ஐ.டி உழியர்களுக்கு அமெரிக்காவை விட கனடாவை ஏன் பிடித்திருகிறது தெரியுமா……

0
100

டொனால்ட் ட்ரம்ப் அரசு அமெரிக்காவில் வெளிநாட்டினர் வேலைக்காக வருவதை கடினமாக்கியுள்ளதால், இந்திய சாப்ட்வேர் துறை ஊழியர்கள் கனடாவில் வேலை தேட முயல்கின்றனர்.

அமெரிக்கா ஆண்டுதோறும் 85,000 ஹெச்1-பி விசாவை வழங்குகிறது. இந்த ஹெச்1-பி விசா பெற்று அமெரிக்காவில் பணியாற்றும் வெளிநாட்டு ஐ.டி. துறை ஊழியர்களில் பெரும்பாலானவர்கள் இந்தியர்கள்.

அமெரிக்காவின் அண்டை நாடான கடனா 2017ஆம் ஆண்டு அறிவித்த சர்வதேச திறன்கள் திட்டம்  மூலம் 2018ஆம் ஆண்டில் 3,10,000 பேரையும் 2019ஆம் ஆண்டில் 3,30,000 பேரையும் புதிய நிரந்திர கனடாவாசிகளாக அங்கீகரிக்க இலக்கு நிர்ணயித்துள்ளது.

புதிய கண்டுபிடிப்புகளை நிகழ்த்துபவர்களைக் கொண்ட நாடாக கனடாவை மாற்ற அந்நாட்டு அரசு முயல்கிறது என அத்திட்டம் பற்றிய அறிக்கையில் கூறப்படுகிறது. நவம்பர் 2018 வரை 40,833 பணிகள் மற்றும் 3,625 விண்ணப்பங்களுக்கு ஒப்புதல் வழங்கப்பட்டுள்ளன. அமெரிக்காவைச் சேர்ந்த ஸ்டாக்ராப்ட் என்ற நிறுவனம் தங்களிடம் பணிபுரிய வருபவர்கள் அமெரிக்காவில் உள்ள விசா சிக்கல் காரணமாக கனடாவில் பணியாற்றுவதையே விரும்புகிறார்கள் எனக் கூறுகிறது.

தற்போது அமெரிக்காவில் பார்க்கும் பணியை கனடாவுக்கு மாற்றிக்கொள்ள விரும்பும் மூன்றில் ஒருவர் இந்தியராக உள்ளனர் எனவும் ஸ்டாக்ராட்ப் நிறுவனத்தின் நிறுவனர் வர்திகா மானஸ்வி தெரிவிக்கிறார். மேலும் 2021ஆம் ஆண்டு வரை ஹெச்1-பி விசா அவகாசம் நீட்டிக்கப்பட்டிருப்பவர்கள்கூட கனடாவுக்குச் சென்றுவிட தயாராக உள்ளனர் என்கிறார்.

அமெரிக்காவில் ஹெச்1-பி விசா பெற்றவர்கள் அமெரிக்காவில் பணிபுரியும் அனுமதிக்காலம் மேலும் மூன்று ஆண்டுகளுக்கு நீட்டிக்க வாய்ப்பு இருந்தது. ஆனால், புதிய கெடுபிடி விதிகளால் அதற்கான வாய்ப்பு அரிதாகிவிட்டது. விசா காலம் நீட்டிக்கப்படுவதற்கு உத்தரவாதம் இல்லாத சூழலால்தான் அமெரிக்காவில் பணியாற்றி வருபவர்களும் கனடாவுக்குச் செல்ல வேண்டிய நெருக்கடிக்கு ஆளாகிறார்கள் என மானஸ்வி கருதுகிறார்.

விசா நீட்டிப்பு நிராகரிக்கப்பட்ட 13,177 பேரில் இரண்டில் ஒரு பங்கு ஊழியர்கள் டி.சி.எஸ்., இன்போசிஸ், விப்ரோ, காக்னிசன்ட் உள்ளிட்ட 30 பெரிய நிறுவனங்களில் பணியாற்றுபவர்கள். கனடா அரசு திறமையான பணியாளர்களுக்கு தங்கள் நாட்டின் குடியுரிமையை அளிக்கவும் தயாராக உள்ளது. ஆனால் அமெரிக்காவில் அப்படி நடப்பது மிகவும் அரிது.

கடந்த இரண்டு ஆண்டுகளில் 900 நிறுவனங்கள் கனடாவில் 3,500 வேலை வாய்ப்புகளை அறிவித்துள்ளன. ஆனால், கடனாவில் கிடைக்கும் சம்பளம் அமெரிக்காவை விட குறைவு என ஒரு தரப்பினர் நினைக்கின்றனர். ஆனால், நிரந்தரக் குடியுரிமைக்கான வாய்ப்பு இருப்பதால் கனடாவுக்கு இடம்பெயர்வோர் எண்ணிக்கை கூடிக்கொண்டே இருக்கிறது.

LEAVE A REPLY

Please enter your comment!
Please enter your name here