(whatsapp) வாட்ஸ் ஆப்பில் வேகமாக பரவும் வாட்ஸ் ஆப் குறித்த வதந்திகள்- உஷார்..!

0
35
வாட்ஸ் ஆப் செயல்பாட்டை நிறுத்துவது தொடர்பாக மத்திய அரசு அறிவிப்பு வெளியிட்டுள்ளதாக கூறி ஃபேஸ்புக் மற்றும் ட்விட்டரில் உறுதிப்படுத்தப்படாத தகவல்கள் பரவி வருகின்றன.

தகவல் பரிமாற்றத்திற்காக உலகளவில் பயன்படுத்தப்படும் செயலிகளில் முதன்மையாக இருப்பது வாட்ஸ் ஆப். அதன்படி, வாட்ஸ்ஆப் இனிமேல் காலை 11 மணி முதல் மாலை 6 மணி வரை செயல்படாது என மத்திய அரசு அறிவிப்பு வெளியிட்டுள்ளது. இதுதொடர்பாக பிரதமர் நரேந்திர மோடி அதிகாரப்பூர்வ அறிவிப்பை வெளியிட்டுள்ளார். வாட்ஸ் ஆப் தொடர்பான இந்த அறிவிப்பை அனைத்து பயனர்களிடமும் ஷேர் செய்ய கேட்டுக்கொள்கிறோம். ஒருவேளை நீங்கள் தகவலை பகிராதபட்சத்தில், அடுத்த 48 மணிநேரத்தில் வாட்ஸ் ஆப்பில் உங்களுடைய கணக்கு அழிக்கப்பட்டு விடும்.

மேலும், இதற்காக மாதந்தோறும் ரூ. 499 உங்களுடைய மொபைல் கணக்கில் சேர்க்கப்பட்டுக் கொண்டே வரும். வாட்ஸ் ஆப்பில் புகைப்படங்கள், வீடியோக்களை பகிர்வதில் சிரமம் இருப்பதை நாங்கள் அறிவோம். அதற்காக உரிய நடவடிக்கை எடுக்கப்பட்டு வருகிறது. மேலும் வாட்ஸ் ஆப்பை பயன்படுத்துவதற்கு இனில் கட்டணமும் வசூலிக்கப்படும். ஒருவேளை நீங்கள் பணம் செலுத்த விரும்பவில்லை என்றால், குறைந்த இந்த தகவலை 50 பேரிடம் பகிர வேண்டும். அது உறுதியாகும் பட்சத்தில் வாட்ஸ் ஆப்பின் நிறம் மாறும். சனிக்கிழமை முதல் வாட்ஸ் ஆப் பயன்பாட்டுக்கு கட்டணம் வசூலிக்கப்படும். ஒருவேளை இதை செய்யாத பட்சத்தில் உங்களிடம் வசூலிக்கப்பட்டும்.

இது உண்மை… ப்ளூ டிக் வாங்குவதை மறவாதீர், என்ற தகவல் ஃபேஸ்பு, ட்விட்டர் உள்ளிட்ட சமூகவலைதளங்களில் பரவி வருகிறது. இந்த தகவலில் அரசு நிறுவனங்களின் பெயரும், பிரதமர் நரேந்திர மோடியின் பெயரும் தவறாக கையாளப்பட்டுள்ளது.

இதே விவகாரம் தொடர்பாக மேலும் ஒரு புதிய தகவலை வாட்ஸ் ஆப் நிறுவனம் வெளியிட்டுள்ளதாக தகவல் பரவி வருகிறது. அதன்படி, வாட்ஸ் ஆப் நிறுவனத்தின் இயக்குநர் வருண் புலியானி வெளியிட்டுள்ளதாக சொல்லப்படும் அந்த தகவலில், வாட்ஸ் ஆப் நிறுவனம் முகேஷ் அம்பானிக்கு 19 பில்லியன் டாலருக்கு விற்கப்பட்டு விடுகிறது. முகேஷ் அம்பானி தான் தற்போது வாட்ஸ் ஆப்பை கட்டுப்படுத்தி வருகிறார். இந்த தகவலை குறைந்தது 10 பேருக்கு அனுப்பினால் , உங்களுடைய வாட்ஸ் ஆப் ஐகான், ஃபேஸ்புக்கிற்கு மாறும் என்று அதில் கூறப்பட்டுள்ளது.

உண்மை

இந்த இரண்டு தகவலுமே தவறானது தான். வாட்ஸ் ஆப் நிறுவனம் இதுபோன்ற எந்த தகவலையும் வெளியிடவில்லை. இந்தியாவில் இதுபோன்று, எந்த அறிவிப்பையும் வாட்ஸ் ஆப் நிறுவனத்தின் இயக்குநர் தெரிவிக்கவில்லை. ஃபேஸ்புக் நிறுவனம் தான் வாட்ஸ் ஆப்பை நிர்வகித்து வருகிறது. முகேஷ் அம்பானி வாட்ஸ் ஆப் நிறுவனத்தை வாங்கவில்லை.

ஆய்வு

இதுதொடர்பாக டைம்ஸ் ஆஃப் இந்தியாவின் உண்மை கண்டறியும் குழு, வாட்ஸ் ஆப் நிறுவனத்தின் செய்தி தொடர்பாளரை அணுகியது. அவர் இந்த தகவலை முற்றிலும் பொய் என மறுத்தார். இதுபோன்று தகவல் வெளிவருவது முதன்முறையல்ல. டிசம்பர் 19, 2016 தேதியில் டெக்கான் கிரானிக்கல் நாளிதழ் இந்த செய்தியை மறுத்து செய்தி வெளியிட்டது.
மேலும் ஜூலை, 2013ல் அமெரிக்காவின் சி.என்.இ.டி இணையதளத்தில், இந்த தகவலை மறுத்து செய்தி வெளியிட்டது.

முடிவு

டைம்ஸ் ஆப் இந்தியா உண்மை கண்டறியும் குழுவின் முடிவு படி, தவறான நோக்கத்துடன் வாட்ஸ் ஆப் குறித்து உறுதி செய்ய முடியாத தகவல்கள் பரபரப்பப்பட்டு வருகின்றன. ஃபேஸ்புக் மற்றும் ட்விட்டரிலும் பரவி வரும் தகவல்களின் உண்மையில்லை.

LEAVE A REPLY

Please enter your comment!
Please enter your name here