அனைத்து ரயில்களிலும் பிங்க் கலர் கோச்! பெண்களுக்கான ஸ்பெஷல் அறிவிப்பு!

0
57
தற்போது தென்கிழக்கு ரயில்வே ஏற்கெனவே இதனை செயல்படுத்தியுள்ளது. தென்கிழக்கு ரயில்வேக்கு கீழ் இயக்கும் ஆறு பாசஞ்சர் ரயில்களில் ஒரு பெட்டி பெண்களுக்கான பிரத்யேக பெட்டியாக மாறியுள்ளது.
அனைத்து ரயில்களிலும் பிங்க் கலர் கோச்! பெண்களுக்கான ஸ்பெஷல் அறிவிப்பு!
மெட்ரோ ரயில்களில் பெண்களுக்கு அளிக்கப்படுவதைப் போல மற்ற சாதாரண ரயில்களிலும் பெண்களுக்கு தனி பெட்டியை ஒதுக்க ரயில்வே அமைச்சகம் முடிவு செய்யதுள்ளது.

மெட்ரோ ரயில் சேவைகளில் ஒவ்வொரு ரயிலிலும் பெண்களுக்கு மட்டும் என ஒரு பெட்டி ஒதுக்கப்படுகிறது. இதில் பெண்களும் குழந்தைகளும் மட்டுமே பயணிக்க முடியும். இதேபோல மற்ற ரயில்களிலும் ஒரு பெட்டியை ஒதுக்கப்போவதாக ரயில்வே அமைச்சர் பியூஷ் கோயல் அறிவித்துள்ளார்.

தற்போது தென்கிழக்கு ரயில்வே ஏற்கெனவே இதனை செயல்படுத்தியுள்ளது. தென்கிழக்கு ரயில்வேக்கு கீழ் இயக்கும் ஆறு பாசஞ்சர் ரயில்களில் ஒரு பெட்டி பெண்களுக்கான பிரத்யேக பெட்டியாக மாறியுள்ளது.

இவ்வாறு பெண்களுக்கு ஒதுக்கப்படும் பெட்டிகளை அடையாளப்படுத்த ஜன்னல் பகுதி பிங்க் நிறத்தில் வண்ணம் பூசப்படும். இவ்வாறு பிங்க் நிறம் பூசிய ஆறு பாசஞ்சர் ரயில்கள் இயங்கி தென்கிழக்கு ரயில்வேயில் வருகின்றன.

55817 / 55818, 55803 / 55804 மற்றும் 55809 / 55810 ஆகிய எண்கள் கொண்ட ரயில்கள் ஒரு வழித்தடத்திலும் 55817 / 55818, 55803 / 55804 மற்றும் 55809 / 55810 ஆகிய எண்கள் ரயில்கள் மற்றொரு வழித்தடத்திலும் பெண்களுக்கான பிங்க் பெட்டியுடன் இயங்குகின்றன.

இந்தத் திட்டம் பற்றி ட்விட்டரில் பதிவிட்ட ரயில்வே துறை அமைச்சர் பியூஷ் கோயல், விரைவில் தென்கிழக்கு ரயில்வேயில் உள்ளது போல பிங்க் நிறப் பெட்டிகள் அனைத்து ரயில்வே மண்டலங்களிலும் இயக்கப்படும் எனக் கூறியுள்ளார்.

பிங்க் நிற பெட்டிகள் அறிமுகம் செய்யப்படுவது பெண்கள் பாதுகாப்பாக பயணிக்க உதவியாக இருக்கும் என ரயில்வே நிர்வாகம் கருகிறது.

LEAVE A REPLY

Please enter your comment!
Please enter your name here