Nokia 7.2 Price: 6ஜிபி ரேம், 48MP கேமரா என மிட்-ரேன்ஜ பிரிவை கலக்கப்போகும் நோக்கியா 7.2!

0
23
Nokia 7.2 Price: 6ஜிபி ரேம், 48MP கேமரா என மிட்-ரேன்ஜ பிரிவை கலக்கப்போகும் நோக்…
நோக்கியா பிராண்டட் ஸ்மார்ட்போன்களை விற்பனை செய்வதற்கான உரிமத்தை பெற்றுள்ள எச்எம்டி குளோபல், நிகழவிருக்கும் IFA 2019-இல் தனது பங்களிப்பை ஏற்கனவே அறிவித்துவிட்டது. செப்டம்பர் 5 ஆம் தேதி நடைபெறும் நிகழ்வில், நிறுவனத்தின் நோக்கியா 6.2 மற்றும் நோக்கியா 7.2 ஆகிய இரண்டு புதிய ஸ்மார்ட்போன்கள் அறிமுகமாகலாம் என்று எதிர்பார்க்கப்படுகிறது.
நோக்கியா 6.2 பற்றிய பல லீக்ஸ் தகவல்கள் வெளிவந்திருந்தாலும், உடன் வெளியாகும் என்று நம்பப்படும் நோக்கியா 7.2 ஆனது ஒரு மர்மமான ஸ்மார்ட்போனவே இருந்தது. அது தற்போது கீக்பென்ஞ் பட்டியலில் காணப்பட்டுள்ளதால், அதன் மீதான மறைத்திரை விலக்கிக்கொள்ளப்பட்டுள்ளது.

4ஜிபி அளவிலான ரேம்!

கீக்பென்ஞ் பட்டியலின்படி, நோக்கியா 7.2 ஆனது 6 ஜிபி அளவிலான ரேம் உடன் வெளியாகும், இது ஒரு மிக முக்கியமான தகவல் ஆகும். ஏனெனில் பெரும்பாலான இடைப்பட்ட ஆண்ட்ராய்டு ஸ்மார்ட்போன்களில் 4 ஜிபி அளவிலான ரேம் மட்டுமே காணப்படுகிறது.

மேம்பட்ட இயங்குதளம்!

ப்ராசஸர் பற்றிய குறிப்பில், இது ஆக்டா கோர் செயலி மூலம் இயக்கப்படும் என்பது வெளிப்படுத்தப்பட்டுள்ளது. ஆக இது 1.84GHz உடனான Qualcomm Snapdragon 710 கொண்டு இயங்கலாம். தற்போது வரையிலாக ஆண்ட்ராய்டு 9 பை கொண்டு இயங்கும் என்று வைத்துக்கொள்ளலாம், அறிமுக நிகழ்வில் ஆண்ட்ராய்டு கியூ அறிவிக்கப்படலாம்.

வேற லெவல் கேமரா ஸ்மார்ட்போன்!

இது 48-megapixel Sony IMX586 sensor-ஐ கொண்ட எச்எம்டி குளோபலின் முதல் ஸ்மார்ட்போனாக இருக்கலாம் என்றும் எதிர்பார்க்கப்படுகிறது. இதர அம்சங்களை பொறுத்தவரை, இது 6.2 இன்ச் முழு எச்டி + டிஸ்ப்ளே, வாட்டர் டிராப் நாட்ச் வடிவமைப்பு, பின்புற கைரேகை சென்சார், 3,500 எம்ஏஎச் பேட்டரி போன்றவைகளை எதிர்பார்க்கலாம்.

விலை நிர்ணயம் என்னவாக இருக்கும்?

நோக்கியா 7.2 உடன் நோக்கியா 6.2 மற்றும் நோக்கியா 5.2 ஸ்மார்ட்போன்களும் நிறுவனத்தின் புதிய மிட்ரேன்ஜ் பிரிவின் கீழ் அறிமுகமாகலாம் என்று எதிர்பார்க்கப்படுகிறது. உடன் நோக்கியா 8.2 அல்லது புதுப்பிக்கப்பட்ட நோக்கியா 9 பியூர்வியூ வெளியானாலும் ஆச்சரியப்படுவதற்கில்லை. எதிர்பார்க்கப்படும் விலை நிர்ணயத்தை பொறுத்தவரை, நோக்கியா 5.2 ஸ்மார்ட்போன் ஆனது ரூ.13,999/- என்கிற புள்ளியை அடையலாம். மறுகையில் உள்ள நோக்கிய 7.2 ஸ்மார்ட்போன் ஆனது ரூ.21,990/-க்கு அறிமுகம் ஆகலாம் என்று எதிர்பார்க்கப்படுகிறது.

LEAVE A REPLY

Please enter your comment!
Please enter your name here