“வேற லெவல்” அனுபவத்தை வழங்கும் ஆண்ட்ராய்டு 10 புதிய அம்சங்கள்!!

0
27
“வேற லெவல்” அனுபவத்தை வழங்கும் 10 புதிய ஆண்ட்ராய்டு அம்சங்கள் அறிமுகம்! என்ஜாய்…
கூகுள் இறுதியாக ஆண்ட்ராய்டு க்யூவின் அதிகாரப்பூர்வ பெயரை வெளிப்படுத்தியுள்ளது. காலங்காலமாக பின்பற்றப்பட்டு வந்த கூகுளின் “இனிப்பு வகையிலான” பெயரிடும் பாரம்பரியம் ஆனது இம்முறை கைவிடப்பட்டுள்ளது. இனிமேல் வரும் ஆண்ட்ராய்டு பதிப்புகள் ஆனது இனிப்பு வகையிலான பெயர்களை பெறாமல் எண்களையே பெறும் என்று கூகிள் அதன் ” விளக்கவுரை” ஒன்றையும் அறிக்கையாக சமர்ப்பித்துள்ளது.
பெயரில் சில “குறைகள்” இருந்தாலும், ஆண்ட்ராய்டு 10 பதிப்பின் அம்சங்களில் எந்த விதமான குறைகளும் இருப்பதாக தெரியவில்லை. இன்னும் சொல்லபோனால் இது ஆண்ட்ராய்டு ஸ்மார்ட்போன் பயன்பாட்டையும், பயனர் அனுபவத்தையும் ஒட்டுமொத்தமாக “வேற லெவலுக்கு” மாற்றியமைக்கும் என்றே கூறலாம். அப்படி என்னென்ன புதிய அம்சங்களை கொண்டுள்ளது? என்பதை அறிய தொடர்ந்து படிக்கவும்.
01. மடங்கக்கூடிய ஸ்மார்ட்போன்களுக்கான பிரத்யேக யூஐ!

ஒருகாலத்தில் பிரீமியம் சாதனமாக பார்க்கப்பட்ட டபுள் கேமரா ஸ்மார்ட்போன் ஆனது தற்போது சர்வசாதாரணமாக ஒரு அம்சமாக மாறிவிட்டது. ட்ரிபிள் மற்றும் க்வாட் கேமரா அமைப்பு என்று அடுத்தகட்டத்தை நோக்கி சென்று கொண்டிருக்கிறது.அதே போலவே இப்போது பெரிய சவாலாக பார்க்கப்படும் மடங்கக்கூடிய ஃபோல்டபிள் ஸ்மார்ட்போன் ஆனது கூடிய விரைவில் சாதாரணமாக அனைவரின் கையிலும் தவழப்போகிறது.

அதை மனதிற்கொண்டு கூகுள் – கடந்த ஆண்டு வெளிப்படுத்தியபடியே – மடிக்கக்கூடிய திரைகளுக்கான பிரத்யேக UI-ஐ Android 10 ஆதரிக்கும் என்று உறுதிசெய்துள்ளது. அதாவது இந்த 10 பதிப்பானது, இரட்டை டிஸ்பிளேவின் வன்பொருளுக்கு ஏற்ப UI கூறுகளையும், வடிவமைப்பையும் மாற்றும்.

02. டார்க் மோட் – இறுதியாக வந்துவிட்டது!

நடந்து முடிந்த கூகுள் IO டெவலப்பர் மாநாட்டில் உறுதிப்படுத்தப்பட்ட இந்த அம்சத்தை, செட்டிங்ஸ் ஆப்பில் உள்ள பேட்டரி டேப்பின் கீழ் நீங்கள் காணலாம். கூகுள் ஏற்கனவே கடந்த சில மாதங்களாக அதன் பல பயன்பாடுகளில் இந்த பயன்முறையை கொண்டு வந்துள்ளது என்பதும் குறிப்பிடத்தக்கது.

03. உங்கள் லோக்கேஷனை அணுக ஆப்ஸ்களுக்கு கூடுதல் கட்டுப்பாடு!

ஆண்ட்ராய்டு 10-ல் பயனரின் லோக்கேஷன் அணுகலுக்கான தனியுரிமையை மேம்படுத்தப்பட்டுள்ளது. எனவே ஆப்ஸ்கள் உங்கள் இருப்பிடம் சார்ந்த விவரங்களை சேகரிப்பதை நீங்கள் முழுமையாக கட்டுப்படுத்தலாம். லோக்கேஷன் சேவையை இயக்குவதையும் முடக்குவதையும் தவிர, குறிப்பிட்ட ஆப்பில் இருக்கும் போதும் அல்லது அதை செயல்படுத்தும் போதும் மட்டுமே உங்கள் இருப்பிடத்தை அணுக அனுமதிக்கும் மூன்றாவது விருப்பமும் உங்களுக்கு கிடைக்கும்.
04. ஆண்ட்ராய்டு 10-ல் ஃபாஸ்ட் ஷேர் எனும் விருப்பம் இருக்கலாம்!

