேக்னெட்டிக் மின் மோட்டார் உள்ளது. இது 103 பிஎச்பி பவர் மற்றும் 116 என்.எம் டார்க் திறனை வெளிப்படுத்தும்.

இதிலுள்ள 15.5 kWh லித்தியம் அயான் பேட்டரியை முழுமையாக சார்ஜ் செய்தால் 225 கி.மீ வரை பயணிக்க முடியும். நெடுஞ்சாலைகளில் முழுமையான சார்ஜுடன் 142 கி.மீ வரை போகலாம்.

இந்த பேட்டரியை லெவல்- 1 சார்ஜர் மூலமாக 12 மணிநேரம் முழுமையாக சார்ஜ் செய்யலாம். ஃபாஸ்ட் சார்ஜர் மூலமாக 60 நிமிடங்களில் பேட்டரியை முழுமையாக சார்ஜ் செய்யலாம். செல்ஃப் ஸ்டார்ட் உள்ளிட்டவற்றுக்காக 12 வோல்ட் திறனுடைய சிறிய பேட்டரியும் கொடுக்கப்பட்டுள்ளது.

லைவ்வயர் மின்சார மோட்டார் சைக்கிள் உறுதியான காஸ்ட் அலுமினிய ஃப்ரேமில் கட்டமைக்கப்பட்டுள்ளது. இதனால் இந்த பைக்கை கட்டுப்பாட்டுடன் ஓட்ட முடியும். பைக்கில் முன்புறத்திலும், பின்புறத்திலும் ஷோவா சஸ்பென்ஷன் அமைப்பு வழங்கப்பட்டுள்ளது.

அதேபோல முன்சக்கரத்தில் பிரெம்போ மோனோபிளாக் கேலிபர்கள் மற்றும் 300 மீமீ விட்டமுடைய டிஸ்க் பிரேக்குகள் பின்சக்கரத்தில் உள்ளன. இதிலுள்ள 4.3 இஞ்ச் ஸ்கீரினில் இன்ஸ்ட்ரூமென்ட் கிளஸ்ட்டர் உள்ளது.

ரோடு, ரெயின், ஸ்போர்ட் மற்றும் ரேஞ்ச் என 4 விதமான டிரைவிங் மோடுகள் கொண்ட இந்த பைக் ஐரோப்பாவ்ல் 29,799 டாலர் மதிப்பில் விற்பனை செய்யப்படுகிறது. இந்தியாவில் இந்த பைக் விற்பனைக்கு வரும் போது இறக்குமதி வரியுடன் சேர்த்து ரூ. 45 லட்சம் முதல் ரூ. 50 லட்சம் வரை விலை பெறலாம் என எதிர்பார்க்கப்படுகிறது..

LEAVE A REPLY

Please enter your comment!
Please enter your name here