Google Chrome-ல் இனி எரிச்சலூட்டும் விளம்பரங்கள் வராது!..வந்துவிட்டது அதிரடியான(update) ..

0
25
கூகுள் க்ரோமில் பிரவுசிங் செய்யும் போது, முகம் சுழிக்க வைக்கும் விளம்பரங்களை கட்டுப்படுத்தும் வகையில் புதிய அப்டேட்டை கொண்டு வருகிறது. இது பற்றிய விபரங்களை இங்கு காணலாம்.
Google Chrome-ல் இனி எரிச்சலூட்டும் விளம்பரங்கள் வராது!
கூகுள் க்ரோம் பிரவுசரில் தேவையற்ற, ஆபாசமான விளம்பரங்கள் வராத வகையில், புதிய அப்டேட் கொண்டு வர திட்டமிட்டுள்ளது. இதனால், பயனர்கள் இனி சர்வசாதாரணமாக எந்த தொந்தரவும் இல்லாமல் பிரவுசிங் செய்யலாம்.
கூகுள் நிறுவனம் கடந்த 2008ம் ஆண்டு குரோம் பிரவுசரை அறிமுகம் செய்தது. அதுவரையில், இணையத்தை பயன்படுத்த வேண்டுமென்றால், மொசெல்லா, சபாரி, இன்டெர்நெட் எக்ஸ் ப்ளோரர் போன்ற சாப்ட்வேர்கள் தான் இருந்தது. கூகுள் க்ரோம் வந்த பிறகு, பல சிறப்பம்சங்கள் கொண்டு வரப்பட்டது. Password Save, Autoform fill, Bookmark, Keyboard shortcut உள்ளிட்ட பல்வேறு சிறப்பம்சங்கள் க்ரோமில் கொண்டு வரப்பட்டது. மேலும், இணையத்தின் வேகமும் மற்ற பிரவுசரை காட்டிலும் கூகுள் க்ரோமல் அதிகம் இருந்தது.
இதனால் கூகுள் க்ரோம் பயனாளர்களின் எண்ணிக்கை சராமாரியாக உயரத்தொடங்கியது. இப்போது நம்பர் ஒன் பிரவுசர் இடத்தில் கூகுள் க்ரோம் தான் உள்ளது. இருப்பினும், நீண்ட காலமாக பயனாளர்களுக்கு, க்ரோமில் வரக்கூடிய விளம்பரங்கள் பெருந்தொல்லையாக இருந்து வந்தது. விளம்பரங்களுக்கு அளவே இல்லாத வகையில்,வெப்சைட் முழுவதும் விளம்பர லிங்க் வரத் தொடங்கியது. ஏதேனும் வெப்சைட்டில் ஒரு க்ளிக் செய்தால், மூன்று நான்கு டேப் ஓபன் ஆகி விளம்பரங்கள் வந்த வண்ணம் இருந்தது. இதனால் இன்டர்நெட்டின் வேகமும் குறையத் தொடங்கியது.குறிப்பாக முகம் சுழிக்க வைக்கும் விளம்பரங்களும், ஆபாச விளம்பரங்களும், வைரஸ் இணையதள பக்கங்களும் அடுத்தடுத்து வரத் தொடங்கியது. தொழில்நுட்பம் அறிந்த சிலர் ‘Ad Block’ எக்ஸ்டென்ஷனை பயன்படுத்தி விளம்பரங்களே இல்லாமல் பார்த்துக் கொண்டனர்.

இந்த நிலையில், தற்போது கூகுள் க்ரோமின் புதிய அப்டேட்டில் விளம்பரங்களை கட்டுப்படுத்தும் வசதி கொண்டு வரவுள்ளது. குறிப்பாக ஆபாசம், முகம் சுழிக்க வைக்கும் விளம்பரங்கள் இனி பிரவுசிங் செய்யும் போது வராது. ஒரு வேளை விளம்பரங்கள் வரும் பட்சத்தில், கூகுள் க்ரோம் நோட்டிபிக்கேஷன் ஒன்றை காட்டும். அதில், This site shows intrusive or misleading ads என்று குறிப்பிடப்பட்டிருக்கும். பயனர்கள் விருப்பத்துடன் அனுமதித்தால் மட்டுமே அது போன்ற விளம்பரங்கள் தொடர்ந்து வரும். இதற்கு க்ரோமில் Three Dot > Help > About Google Chrome > Update என்ற பகுதிக்குச் சென்று கூகுள் க்ரோமை அப்டேட் செய்ய வேண்டும்.

இனி விரைவில் பயனாளர்கள் எந்த ஆபாச விளம்பரத் தொல்லையும் இன்றி சர்வ சாதாரணமாக பிரவுசிங் செய்து கொள்ளலாம். விளம்பரங்களை முழுமையாக கட்டுப்படுத்த கூகுள் க்ரோமல் ‘Ad Block’ என்ற சிறப்பு செயலியை டவுன்லோடு செய்து இன்ஸ்டால் செய்து கொள்ளலாம்.

LEAVE A REPLY

Please enter your comment!
Please enter your name here