இந்த புதிய பதிப்பின் வழியாக கூகுள் ஒரு புதிய அம்சத்தை கொண்டு வரும் என்றும், அது ஃபைல்ஸ்களை (கோப்புகளை) எளிதாக டிரான்ஸ்பர் செய்ய அனுமதிக்கும் என்றும் எதிர்பார்க்கப்படுகிறது. கூகுள் இதை ‘ஃபாஸ்ட் ஷேர்’ என்று அழைப்பதாகக் கூறப்படுகிறது. இதே மாதிரியான செயல்திறனை கொண்ட ‘ஆண்ட்ராய்டு பீம்’ முன்னர் அறிமுகம் செய்யப்பட்டதும், பின்னர் அது அகற்றப்பட்டதும் குறிப்பிடத்தக்கது.

05. வேறுபட்ட பேட்டரி இண்டிகேட்டர்!

மீதமுள்ள பேட்டரி திறனை வெளிப்படுத்தும் இன்டிகேட்டர் ஆனது ஆண்ட்ராய்டு 10 உடன் மாறப்போகிறது. இந்த ஓஎஸ் ஆனது பேட்டரியின் சதவீதத்திற்கு பதிலாக எப்போது வரை தாக்குப்பிடிக்கும் என்பதை காட்சிப்படுத்தும். அதாவது காலை 7 மணிக்கு உங்களின் பேட்டரியை பார்க்கும் போது ‘இரவு 11 மணி வரி என்கிற உரையைக் காண்பிக்கும். சில அறிக்கைகளின்படி, இந்த டெக்ஸ்ட் ஆனது குறிப்பிட்ட பேட்டரி நிலைக்கு பிறகுதான் காட்சிப்படும்.

06. வெவ்வேறு வண்ண தீம்களை கொண்டிருக்கலாம்!

ஆண்ட்ராய்டு 10 பதிப்பின் UI வடிவமைப்பில் கூகுள் சில மாற்றங்களைக் கொண்டுவருவது மட்டுமல்லாமல், பயனர்களுக்கு வண்ணங்களோடு விளையாடுவதற்கான வாய்ப்பையும் வழங்கும். அந்த வண்ணங்கள் மட்டுப்படுத்தப்பட்டதாகவே இருக்கும் என்பதும், இது பீட்டா பதிப்பில் உள்ள ‘டெவலப்பர் ஆப்ஷன்ஸ்’ என்கிற விருப்பத்தின் கீழ் கிடைக்கிறது என்பதை குறிப்பிட விரும்புகிறோம்.

07. பாஸ்வேர்ட் இல்லாமல் வைஃபை உடன் இணைக்கலாம்!

இந்த புதிய Android OS ஆனது ஒரு Wi-Fi நெட்வொர்க்குடன் இணைவதை மிகவும் எளிமையாக்கும். இனிமேல் ஒவ்வொரு முறையும் நீங்கள் கடவுச்சொல்லை டைப் செய்ய வேண்டிய அவசியமில்லை. அதற்கு பதிலாக ஒரு QR குறியீட்டை பயன்படுத்தி ஒரு பிணையத்துடன் உங்களால் இணைந்துகொள்ள முடியும்.

08. இனிமேல் மூன்றாம் தரப்பு ஆப்ஸ்களும் சிறந்த புகைப்படங்களைக் க்ளிக் செய்யும்!

வழக்கமாக மூன்றாம் தரப்பு பயன்பாடுகளால் கைப்பற்றப்படும் புகைப்படங்களானது மிகவும் “கொடூரமாக” இருக்கும் அல்லவா? இனிமேல் அப்படி இருக்காது. புதிய ஆண்ட்ராய்டு 10 ஆனது ஆப்ஸ் டெவலப்பர்களுக்கு புகைப்படங்களின் ஆழமான தகவல்களை அணுக அனுமதிக்கும். அதாவது லென்ஸிலிருந்து குறிப்பிட்ட பொருட்களின் தூரம் பற்றிய தகவல்கள் மற்றும் சில தரவுகளை பகிரும். இதன் விளைவாக புகைப்படத்தின் தரம் மேம்பட வாய்ப்புள்ளது
09. அதிக அளவிலான ஆடியோ மற்றும் வீடியோ ஃபார்மெட்கள்!

ஆண்ட்ராய்டு 10 ஆனது கூடுதலான வீடியோ Codecs-களை ஆதரிக்கவுள்ளது. எனவே பயனர்கள் தங்கள் ஸ்மார்ட்போன்களில் பல வகையான வீடியோ ஃபார்மெட்களை இயக்க முடியும்.10. புதிய ஆப் நோட்டிபிக்கேஷன்!

ஆண்ட்ராய்டு 10-ல் தோன்றும் நோட்டிபிக்கேஷனை நீங்கள் லாங் பிரஸ் செய்யும் போது, அவற்றை பிளாக் செய்வது உட்பட பல பயனுள்ள விருப்பங்கள் உங்களுக்கு கிடைக்கும். அதாவது சைலன்ட் ஆக்குவது அல்லது வழக்கம் போல வைத்திருப்பது போன்ற விருப்பங்களை பெறுவீர்கள். Android 9 Pie-ல், Stop Notifications மற்றும் Keep showing என்கிற விருப்பங்கள் மட்டுமே கிடைக்கப்பெற்றது.
11. டெஸ்க்டாப் மற்றும் லேப்டாப்களுடன் சிறந்த ஒருங்கிணைப்பு!
ஆண்ட்ராய்டு 10-ல் ‘டெஸ்க்டாப் மோட்’ இடம்பெறும். இது ஸ்மார்ட்போனை டெஸ்க்டாப்புகளுடன் எளிதாக இணைக்க அனுமதிக்க உதவும்.

LEAVE A REPLY

Please enter your comment!
Please enter your name here