ஸ்பைடர் மேன்: ஃபார் ஃபிரம் ஹோம் சினிமா விமர்சனம்

0
65
நடிகர்கள்:

டாம் ஹாலார்டு,சாமுவேல் ஜாக்சன்,கோபி ஸ்மல்டர்ஸ்,ஜேபி ஸ்மூவ்,ஜாகோப் பதாலன்,மார்டின் ஸ்டார்,மரிசா தோமாய்,ஜாக் ஜில்லென்ஹால்

கரு: உலகை காக்கும் சூப்பர் ஹீரொக்களில் ஒருவரான ஸ்பைடர்மேனின் அடுத்த பயணம்.

கதை: அவஞ்சர்ஸ் எண்ட் கேம் படத்தின் சம்பவங்க்களுக்கு பிறகு அயன் மேனின் இழப்புகளை தாங்க முடியாத பீட்டர் தான் என்ன செய்வது என்பது தெரியாமல் திணறுகிறான். தன்னுடன் காலேஜில் படிக்கும் பெண்ணை விரும்பும் பீட்டர் அவளிடம் காதலை சொல்ல முடியாமல் தவிக்கிறான். காலேஜ் டிரிப் செல்லுமிடத்தில் நிக் ஃப்யூரி மூலம் உலகை அழிக்கும் சக்திகளுக்கு எதிராக போராட ஆரம்பிக்கிறான். உலகை காப்பதோடு தன்னையும் அயன்மேன் அவனுக்கு விட்டுச் சென்ற பணிகளையும் அவன் கண்டடைவதுதான் இப்படத்தின் கதை.

விமர்சனம்: மார்வல் அவஞ்சர்ஸ் கதைகள் ஒரு முடிவான கட்டத்தை எண்ட் கேம் படத்துடன் முடித்து விட்டு தற்போது தனது அடுத்த படத்தொடருக்கு தொடக்கமாக ஆரம்பித்துள்ள படம் தான் ஸ்பைடர்மேன் ஃபார் ஃப்ரம் ஹோம் . இதில் படத்தின் கதை ஆரம்பத்திலே தெரிந்து விட்டாலும் படத்தின் ஒவ்வொரு நொடியிலும் குதூகலம் பரவும் திரைக்கதை.Tom Holland ஸ்பைடர்மேனுக்கு அட்டகாசமாக பொருந்திபோகிறார். பல காலங்க்களுக்கு பிறகு ஸ்பைடர்மேனுக்கு தகுதியான ஆள் எனச் சொல்லும்படி உள்ளார். பேசிக் கொண்டே இருப்பதும் காதலில் திணறுவதும், நணபனுடன் திட்டமிடுவதும், மொத்தமாக எல்லாவற்றிலும் சொதப்புதுமாக ஒரு அழகான எல்லோரும் விரும்பும் ஸ்பைடர்மேனை கண்முன் கொண்டு வருகிறார்.

Zendaya இதில் ஸ்பைடர்மேன் காதலியாக புரமோட் ஆகியுள்ளார். செம்ம க்யூட்டாக இருக்கிறார். அவரது கேரக்டர் தனித்து தெரியும்படி எழுதப்பட்டுள்ளது. ஸ்பைடர்மேனை அவர் கையாளூம் விதம் அழகு. நண்பனாக Cobie Smulders இந்தப்படத்திலும் கலக்கியிருக்கிறார். விமானத்தில் ஸ்பைடர்மேனை அவர் காதலியுடன் உட்காரவைக்க இவர் போடும் திட்டம் சிரிப்பு வெடி.

படத்தின் அத்தனை டிவிஸ்ட்களும் எதிர்பார்க்கும்படியே நடந்தாலும் படத்தின் திரைக்கதை தான் படத்தை அசையா விடாமல் பார்க்க வைக்கிறது. வழக்கமான வழமையான சூப்பர் ஹீரொ கதை. அதில் மார்வல் படங்களின் தொடர்ச்சியும், ஒவ்வொரு கதாப்பாத்திரங்களையும் அவர்கள் வடிவமைத்த விதமும் தான் படத்தை புதுமைப்படுத்துகிறது. படம் முழுக்க மற்ற மார்வெல் கேரக்டர்களின் தொடர்புகள் ரசிகர்களை உற்சாகப்படுத்தும்படி உள்ளது. அயன்மேன் இறந்து விட்டாலும் படம் முழுதும் அவர் நீக்கமற நிறைந்த்திருக்கிறார். ஒரு வகையில் அவரே இப்ப்டத்தின் ஹீரோ அவரே வில்லன் படம் பாருங்கள் அது புரியும். மார்வல் கட்டமைத்த உலகத்திற்கு குறை வைக்காத படம.

Jon Watts இந்தப்படத்தை இயக்கியிருக்கிறார். மார்வலின் எதிர்காலத்திற்கு இப்படம் மிக முக்கியம் என்பதை உணர்ந்தே ஒரு அட்டகாசமான் எல்லோரும் விரும்பும் ஸ்பைடர்மேனை தந்திருக்கிறார். ஹாலிவுட் படங்களை அதன் பிரமாண்டத்திற்கும் அதில் வரும் துல்லிய்மான பிரமிக்க வைக்கும் சிஜிக்கும் எப்போதும் சொல்வொம் இந்தப்படம் அதை அப்படியே கொண்டுவந்திருக்கிறது. ஆக்ஷ்ன் காட்சிகள் அத்தனை தத்ரூபமாக இருக்கிறது. 3டி யில் இடு புது அனுபவமாக இருக்கும். ஸ்பைடர்மேன் பறக்கும் கேமாரவோடு நாமும் பறக்கிறோம். 

இதற்கு ஆயிரத்த்ற்கும் மேற்பட்டவர்களின் உழைப்பு பின்னனியில் இருக்கிறது. இசை தாளமிடவைக்கிறது. ஸ்பைடர்மேன் அயன்மேன் தோற்றத்திற்கு மாறும் இடத்தில் இசை அயன் மேனாக மாறுகிறது. இதைப் போல் பல அற்புத தருணங்கள் படம் முழுதும் இருக்கிறது. படத்தில் இரண்டு போஸ்ட் கிரடிட் காட்சிகள் உள்ளன. இரண்டும் வெகு முக்கியமானவை. கதையை தலைகிழாக புரட்டிப்போடக்கூடியவை தவறவிடாதீர்கள்.

பலம்: தெவிட்டாத திரைக்கதை, அதகள ஆக்ஷன் காட்சிகள். மைனஸ்: வெகு பலவீனமான வில்லன், எதிர்பார்ப்பது அப்படியே நடப்பது.

ஃபைனல் பஞ்ச்: மார்வல் பட விரும்பிகளுக்கு பெருவிருந்து. பொய்க்காத ஹாலிவுட் பிரமாண்டம்.

இந்த படத்தோட டீசெர் பார்க்கணுமா  கீழே click பண்ணுங்க..

LEAVE A REPLY

Please enter your comment!
Please enter your name here