குற்றாலத்தில் ஆர்ப்பரித்துக் கொட்டும் நீர்; சுற்றுலாப் பயணிகள் குளிக்க தடை…

0
22
மேற்குத் தொடர்ச்சி மலைப் பகுதிகளில் பெய்து வரும் கனமழை காரணமாக குற்றாலம் அருவிகளில் அளவுக்கு அதிகமாக நீர் கொட்டுவதால் சுற்றுலாப் பயணிகள் குளிப்பதற்கு தடை விதிக்கப்பட்டுள்ளது.

நெல்லை மாவட்டம் மேற்கு தொடர்ச்சி மலைப்பகுதியில் பெய்துவரும் கனமழை காரணமாக குற்றால அருவிகளில் வெள்ளப் பெருக்கு ஏற்பட்டுள்ளது இதனால் சுற்றுலாப் பயணிகள் குளிக்க தடை விதிக்கப்பட்டுள்ளது.

நெல்லை மாவட்டம் குற்றாலத்தில் ஜூன், ஜூலை, ஆகஸ்ட் ஆகிய 3 மாதங்கள் சீசன் காலங்கள் ஆகும். இந்த காலத்தில் அனைத்து அருவிகளிலும் தண்ணீர் ஆர்ப்பரித்து கொட்டும். ஆனால் இந்த ஆண்டு சீசன் சரிவர தொடங்கவில்லை. ஜூன் மாதம் கடந்து ஜூலை மத்திய பகுதிக்கு வந்த போதும் அருவிகளில் தண்ணீர் குறைவாகவே விழுந்து வந்தது.

இது சுற்றுலா பயணிகளுக்கு ஏமாற்றத்தை அளித்த நிலையில் கடந்த 2 தினங்களாக மேற்கு தொடர்ச்சி மலைப்பகுதியில் கனமழை பெய்து வருகிறது. இதன் காரணமாக நேற்று மாலையில் இருந்து குற்றால அருவிகளில் நீர்வரத்து அதிகரிக்கத் தொடங்கியுள்ளது.

இதனிடையே மேற்கு தொடர்ச்சி மலைப்பகுதியில் கனமழை தொடர்வதால் இன்று காலை ஐந்தருவி, பிரதான அருவி ஆகிய அருவிகளில் வெள்ளப் பெருக்கு ஏற்பட்டது. பிரதான அருவியில் தண்ணீர் பாதுகாப்பு வளைவையும் தாண்டி விழுவதால் பாதுகாப்பு காரணம் கருதி சுற்றுலா பயணிகள் குளிக்க தடை விதிக்கப்பட்டுள்ளது.

இதுபோன்று ஐந்தருவியிலும் வெள்ளப்பெருக்கின் காரணமாக சுற்றுலா பயணிகள் குளிக்க காவல்துறையினர் தடைவிதித்துள்ளனர். இதனால் பிரதான அருவி, ஐந்தருவிக்கு வரும் சுற்றுலா பயணிகள் அருவிகளில் குளிக்க முடியாமல் ஏமாற்றத்துடன் பார்த்துச் செல்கின்றனர்..

i

LEAVE A REPLY

Please enter your comment!
Please enter your name here